سؤال لأهل الخبرة

**namnam80** · 30-07-2007 02:17 AM

السلام عليكم :
انا معايا عربية اكسيل موديل 97 ولسة شاريها مستعملة حوالى شهرين اول حاجة عاملتها عملت سرفيس للعربية ركبت طقم بجيهات وغيرت سير الكاتينة وبعد كدة لقيت البوجيهات بططلع عليها كربون او مهببة رحت لبتاع الكربترات وفك الكربياتير وطلع مش محتاج اكس وباب بس محتاج يتنضف وقام بتنضيفة وبعدها ركبت طقم بوجيهات تانى وبعديها بحوالى 3اسابيع البوجيهات جة عاليها كربون رحت للتوكيل الى فى الدقى (غبور) قالى هانعمل الازم وانا بستلم منة العربية قالى الكربياتير مش محتاج تنضيف وب كانت فية حاجات عايزة تتغير وغايرناها وطبعا غير طقم البوجيهات وبعديها مافيش يومين ظهرت نفس المشكلة مع العلم ان العربية فى سرنسية بلاقى فيها تنتيشة خفيفة لكن فى السرعة بتروح التنتيشة عايز من اهل الخبرة انهم يدولونى على الصح اعمل اية
ولكم جزيل الشكر

**ahmed1981** · 02-08-2007 05:54 PM

المشاركة الأصلية كتبت بواسطة namnam80

ركبت طقم بوجيهات تانى وبعديها بحوالى 3اسابيع البوجيهات جة عاليها كربون

طب ليه بتبص عليها أساسا ؟؟؟؟؟؟؟ هل فيه مشكله مثلا
الكربون على البوجيهات مسألة نسبية قد تكون مقبولة أو غير مقبولة حسب كثافته
والحقيقة الواحد مبيكشفش على البوجيهات بالطريقة دي
بعد تغيير البوجيهات أظبط الكربراتير والكهرباء ولو كنت غيرت كاتينة أظبط التقسيمة مظبوط
وبعدين جرب وإسحب وشوف لو العربية كويسة خلاص (بدون فك البوجيهات)
لو فيه مشاكل ندور على عيوب أخرى منرجعش نفك البوجيهات

وجرب كده وإبقى قول لنا على النتيجة والأعراض