انا محتاره جدا و مش عارفة اجيب انهى عربية اجيب عربية لوجان 2016 ولا جراند i10 عايزة اعرف انهى احسن من قطع غيار و صيانة و اعادة البيع و الشكل انا بحب الهاتش باك بس لوجان حلوة و شيك ممكن تساعدونى عشان عايزة احجز و هل صالون هيونداى جراند i10 صغير فعلا؟ انا لو هجيب لوجان هتبقى فئة تانية مانيوال فول اوبشن ارجو مساعدة
لو تعرفى تجيبى اللوجان اوتوماتيك يبقى احسنلك , او السانديرو اوتوماتيك هاتبقى احسن برضه
الميزانية بتاعتى مانيوال و مش هينفع ازود فتنصحنى بايه لوجان ولا جراند i10
الجراند احسن
احسن من ناحية ايه الجراند؟
اللوجان احسن عشان موتور اقوى ف هايفرق معاكى فى التكييف و حاجات تانى , كمان اللوجان اوسع فى الصالون و الشنطة , الانتشار والتوكيل لصالح اللوجان
لسه مستلم لوجان ٢٠١٦ مانيوال اول فئة لون شامبين جبتها للمدام....عربية كويسة جداً....شنطة واسعة و كنبة خلفية واسعة و سواقتها مريحة و تكييف جيد جداً
مش عارف ايه اخبار الهيونداى بس انا مبسوط من اختيارى للوجان
تحياتى
شكرا لكل حد رد عليا و ساعدنى ان شاء الله احجز اللوجان
والف مبروك للجاب اللوجان :w6266d
على فكرة انا كنت في حيرتك بس المشاكل اللي سمعتها عن الرينو مثا قطمة الدركسيون والعزل الحرارى الضعيف خالوني اميل للجراند
مع اني مش بحب اللوجان بس انا شايف أنها أفضل من الجراند.
أفضل في الموتور
الاتساع
الوكيل
الكماليات
لوجان افضل من الهيونداى و لكن السوزوكى سويفت منافس قوى للوجان فى كل شى ماعدا الاتساع فهو لصالح اللوجان
رينو لوجان 2016
جميع الكماليات /NAV / ناقل اوتماتيك هاى لاين
115,900 جنيه
طراز AT Comfort ..... اعلى فئة
ضمان
3 سنوات
أو
100000 كيلو متر
القطمه دي كانت مويلات 2014 واول 2015 دا اللي سمعته انا حاجز لوجان اتوماتك بقالي 3 شهور ونص وقدامي اسبوعين واستلم ان شاء الله ،لو عرفتي تضغطي تفسك وتجيبي اوتوماتك يبقى افضل جدا لو حتى هتبيعي اسوره قديمه عندك ولا حلق (بتكلم جد عشان مترجعيش تندمي)