أخبار من التوكيل -- و ملف جدول صيانة الجين 2

**hamada_sivo** · 19-11-2008 02:33 AM

المشاركة الأصلية كتبت بواسطة mazagnge

أدفعوا لنا فاتورة النت و احنا مسامحين

المشاركة الأصلية كتبت بواسطة mazagnge

مش انت مسامح يا عم توت ... برضة

:k48::k48: ... ماشى يا مزاجنجى باشا مايغلاش عليك حاجه و لا حضرتك ولا توت باشا ... بس على فكره لازم النت يبقى تبع شركة عز العرب عشان الاسعار هناك مخفضه لكن غير كده غالى .... (عشان العين علينا دلوقتى بس) ... اه و لو مأمن معاه و النت قطع قولى بس ..

**mayki4u** · 19-11-2008 02:41 AM

وعلى رأى الشاعر :
لو عايز جين 2 روح لتووووووووووووووت

موضوع فى الجون ونطمع فى المزيد من التطورات باذن الله

**mazagnge** · 19-11-2008 02:56 AM

و الله انا عندى اقتراح لاخوي توت و لاعضاء المنتدى

مش الاستراحة دى للاعضاء و فيها وير ليس

خلاص يظبطوا لنا السهرة كل يوم هناك .... و تبقي عيشة يا ولاد

و بيييييييييييييب .... بس تصدقوا كدة يبقوا جمعونا فى مكان واحد و فين يوجعك يا معلم .... سحبت الاقتراح احنا نقعد برة بال لاب توب
و اهو ببلاش بقى

**mayki4u** · 19-11-2008 03:00 AM

المهم أنا عايز أسأل على حاجه
فى كافيه هناك عشان النسكافيه ولا لا؟؟؟؟؟؟
وهل هو هيبقى ببلاش عشان حبايب بروتون ولا هيقدمولنا سعر سياحى
عشان القعده تبقى مظبوطه يا مزجنجى

**mazagnge** · 19-11-2008 03:25 AM

اش اش دة انت مذاكرني صح يا عم مايكل

تصدق انا في مرة حسبت اللى صرفتة على النسكافية من ايام الثانوية العامة و الجامعه و الصياعه الوظيفية لغاية دلوقت لقيت نفسي كنت جيبت 128 ظغننة .

بس دة لو الكلام دة مظبوط و مجاناً الواحد يعمل الصيانة بتاع كل 10 كيلو عندهم على طول

**mayki4u** · 19-11-2008 03:31 AM

ههههههههههههههههههههه
وغلاوتك دانا كل ماهمشي كيلو هروح اتلكك عشان النسكافيه
ويالا خللى الشعب يعيش

**r2tarek** · 19-11-2008 03:33 AM

اخبارك ياشباب

وبخاصه الاخ توت ومزاجنجى وفعلا مجهودك ظاهر جدامن اول يوم سجلت فيه انا تقريب بقالى شهر فى المنتدى وكنت حابب اقدم شى للمنتدى واصحاب الجين2 هو ممكن يكون صغير بس هيسهل علينا كلنا
اولا انا مبرمج كمبيوتر

كنت فكرت فى فكره عمل موقع صغير تحت اشرف عز العرب يخلى الاعضاء يحجزو عن طريقه موعد الصيانه قبل الذهاب و لسهوله علينا جميعا وانا متبرع ببرمجه الموقع كامل لو تم الموافقه على الفكره من الاعضاء

وفى انتظار الردود

وشكرا

**fadynabil** · 19-11-2008 11:16 AM

مجهود رائع أ/ توت بجد أنت اللي مشجعني علي العربيه دي وتسلم إيدك

**tutankhamoun** · 19-11-2008 11:44 AM

العفو يا رجالة نايل موتورز

و برضه علشان الحق
نحب نوجه الشكر للمهندس آمر الكوافي على إظهار قمة التعاون في حل المشاكل الخاصة بعملاء بروتون في العموم
حتى يأخذ كل ذي حقاً حقه

لأن الراجل متعاون جدا جدا و فعلا عايز يحل أي مشكلة تظهر لأي عميل من عملاء بروتون

و بوجه الشكر لكل اللي شارك في الموضوع

الأستاذ مزجنجي - الأستاذ مينا ( رفرف ) - الأستاذ خالد اس ال - الأستاذ حمادة سيفو - الأستاذ أيمن 52 - الأستاذ أحمد نور - الأستاذ مون مون 2010 - الأستاذ ميكي فور يو - أر تو طارق - الأستاذ فادي ميلاد

بالنسبة لإقتراح الأخ - أر تو طارق
طبعا فكرة ممتازة و مشكور بجد عليها
و لكن من أول ديسمبر إن شاء الله سيتم العمل بالحجز بالهاتف للصيانة حتى لا يضطر العملاء للذهاب باكرا جدا أو المبيت أمام مركز الصيانة لحجز مكان و دور في طابور الصيانة الصباحي

و بكرر ألف شكر للمهندس آمر الكوافي و اللي عنده أي أستفسار أو مشكلة الأستاذ آمر إن شاء الله هايحلها بإذن الله تعالى

و ربنا ييسر الحال و كله يبقى تمام