لو انا اللى هشترى هختار السنترا
فتيسها سى فى تى أحدث تكنولوجيا فى الفتيس
واسعه من جوه و ليدات واستارت انجين
وكفاية انها واخد أمن عربية فى 2015 فى السعودية فى فئتها
لو انا اللى هشترى هختار السنترا
فتيسها سى فى تى أحدث تكنولوجيا فى الفتيس
واسعه من جوه و ليدات واستارت انجين
وكفاية انها واخد أمن عربية فى 2015 فى السعودية فى فئتها
تجربتى مع الفلوانس حوالى 4 شهور كنت بقارن بينها وبين الكورولا والاسترا واستقريت فى الاخر على الفلوانس كأكبر قيمة مقابل المال يعنى انت بتاخد بفلوسك اكبر قدر من المميزات كتوكيل وعربية شيك وفخمة وممتازة وكمية اوبشن هايلة وبالفعل اشتريت الهاى لاين وهاقول مميزات الفلوانس وعيوبها بالنسبة لى ومن وجهة نظرى الشخصية فقط ..الفلوانس عربية ثابتة وممتازة وكمان فراملها عجبانى جدا وفخمة وشيك من بره وفخمة وشيك من جوه شكلا بمعنى انها من جوه كشكل فخمة وجميلة وشيك لكن اللى يدقق فى الخامات الداخلية هايزعل جدا ودى كانت من الحاجات اللى زعلتنى بس ما اخدتش بالى منها الا لما اشتريت وركبتها .. رأيى الشخصى ان الخامات سيئة وتقفيل مش أد كده لعربية بالاسم ده وبالسعر ده .. ياراجل انزل بص عند دواسة الفرامل هتلاقى نفسك شايف عمود الدريكسيون .. عمود حديد نازل كده بشكل غريب ولا متغطى ولا متدارى باى فرش او ممكن يكون حاجة تانى غير عمود الدريكسيون الله واعلم بس شوف شكله .. بص على تقفيل فرش السقف وبالذات من عند الحروف .. التكييف الاوتوماتيك بالنسبة لى فيه مشكلة انك طول ما العربية مطفية يعنى وانت راكنها مثلا الهوايات بتبقى مفتوحة وبتدخل تراب .. لان طبعا الزرار اللى بيقفلها علشان تدوير الهوا داخل السيارة بيشتغل مع التكيف وهوه داير بس يعنى تطفى التكييف خلاص كده اتفتحت تانى .. السحب والتجميع تقيل جدا وبطيئ فعلا وان كان اتحسن شوية صغيرة بعد ال 3000 فى النهاية وبشكل عام هى ميزاتها اكبر من عيوبها وعربية محترمة وشيك جدا وعيوبها دى وجهة نظر شخصية وعلشان كلامى يكون كامل .. السنترا نفس الموتور ونفس الفتيس وبرضه طلعتها بطيئة زى الفلوانس بس سحبها احسن شوية منها وكذلك الكروز خامات السنترا افضل داخليا ياريت بقى حد يقولى بعد الفلوانس اجيب سنترا ولا كروز
انا كنت محتار زيك كان عندي اوكتافيا وقررت ابيعها وبعد تفكير طويل وعده مقارنات اخترت كروز2015 والحمد لله كان اختيار موفق سحب عالي واعتماديه وثبات وانظمه تحكم الكتروني ممتازه ..انا مشيت بيها دلوقت 8الاف كيلو بفضل الله ممتازه ولكن يعيبها استهلاك البنزين اعلي خصوصا داخل المدينه وقله الاوبشنز وبالنسبه للتوكيل في صيانه ال5 الاف كان ممتاز ..ومفيش مشاكل ولله الحمد بس عاوز اجيبلها جي بي اس الشاشه الكبيره التاتش بيفرق كتير