افيدونى فى الاختيار ( فيكترا 95 - سيفيا 99 )

السلام عليكم
السادة اهل الخبرة الكرام برجاء افادتى انا كنت راكب اوبل فيكترا 97 اوتوماتيك 2000 سى سى وكانت حلوة بس طبعا زى اى اوبل ملهاش نهاية فى الاعطال ... المهم حصلت ظروف بعد ما ظبطتها على الاخر حصلت ظروف وبعتها . دلوقتى معايا مبلغ وعايز اجيب حاجة اوتوماتيك وتكون كويسة فى السفر علما بأنى معظم مشىى سفر وانحصر الاختيار ما بين حاجتين على قد الميزانية المتاحة
1 - اوبل فيكترا 95 2000 سى سى الشكل القديم ودى طبعا فى السفر حلوة وقوية وعربية مجربها قبل كدة وعندة خبرة وية فى اماكن الصيانة وقطع الغيار والمانى برضة بس قطع غيار غالية وقليلة وخاصة انى بسافر الصعيد كتير وهناك مفيش ريحة اوبل لا صنيعية ولا قطع غيار
2 - كيا سيفيا 1500 اوتوماتيك موديل 99 ودى ميزتها قطع الغيار متوفرة واى حد يشتغل فيها وفى نفس الوقت ناس بتقولى انها عربية محترمة فى السفر كورى اة بس كويسة وبتستحمل ( بس محدش يعرف اخبار الاوتوماتيك منها اية )
اية رأيكم الاتنين قدامى والاتنين حالتهم واحدة معقولين والسعر قريب من بعض تقريبا فية فرق بس مش كبير قوى
اخلينى فى الاوبل وثباتها وقوتها ولا الكيا وتوافر صيانتها واعادة بيعها بسعر معقول غير الاوبل اللى لازم تخسر فيها
ولو حد يعرف حاجة عن السيفيا اوتو يا ريت يفيدنا وخاصة مع التكييف
شكرا للاطالة