انا استلمت اخيرا يا رجالة

**monmon2010** · 18-11-2008 11:19 PM

الحمد لله اخيرا استلمت بعد عناء العربية وهي جين 2 2009 مانيوال سوداء
طبعا بوجه شكر خاص لاستاذ وجدي الي زعلان مني وانا بعتذرلك تاني علي الي كتبته هنا في المنتدي بس انت عارف القلق الي الواحد بيبقي فيه وخصوصا ان انا حاجز بقالي مدة وشكرا علي معاملتك ليا المحترمة جدا وفي الاخر احب اقولك انا اتشرفت اني اتعرفت علي انسان زيك لانك اهم حاجة فيك صراحتك معايا (ملحوظة استاذ وجدي معانا في المنتدي بس مش باين انا بقي مستني رده هنا عشان يساعد الناس كلها واهوا فايدة لينا ان يبقي معانا حد من جوة التوكيل)

بعد وصلة الشكر الخاصة جدا احب اطمنك العربية تمام كله شغال ومعنديش اي ملحوظات ولا شنطة ولا عفشة ولاي اي حاجة البركة في استاذ وجدي و لاستاذ ميدو الكاسيت mp3 متقلقش
العربية كانت عاملة 56 كيلو ودلوقتي بقيت 75 ....العربية وهم بصراحة كل الي شافها معايا اتثبت
من حيث السحب وهم بس مش بقرص خالص اقصي اربي ام 3
بس انا تعبت من الظهر مش شايف ورايا خالص طلع عيني بصراحة انا مش عارف فين الparking sensors

من حيث الاستلام استلمت كله معادا المفتاح الاحتياطي ولسا جواب المرور والافراج الجمركي والكاتلوج

لو في اي استفسار انا في الخدم (ملحوظة انا minasamirus بس معمولي بان)

**momenhamdy** · 18-11-2008 11:24 PM

الف مبروووووووووووووووووووووو ووك يا باشا
وربنا يديك خيرها و يكفيك شرها
:k49::k49::k49:

**khpopo** · 18-11-2008 11:28 PM

الف مبروككك الاستلام وخد بالك من العربية فى الجرى عقبال ماتخد على الابعاد وموضوع الظهر السينسور هاينفعك تفاعل معاة هاتلاقى الركنة سهلة حتى لو نملة عدت وراك ممكن تلاحظ وعن تجربة عيل صغير كان ورايا والحمدالله ويحميلنا جين 2 الجميلة
ربنا يوفق

**monmon2010** · 18-11-2008 11:34 PM

ايوا بيظهر فين اشارات السينسور دي مش عارف مكانها ارجو الافادة في النقطة دي

**Rafraf** · 18-11-2008 11:36 PM

alf mbrok ya mina

wana kman esmi mina w nfsi f gen2 eswd bardo:D

rakblha farsh nbiti f eswd

hib2a fager

rbna y7afzlk 3aleha w ybarklk feha

note: put in it oil from the church or go to any church to make it perfect! belive me

god bwiz u

**Boody8882** · 18-11-2008 11:38 PM

ألف مليون مبرووووووووك يا أستاذ مــينا
ربنا يباركلك فيها
والدور عليك بقى يا Ayman_52 يارب تخلص بقا
وعقبالى يا رب

**bassam nagy** · 18-11-2008 11:39 PM

الف مبروك وربنا يباركللك فيها ويديك خيرها ويكفيك شرها

**monmon2010** · 18-11-2008 11:40 PM

ايوا يا رفرف انا فعلا هاعمل كده ورايح زيارة للاديرة الجمعة الي بعد الي جاية
معلش انا اسف لوتطرقت في امور دينية لحسن يعملي بان تاني علي المادة السابعة من قانون عقوبات نايل موتورز

وشكرا جزيلا لكل الي ردو ربنا يبارك فيكم جميعا