عرض للطباعة
واخده الرخصه جديد بعد تعليم ٥ شهور ،عندي ١٢٨ لِسَّه بتعلم عليها ، عايزه اشترى عربيه حلوه ليا
ناس قالولى اشترى مستعمل ب ٦٥٠٠٠ إللى معايا بس انا حسّيت أنى مش هعرف اشترى مستعمل
ففكرت فى الزيرو طبعا هستلف عليه فاختياري هيكون بين
لوجان. لانوس. فيرنا. جرانتا. I10
وده طبعا علشان الفلوس انا أصلا مشاويري هتكون بسيطه علشان افسح الأولاد
وعايزاها واسعه ومريحه فى السواقه
فأكيد مش هلاقى أحسن منكم اخد رأيه. :w6266d
واسعة ومريحة ومشاويرك مش كتير , يبقي لوجان بالثلث
الفيرنا اعتمادية وحاجتها مش غالية بس قدمت ومفيهاش اي امان ولا تكنولوجيا ,
الانوس , شرحة , خصوصا بعد ما منصور مسكها,
الجرانتا لسة جديدة محدش جربها بس اعتقد سمعتها مش بطالة والناس بتقول ماشي حالها .
بس انا اعتقد للأسف أن ممكن تبقي اللواجن اغلي من 65 بشوية
مهو هستلف بتاع 20000 علشان أجيب زيرو
يا جماعه من فضلكم اي حد يدخل عنده رأي يساعدنى
يا جماعه من فضلكم اي حد يدخل عنده رأي يساعدنى
انا معايا جوليت حلوه جدا بس مشكلتها ان اخر موديل 2005 بس شكله انفس اللانوس بس من غير شنطه والمساحة الداخليه زيها بالزبط بس طبعا الجوليت شكلها اشيك ومش منتشره اوي مشكلتها ان صعب تلاقي منها نظيف بس لو لقيتي يبقي كويس جدا اسعارها لو حالتها نظيفه من 40 ل 50 ولو عايزه تتاكدي انها كويسه بتوديها محطه هما اللي بيكشفو عليها مش انتي ويقولولك انها كويسه او وحشه وهل تستاهل السعر ده والا غالي عليها انا مجربتش الموضوع بس اعرف توتال اللي في الهرم بتكشف عالعربيه وفي كتير زيها
لوجان أو سوزوكى سويفت الجديده . . . أفضل إختيارين فى حدود هذه الميزانيه
لسه جايب للمدام لوجان 2016 لون شامبين فئة أولى مانيوال و السعر من التوكيل 86900 بالظبط و الحجز كان حوالى 3 شهور
كنا بنفكر زى حضرتك بالظبط....عربية للمدام و الأولاد للنوادى و مشواير داخل البلد و الفسح القصيرة و الدروس و خلافه....اللوجان بتحقق المعادلة دى و بإمتياز
- واسعة جداً من الخلف للأولاد و صحابهم
- موتور معقول جداً 1600 سى سى 90 حصان و موفر
- تكييف كويس جداً
- شنطة بحر
- عالية و مش بتحك فى أى مطب
- شكلها حلو
- ضمان 3 سنين و توكيل ممتاز مقارنة بباقى التوكيلات
- بايعة كتير قوى فقطع الغيار بقت متوفرة بكثرة و سعر إعادة البيع ممتاز
- صاج كويس و مواصفات أمان معقولة جداً : 2 إيرباجز من أول فئة
أعتقد أفضل إختيار لعربية زيرو فى شريحة السعر أقل من 90 ألف جنيه
بالتوفيق
تحياتى