الموضوع: كل ماتريد معرفته عن شاشه الفلوانس ال 7 انش

بسم الله الرحمن الرحيم

الناس اللي بتسأل عن الشاشه للفيس ليفت فيه نوعين من الشاشات نوعه اسمه Winca S100 ونوع تاني اسمه Roadrover كل نوع منهم ليه مميزاته وعيوبه والاختيار ف الاخر ليك... بالنسبه ليا ف المجمل Road rover افضل

مميزات ال S100:

1- شكل الشاشه نفسها اجمل من ال Roadrover.
2-الابواب لمابتتفتح او الشنطه بتبان ف الشاشه بوضوح اي باب من الاربعه مفتوح
3-في منتدي للدعم الفني وده اللينك بتاعه Forums - RoadNav.com تقدر من خلاله تنزل اي ابديت للسوفت وير او تسأل عن ايه حاجه
4-بلت ان ميميوري 4 جيجا.
5-أمكانيه تحويله ال S100 الي S150 ويشتغل اندرويد (بس طبعا أدائه مزري وفاشل ف الاندرويد)

عيوب ال S100:

1-المالتي فانكشن شغاله بس مش كلها بكره ال Scroll اللي بتقلب منها الاغاني مش شغاله لكن بقيه الوظائف شغاله يعني ترد ع المكالمه وتعلي وتوطي الصوت وهكذا
2-البلوتوث مش بيظهر الاسامي لما حد يتصل بيك بس تقدر تفتح الاسامي من الشاشه وتقلب فيهم ده عيب عامه لايمكن تلافيه سواء اندرويد او ايفون.
3-الساعه مش مظبوطه الا لما تشغل ال GPS انسي الساعه من الاخر.
4-مفيش Standby mode يعني لما تطفي الكاسيت الشاشه بتبقي جثه هامده سوداء يعني لا تاريخ بيظهر عليها ولا درجه حراره ولا ساعه.
5-جوده الكاسيت نفسه من حيث الزراير وخلافه أقل من الرودروفر.
6-جوده وتباين الوان الشاشه برضه اقل من الرودروفر.
7-كل ما تجيب ال D من اي وضع ف الفتيس ال Navigation program بيشتغل تلقائي ودي حاجه خنيقه
8-جوده الصوت أقل من الرود روفر.

مميزات ال Roadrover :

1-المالتي فانكشن شغال زي ما الكتاب بيقول زي الكاسيت الاصلي بالظبط شامل بكره ال scroll.
2-بلوتوث حكايه بيظهر الاسامي عادي جدا وافضل من بلوتوث العربيه الاصلي كاستخدام
3-جوده الكاسيت والشاشه افضل من ال S 100.
4-ال User interface افضل بمراحل من ال S100 واشيك بكتير
5-كل العيوب المذكوره ف ال S100 مش موجوده ف ال رود روفر

عيوب الرود روفر Roadrover :

1-شكل الشاشه نفسها (ال Housing بتاعها ) مش حلو زي ال S100
2-مفيش Support forum يعني هتركب الشاشه وتمشي زي الكاسيت الاصلي كده لافي ابديت ولا في لعب ف حاجه
3-الابواب مش بتظهر ف الشاشه لماتتفتح.
وف النهايه الاتنين تقريبا سعرهم واحد(4000 -4200) والاتنين بنظام تشغيل WincE 6.0 ...ف نقطه مهمه الرود روفر بيبقي في منه اصدارين ال Classic وال i10 الاخير بيتميز عن ال Classic في حاجتين
1-حساسيه الراديو افضل من حيث استقبال القنوات (في Tuner مش موجود ف الكلاسيك) طبعا دي مهمه للناس اللي مش من القاهره زي حالاتي
2- (Digital sound processing (DSP شويه اكواليزرز بتلعب فيهم والمفروض انه بيحسن خرج الصوت


وده لينك ال S100 C145 7INCH Megane3 Fluence(2009-2011)_Guangzhou Zhihang Electronics Technology Co.,LTD

وده لينك الرود روفر من الشركه المصنعه Fluence&Megane-Roadrover Technology

تحياتي