السلام عليكم, أنا معايا نيسان صني 2014,
غيرت الزيت في صيانة الـ1000 كيلو و قالولي بعد 6 شهور او 5000 كيلو يتغير الزيت, و ركنت العربية فترة فلا جبت الـ5000 كيلو ولا منها إتحركت أصلا كتير, فهل أغير الزيت برضه ؟
السلام عليكم, أنا معايا نيسان صني 2014,
غيرت الزيت في صيانة الـ1000 كيلو و قالولي بعد 6 شهور او 5000 كيلو يتغير الزيت, و ركنت العربية فترة فلا جبت الـ5000 كيلو ولا منها إتحركت أصلا كتير, فهل أغير الزيت برضه ؟
لو العربية اتركنت فعلا اكتر من 6 شهور يبقى لازم يتغير...
تغيير الزيت بيبقى بالمدة الزمنية في حالة لو ما كانتش العربية بتمشي كتير ( أكتر من 5000 كيلومتر خلال 6 شهور ).
أنصحك تقرا الموضوع ده.. هيفيدك كتير
http://www.nilemotors.net/Nile/341680-a.html
...
هي اللزوجه بتفرق في صلاحيه الزيت في الموتور
يعني علي موقع شيل
حاطط الصلاحيه 12 شهر بس كان الزين لزوجته 10w-40
تحياتي
الموضوع معتمد بشكل أساسي على توصيات الكتالوج... هو اللي بيحدد فترة التغيير.
بس بشكل عام... الـ12 شهر دول باعتبار إن ظروف القيادة "عادية" أو "مثالية"... ولو كانت الظروف شاقة يبقى لازم المدة تقصر... وبرده الكتالوج هو اللي بيحددلك تقصر لحد كام.
بالنسبالي.. أخطر شيء في الظروف الشاقة هو "القيادة في جو مغبر".. لإن فلتر الهو ممكن ما يمنعش كل ذرات التراب.. ده غير دخول ذرات التراب الصغيرة جدا من عند أي جوان أو أويلسيل ضارب... أو حتى من فتحة قياس الزيت.
التراب هيدخل ويصنفر الموتور (الصنفرة اللي بنشتريها أصلا عبارة عن تراب ملزوق على قماش أو ورق)...
وسواء الزيت كان بحالته أو فقد خواصه.. فلازم الزيت ينزل.
...