المشكلة الشائعة لهيونداى إلنترا (علبة الدركسيون)
ازيكم يا شباب أنا عندى مشكلة فى علبة الدركسيون من اكثر من شهرين و انا عامل دلوقتى حوالى 59000 كيلو و قد قمت بتغييرها فى التوكيل أبو رواش و انا كنت عامل 48500 كيلو و ده طبعا مش طبيعى يا عنى فى حوالى 10000 كيلو العلبة باظت تانى و لما رحتلهم قالولى خلاص انت طلعت من الضمان علشان انت عديت ال 3 سنين و احنا مانقدرش نعملك حاجة قولتلهم ياعنى الطبيعى انى اغير علبة دركسيون كل 10 الف كيلو ازاى ياعنى و حجتهم بقى ان انا بمشى فى اماكن غير ممهدة رديت عليه قولتله مصر كلها طرقها غير ممهدة..الطريق للتوكيل اصلا غير ممهد و طبعا دى حجج هبلة لان كل العربيات بتمشي فى نفس الطرق دى و زى الفل و كل عربيات صحابى سواء النترا او rb عندهم نفس المشكلة و يا إما غيروها او هايغيروها قريب
ارجو الافادة انا بحاول ابعت اليومين دول لجهاز حماية المستهلك و هيونداى كوريا لما نشوف هايحصل ايه ان شاء الله
