شركة استثمار عقارى محترمة فى اسكندرية

**hobiko** · 24-08-2015 05:20 PM

ازيكو يا شباب عاملين ايه

خدمة لو سمحتوا ........... اللى يعرف اسم شركة استثمار عقارى بتبنى عمارات سكنية و و بتبيع شقق فى اسكندرية ..... ياريت يقولى

بس اهم حاجة يكونوا محترمين و مش نصابين بغض النظر عن اسعارهم

و الأفضل لو ليك سابق خبرة بيهم يعنى اتعاملت معاهم قبل كده او حد تعرفه اتعامل معاهم

صديق ليا عايز يشترى شقة عشان يتجوز فيها ......... و خايف يتنصب عليه خصوصا انتوا عارفين اسكندرية بالذات عاملة ازاى

و شكرا جزيلا لكل واحد مابخلش بالمعلومة و ساعدنا

**Dr. Assem** · 25-08-2015 12:25 AM

شركة انطونيادس. بتعمل انطونيادس سيتي كومباوند.

شركة السراية للاستثمار العقاري. عندها مشروع حدائق السراية في سموحة. و السرايا روايل بلازا في سابا باشا على اليحر.

الشركتين محترمين جدا و نسبة التزامهم عالية. و ابعد ما يكونوا عن النصب

**Hany Adel** · 25-08-2015 03:27 AM

الشركات كتيره
لكن اهم شئ هو التأكد من ترخيص البناء
ويفضل الاستلام الفوري

وكذا شخصية المفوض بالبيع

بالتوفيق

**مُصْطٓفٓى** · 25-08-2015 03:46 AM

المشاركة الأصلية كتبت بواسطة hany adel

الشركات كتيره
لكن اهم شئ هو التأكد من ترخيص البناء
ويفضل الاستلام الفوري

وكذا شخصية المفوض بالبيع

بالتوفيق

طبعا مش حزود على كلام الأستاذ هاني
لكن اختيار دور مرخص أمر مهم جدا وخصوصا في الأدوار المرخصة بالكامل وليس دور خدمات
أحيانا الشركات والمشروعات بتكون مرخصة لعدد أدوار محددة مثلا 5 أدوار + دور خدمات
وحينها يفضل إن الشراء يكون في الأدوار الخمسة المرخصة إن شاء الله

**ahmedwagdy03** · 25-08-2015 01:08 PM

صاحبك عايز فى حدود كام الأول و بعد كدة تبحث عن شركة إستثمار عقارى . لإن مش معقول يكون عامل حسابه على نص مليون مثلا و يروح يشوف فى سابا باشا ع البحر حاجات تعدى الإتنين .

**hobiko** · 25-08-2015 02:07 PM

شكرا يا شباب على الردود ..... و ياريت لو حد يعرف حاجة تانية يقولى

المشاركة الأصلية كتبت بواسطة ahmedwagdy03

صاحبك عايز فى حدود كام الأول و بعد كدة تبحث عن شركة إستثمار عقارى . لإن مش معقول يكون عامل حسابه على نص مليون مثلا و يروح يشوف فى سابا باشا ع البحر حاجات تعدى الإتنين .

عندك حق برضه ........... هو حدوده مليون ......... بس يدفع نص مقدم و يقسط الباقى

الواحد بس من كتر النصب ....... بقي بيسأل الأول على الشركة الكويسة و بعد كده يشوف امكانياته ايه

**mody1982** · 25-08-2015 09:09 PM

و الله يا باشا انا بقالي اكتر من سنه عايز اشتري حاجه في حدود 500 الف و مش عارف يا اما الشوارع ضيقه جدا و العمارات لازقه في بعض يا اما المنطقه وحشه يا ام التراخيص و الحاجات دي مش موجوده
زهقت من التدوير و مش عارف الاقي فين

**Hany Adel** · 25-08-2015 09:21 PM

المسألة صعوبتها فقط في التأكد من التراخيص
والمسائل القانونية

لان كذا عميل عندي .. يشتري شقة .. ويكتشف انها بتراخيص
لكن اللي باع مثلا .. مش هوا المفوض بالبيع

ويكون البيت مشاركه وفيه مشاكل مع ورثه
وليله سودا

بعضهم اصدقاء لي ... بيكون ردي عنيف معهم
لانهم تحركوا في السر مع نفسهم
من باب داري على شمعتك تقيد
وادي النتيجه ...

تحروا الدقة فقط في هذه الامور
حتى مع الشركات الكبيره
فيه شركات اسماء لاااااامعه جدا .. واصحابها مشاهير

عملاءها بيشتكوا ان الاستلام عندهم متأخر بالسنتين والتلاته
لا
وكمان مش عاجبهم لما انت توقف الاقساط
ويهددوك بفسخ العقد !!!!!!!

وبيستسلموا ليهم .. في حين ان حقك محفوظ ..
خصوصا لو عقدك معاهم اتراجع صح .. ما سبتوش للمحامي بتاعهم
المبتسم دائما حتى توقع ؟!!!!

ربنا يوفقكم وخدوا بالكم من اسكندريه بالذااااااااات في مسألة العقارات

تحياتي

**Dr. Assem** · 25-08-2015 10:59 PM

المشاركة الأصلية كتبت بواسطة hany adel

ربنا يوفقكم وخدوا بالكم من اسكندريه بالذااااااااات في مسألة العقارات

تحياتي

عندك حق يا استاذ هاني. اسكندرية بقت غابة متشابكة من العقارات مخالفة. العقار ممكن يطلع بادوار مخالفة او كله بدون ترخيص. او بروز او في حرم الشارع. بالاضافة لعمارات طلعت و اتسكنت و هي على اراضي مملوكة للدولة. و في الاخر مش لاقيين مياه و لا كهربا و لا خطوط تلبفون. و استوى في المشاكل دي الاحياء الراقية و الشعبية و العشوائية

**ahmedwagdy03** · 26-08-2015 11:00 AM

المشاركة الأصلية كتبت بواسطة hobiko

شكرا يا شباب على الردود ..... و ياريت لو حد يعرف حاجة تانية يقولى

عندك حق برضه ........... هو حدوده مليون ......... بس يدفع نص مقدم و يقسط الباقى

الواحد بس من كتر النصب ....... بقي بيسأل الأول على الشركة الكويسة و بعد كده يشوف امكانياته ايه

إمكانيات صاحبك ممكن يروح كذا حتة

1- منطقة المنتزة فيه عمارات طالعة فى شارع الملك تبع شركات ثقة زى مرسيليا و الحلوانى : حيلاقى حاجة بالسعر ده بس مش على الشارع

2- شارع مصطفى كامل : السيتى ستار بس حتبقى داخلي

3- سموحة الجديدة و الحضرة الجديدة و المنشية الجديدة و الخط ده كله أقل من كدا كتير بس مش مضمون لإنها شركات طلعت فى مرحلة الهمجية الثورية اللى فاتت و نظام غسيل .نصب و مخالف
4-بعد مزلقان إبو قير فى إتجاة الطابية : يبعد نهائى

5- ناحية سيدى بشر و الرمل و قلب سموحة : فيها مشاريع لشركات محترمة زى اللوتس بس أسعارها متنفعش مع صاحبك

الموضوع: شركة استثمار عقارى محترمة فى اسكندرية

LinkBack

أدوات الموضوع

عرض

-

-

-

-

المواضيع المتشابهه

عايز ابعت حاجة اسكندرية دلونى على شركة شحن محترمة

استثمار عقارى (شاركنى برأيك)

شركة تأمين محترمة

مطلوب شريك لعمل شركة تسويق عقارى

شركة محترمة للحج

الكلمات الدلالية لهذا الموضوع

المفضلات

المفضلات

ضوابط المشاركة