مش عارفة اطلع رخصة

**أحمد كمال** · 28-08-2015 02:01 AM

المشاركة الأصلية كتبت بواسطة إنسانة

^
^
^

هو حضرتك ازاي تحكم عليا اني مش بعرف اسوق

محدش جاوبني

الرجوع بيستخدم امتى غير لما باجي اطلع من باركنيج

السواقة مش مجرد المبادئ الاساسية لتحريك السيارة

السواقة اكبر من كده بكتير ....... مش بس الرجوع !

**إنسانة** · 30-08-2015 06:35 PM

المشاركة الأصلية كتبت بواسطة أحمد كمال

السواقة مش مجرد المبادئ الاساسية لتحريك السيارة

السواقة اكبر من كده بكتير ....... مش بس الرجوع !

محدش بيتولد بيعرف يسوق
فيه ناس غبية جدا وبتسوق كويس
يعني السواقة مش متطلبة قدرات عقلية خارقة
مسألة تعود
ودماغي هتتبرمج لوحدها لما اسوق
غير اني هعيش اول سنة في قرية صغيرة مش في دبلن

**إنسانة** · 30-08-2015 06:39 PM

انا محتاجة الرخصة مش عشان اعمل بالعربية خمسات
كل الحكاية اني هودي بنتي مدرستها واروح معهدي واكيد مش هعمل مشاويري بالريوس
بس البلد دي شتا 9 شهور وشتاها شديد البرودة ومثلج مش هقدر اطلع مواصلات ببنتي كدا
وزي ما وضحت دي قرية صغيرة مش متطلبة مهارات عالية في السواقة

**إنسانة** · 30-08-2015 06:53 PM

انا فهمت من الردود ان فيه رخصة ممكن تطلع من النت دي اعملها ازاي ؟ فيه موقع خاص بيها ؟

و مرور الاجانب ايه حكايته ؟ يعني ادفع 500 جنيه بس ولا لازم اروح مكان امتحن ؟ انا مش هقدر اسافر مصر

والرخصة اللي بتوصل في الدي اتش ال دي اطلعها ازاي ؟ وايه معنى توصية ؟ وهمحتن فين ؟

**عﻻء سالمان** · 30-08-2015 07:06 PM

ربنا يوفقك للأصلح ويهيألك الى يساعدك ويساعد بنتك ويسلمكم من كل شر

**أحمد كمال** · 30-08-2015 08:19 PM

المشاركة الأصلية كتبت بواسطة إنسانة

محدش بيتولد بيعرف يسوق
فيه ناس غبية جدا وبتسوق كويس
يعني السواقة مش متطلبة قدرات عقلية خارقة
مسألة تعود
ودماغي هتتبرمج لوحدها لما اسوق
غير اني هعيش اول سنة في قرية صغيرة مش في دبلن

حضرتك برة القوانين صعبة و اللي بيتعلم لسه بياخد الاول رخصة Learner و بعدها Provisional و الرخصة الكاملة ما بتطلعش من الباب للطاق

ماقلناش ان لازم الواحد يبقى عبقري

و لا حد بيتولد سواق

بس برضه مش صح حد لسه ابيض و يادوب بيعرف يحرك العربية ينزل وسط بشر و عربيات و يسوق !

**ALYSALIM** · 30-08-2015 11:40 PM

فكرتوني بواحد صاحبي اتعلم يسوق لقدام بس وكمان اتعلم علي اتوماتيك عشان يخلص طبعا كان ضارب رخصة مصرية عشان ميدخلش مدرسة تعليم سواقة يوم الامتحان العسكري قاله اركب وسوق ركب وساق تمام واشارات ومريات وراح لبك (ركن) مزبوط
العسكري قاله تمام ارجع لورا شوية ولبك تاني عند القرطاس
نزل من السيارة وعطاله المفتاح وقاله والله ماعرف ان الامتحان فيه رجوع لورا
قاله امال مطلع رخصة ازاي
طبعا سواقة السيارة من الاشياء الخطرة والجميلة في نفس الوقت
مش لازم تسوق السيارة بدون معرفة طريقة التحكم الكامل بتلك الاالة الخطرة

**ALYSALIM** · 30-08-2015 11:49 PM

الامتحان ليس لقياس القدرة علي السير بالسيارة لكن لقياس القدرة علي التحكم بالسيارة - السيارة لما بطلت مني وانا بركن في الامتحان سقطني - قالي بالنص جاي تختبر ازاي وانت مش عارف توقف السيارة مع اني مغلطتش غلطة سوي عدم حساسية رجلي علي الفرامل والدبرياج