الموضوع: متفرطش فى الدولارات اللى معاك

الجنيه يتراجع !!!!
ده اووووشاعات مغرضة من اعداء الوتن لبث البلبلة والفوضي.

بس الكلام ده اكيد قبل قناة السويس الجديدة
اكيد دلوقتي الوضع اتغير 360 درجة

ازاي بتقول كده ؟؟؟

البلد مستقره وبتتحسن و الجنيه المصري بيطلع لفوق

دولارات ايه و كلام فاضي ايه ؟؟؟

الدنيا بيس و امان

و بلاش اثاره فوضي و بلبله و تهديد استقرار الوطن

كلام بجد

انا مفهمتش امتي الجنيه المصري هينزل اكتر ؟؟؟ يعني علي بدايه السنه الجديده مثلا ؟؟؟

ان شاء الله ناوي احول معظم فلوسي لدولارات بس مش عارف امتي الميعاد الصحيح

اللى متابع الاقتصاد على نطاق اوسع هيعرف الاتى
ان الدولار طالع قدام كل العملات العالمية لانه عملة قاطرة النمو الاقتصادى العالمى و هى المنطقة الوحيدة حاليا التى تبدى تعافى اقتصادى متماسك امام اليابان و اوروبا التى تعانى من الركود و الصين التى تعانى من تباطؤ النمو
ان حاليا فى حرب عملات بين كل دول العالم لتشجيع صادراتها بأن تقوم كل دولة بتخفيض قيمة عملاتها و ده فى النهاية هيأذى امريكا و شركاتها لان الدولار العالى هيأثر على ارباحهم مما سيدفع امريكا اخيرا بضغط من الشركات الى تحجيم ارتفاع الدولار
ان الصين لسه مخفضة عملتها 2%
و ان الدولار وقت ما وصل ايام الاخوان الاخيرة فى ابريل 2013 فى السوق السودا الى 8 جنيه كان سعره الرسمى 7 جنيه بس بمعدل زيادة 15% و الان و بعد سنتين لم يصل السعر الرسمى الى اقصى سعر وصلت اليه السوق السودا فى 2013 . . . مع ملاحظة ان الفائدة على الجنيه المصرى تصل الى 10% سنويا فى حين معدل الزيادة الرسمية فى سعر صرف الدولار 10% تقريبا بس فى سنتين
و اخيرا ان البنك المركزى عنده بديل لزيادة سعر الصرف لتخفيض العملة و هو تخفيض سعر الفائدة. . . و لانه عارف حساسية موضوع تخفيض سعر الصرف على التضخم و اسعار السلع فى بلد يستورد كل شئ. . . لذلك الاعتماد على ده مستقبلا غالبا هيكون خيار خاسر
خلاصة الامر ان الموضوع كبير و السياسة النقدية مش لعبة للهواة. . . و المحترفين لما تلعب ممكن تضرب فى مقتل زى ما بضربة واحدة البنك المركزى خلص على السوق السودا و شركات الصرافة بالضربة القاضية لما قالهم بلوه و اشربوا ميته . . . الدول مش بتتغلب لانها دايما الاقوى بما تملك فرضه من سياسات لحماية كيانها. . . خاصة كمان مع المتوفر لهم من المعلومات الاقتصادية العالمية الداخلية الغير متوفرة للافراد بالاضافة للعلم و الممارسات المحترفة عند اللزوم و اللى ثبت قوتها فى التعامل مع المستغلين للازمات. . . لكن الخاسر دائما يكون من يسير وراء الاشاعات و القطيع

هي أقتصاديا مش هتفرق.. لانه لما الجنيه بينزل قيمته الشرائيه بتقل، بالتالي لما تحول الدولارات اللي معاك لجنيه مش هتستفاد بالفرق لان القيمه الشرائيه للعمله قلت.

المشاركة الأصلية كتبت بواسطة imhotep

اللى متابع الاقتصاد على نطاق اوسع هيعرف الاتى
ان الدولار طالع قدام كل العملات العالمية لانه عملة قاطرة النمو الاقتصادى العالمى و هى المنطقة الوحيدة حاليا التى تبدى تعافى اقتصادى متماسك امام اليابان و اوروبا التى تعانى من الركود و الصين التى تعانى من تباطؤ النمو
ان حاليا فى حرب عملات بين كل دول العالم لتشجيع صادراتها بأن تقوم كل دولة بتخفيض قيمة عملاتها و ده فى النهاية هيأذى امريكا و شركاتها لان الدولار العالى هيأثر على ارباحهم مما سيدفع امريكا اخيرا بضغط من الشركات الى تحجيم ارتفاع الدولار
ان الصين لسه مخفضة عملتها 2%
و ان الدولار وقت ما وصل ايام الاخوان الاخيرة فى ابريل 2013 فى السوق السودا الى 8 جنيه كان سعره الرسمى 7 جنيه بس بمعدل زيادة 15% و الان و بعد سنتين لم يصل السعر الرسمى الى اقصى سعر وصلت اليه السوق السودا فى 2013 . . . مع ملاحظة ان الفائدة على الجنيه المصرى تصل الى 10% سنويا فى حين معدل الزيادة الرسمية فى سعر صرف الدولار 10% تقريبا بس فى سنتين
و اخيرا ان البنك المركزى عنده بديل لزيادة سعر الصرف لتخفيض العملة و هو تخفيض سعر الفائدة. . . و لانه عارف حساسية موضوع تخفيض سعر الصرف على التضخم و اسعار السلع فى بلد يستورد كل شئ. . . لذلك الاعتماد على ده مستقبلا غالبا هيكون خيار خاسر
خلاصة الامر ان الموضوع كبير و السياسة النقدية مش لعبة للهواة. . . و المحترفين لما تلعب ممكن تضرب فى مقتل زى ما بضربة واحدة البنك المركزى خلص على السوق السودا و شركات الصرافة بالضربة القاضية لما قالهم بلوه و اشربوا ميته . . . الدول مش بتتغلب لانها دايما الاقوى بما تملك فرضه من سياسات لحماية كيانها. . . خاصة كمان مع المتوفر لهم من المعلومات الاقتصادية العالمية الداخلية الغير متوفرة للافراد بالاضافة للعلم و الممارسات المحترفة عند اللزوم و اللى ثبت قوتها فى التعايمل مع المستغلين للازمات. . . لكن الخاسر دائما يكون من يسير وراء الاشاعات و القطيع

أتمنى ثبات العملة المحلية امام الدولار و لكن كل الشواهد لا تبشر بهذا و هناك مقال لزياد بهاء الدين ( اعتقد فى الشروق او الفجر) يكتب فيها عن هذا الموضوع و اثار نقطه هامة و هى ان الاقتصاد المصرى غير مولد للعملة الاجنبية و متاثر بشدة بالاحداث الجارية الان و ربما كما قال احد الزملاء يا رب قناه السويس تعمل فرق ....بنهاية عام 2015 تحديدا فى ديسمبر قطر تسترد من مصر مليار و نصف المليار ( وديعة) و كعادة قطر الصيد فى الماء العكر ترفض بشدة تمديد فترة الوديعة......انا اتمنى ان يكون الاقتصاد المصرى اقوى و احسن من وضعنا هذا ...مثلا ماذا فعلت المغرب...المغرب مرشحة لتكون ثانى اقتصاد فى افريقيا بعد جنوب افريقيا خلال 10 سنوات ....و حاليا يشيد بها اكبر مصنعين للبيجو و الستروين خارج فرنسا و مخصص جل انتاجهما للتصدير مع زيادة سنوية لنسبة المنتج المحلى و هناك كلام على مصنع آخر لفورد ...المغرب عرضت اراضى باسعار رمزية و توصيل مرافق مجانا و تسهيلات فى الضرائب و النتيجة المغرب مرشحة لتكون جبل على الغرب.....و ماذا عنا فى مصر ...خطوات معقدة و تطفيش للمستثمر و,,,,استاذ امحتب يا ريت اقدر اشاركك تفاؤلك النبيل ....بس عايز "امارة"

احنا حفرنا قناه السويس علي الناشف و قدمناها هديه للعالم و لسه عايز اماره ؟؟؟

شكلك مش متفائل و بتستمد طاقتك السلبيه مش عارف منين :d

اضراب امناء الشرطه و خساره البورصه امارات تدعو للتفاؤل

ده كفايه وزير الري اللي طالع يقول احنا في شح مائي

تفاءل يا اخي :d