لما بسافر على طريق الاسماعيلية بلاقى غش كتير اوى والراجل يضحك عليا ويجيب قفص من الوش عويسى ومن تحت حاجات مختلفة باين هندى او نعومى حاجة كدة غريبة
المهم د ممكن يفرق لينا بين انواع المنجة المختلفة بصور وبشرح وربنا يكرمة ويعمل فينا ثواب:00020191:
لما بسافر على طريق الاسماعيلية بلاقى غش كتير اوى والراجل يضحك عليا ويجيب قفص من الوش عويسى ومن تحت حاجات مختلفة باين هندى او نعومى حاجة كدة غريبة
المهم د ممكن يفرق لينا بين انواع المنجة المختلفة بصور وبشرح وربنا يكرمة ويعمل فينا ثواب:00020191:
[sor2]http://i.imgur.com/goAtaIM.jpg[/sor2].
أنا مش خبير في المانجة ومعرفش غير أربع أنواع. هما دول اللي أغرفهم وبجيبهم.
السكري:
لونها أصفر من برة وبرتقالي من جوة ومتوسطة الحجم. دي أول أنواع المانجة اللي بتطلع. مسكرة جداً ومفهاش شعر/ألياف. حلوة و شبه استحالة تلاقيها مش مستوية أو تلاقيها مززة. بس للأسف بتستوي وتتهري بسرعة.
الزبدية:
لونها أخضر من برة وبرتقالي غامق من جوة وحجمها بيتراوح من الوسط للكبير. طعمها مش مسكر زي السكري بس طعمها أقوى كمنجة. فيها شعر/ألياف كتير بتلزق ما بين الأسنان. جميلة لو سواها مظبوط. بس للأسف كل مرة أجيبها تطلع مش مستوية وممززة (ساعتها بتبقى صفرة من جوة).
الناعومي:
أحمر و أخضر من برة ومن جوة برتقالي فاتح. كبيييرة في الحجم. الواحد بتعمل من نص إلا ثلاثة أرباع الكيلو مستريح. البذرة صغيرة رغم حجم الثمرة وبترمي لحمة كتير. مفهاش شعر/أليفا خالص. ممكن تقطعها مكعبات ومش هتتفعص منك ولا تِنَسل. نادراً لما اشتريها وألاقيها مش حلوة. لا نية ولا مستوية ولا حمضانة. دايما مظبوطة. حاجة كده روعة.
الكيت:
دي بتظهر في أخر أغسطس. تاكلها في سبتمبر . السنة اللي فاتت فضلت موجودة لغاية ديسمبر وأول يناير!! كبيرة جدا في الحجم. لونها أخضر من برة وأصفر أو برتقالي فاتح من جوة. حلوة جداً.
الناعومي والكيت هما أكتر نوعين بحبهم. المانجاية كبيرة ومفهاش ألياف ومعظم الوقت بتبقى مظبوطة.
لا يعلى على العويس اما تطلع على الشجر فى الاسماعليه تجيبها بنفسك بس للاسف السنه دى غااااليه جدا عن اى موسم فى الاسماعليه بيقولوا عشان موجه الصقيع
العويس :)
جرب التيمور هتعجبك - انا فى رايى التيمور احلى من العويسى هى شبهه الزبدية فى لونها الخارجى اخضرغامق بس حجمها بيكون اصغر من الزبدية .
طيب ما كل واغلب المنجة قشرتها خضرة !!!اقتباس:
المشاركة الأصلية كتبت بواسطة emam
واية الفرق بينها وبين الهندى ؟
لا بس بتختلف فى درجة اللون بص التيمور نفس شكل الزبدية بس الاختلاف هتلاقيها منقطة على خفيف فى قشرتها وحجمها مش كبير زى الزبدية
[url=http://nileup.com/up/][img]http://nileup.com/up/uploads/nilemotors_14405745151.jpg[/img][/url]
الصديقة من الأنواع الحلوة جدا جامعه ما بين الزبدية و الهندى و السكرى
انا مش عارف افرق
كلها صور مانجه صفرا و حمرا و خضرا و شكلها منجة
ما الفرق؟
من غير تريقه...لإي نوع اسمه سناره بس حكايه...وكمان بيض العجل....بيسموها كدا علشان كبيره اوي...المانجايه تأكل عيله :)
الاخ اللى قال على الصديقة زمان اكلتها كانت تحفة من تحفة الزمن
بس فيها غش كتير
ممكن ااعرف الفرق بين الصديقة ولو خدمة كمان الصنارة وبيض العجل
ازا افررق
وامس كمان بشترى عويسى لاقيت واحد بيقولى حاجة خطيرة جدا ...زلاقيت بيبع عويسى ب 12 جنية فقط سالتة ازاى ب 12 ؟؟ اجاب بمانة وبصراحة نوع هجين من العويسى!!!!!1
يا جدعان عايزين واحد متخصص فى المنجة يفهمنا الفروق دة فى جماعة هنا اكبلة جامد جدااااااا يعنى ههههههههه
فين الجماعة الاكيلة هنا
روح جيب المانجة من سوق العبور الاسعار رخيصة و التجار كتير
العويس جنلة ب 15 جنية .. بتوصل برة ل 30 جنية
يعنى اية عويسى جنلةاقتباس:
المشاركة الأصلية كتبت بواسطة hesham fawzy h
ههههههههههههههههههههههههه ههه
هو يقصد جملة
بس الكيبورد انت عارف الميم جنب النون
هو المانجو الفص بكام ؟ لو جملة "كرتونة 7 كيلو"
انصحكم اللى عايز ياكل مانجا يبقى عويس غير كدة يبقى مابيكلشى مانجا
العويس دى وهم بجد لو قصادى عشرة كيلو حاكلهم
والفص طبعا ممتازة بس غاليه جدا وصغيرة
انا جربت كل انواع المانجا هندى -سكرى -زبدة-تيمور-سنارة-كوبانيه-الفونص-صديقه-ممكن تطلع بحاجه كويسه منهم بس مش زى العويس برضه .
انا شكلي كده هنزل الاسماعيليه اشتري مانجه:)
هجيب الزبده للعصير والعويسي والصديقه والفونص للأكل
الصديقة حكاية
بس المشكلة فيها غش كتير ولازم واحد امين فعلا يقلك ان كلها صديقة مش مخلوط هندى على تيمورى على صديقة
صديقة دى ثمرة من الجنةةةةةةةةةة
ونفس طعم الصديقه هتلاقيها في نوع اسمه فجر كلان حتى انهم شبه بعض في الحجم
طب ليه ي جماعه جميع الانواع بتبقى مهريه من جوه ؟؟
هل كده- الفلاح بيحطلها مواد - هرمونات مجازا- تخليها تكبر و بتفسد بسرعه ؟؟
في رايي ان العويس ثم الفص هما احسن طعم
طيب في حد معيم في القاهره بيبيع الصديقه ؟؟
شكرا
سؤالي لمن لديهم خبرة في زراعة المانجو
هل صحيح أن أشجار المانجو من نوع عويس لابد أن تروي بالدماء حتى تصبح أكثر حلاوة؟
سمعت هذا الكلام من أحد الاصدقاء ولا أدري مدى صحته
لم اسمع عن هذه المعلومه من قبل واظنها غير صحيحه... والله أعلماقتباس:
المشاركة الأصلية كتبت بواسطة hilal
إذ لو كانت صحيحه لطارت بها صفحات المواقع من زمن طويل.
والسؤال الاهم ماعلاقة الدم بحلاوة الثمره؟!
العويس سعر الكيلو بيوصل18 جنيه ولم يصل باي حال ل30 جنيه!اقتباس:
المشاركة الأصلية كتبت بواسطة hesham fawzy h
تعرف على اسعار المانجو فى سوق العبور
حد يعرف المنجة الفص بكام
انا جربت الفجر كلان .....زفعلا حلوه - بس مش زي العويس
بكره و للا بعده اجرب بيض العجل و قولكم ..
هو ليه ماحدش يعرف المانجا ليه مهريه من جوه ؟؟
اقتباس:
المشاركة الأصلية كتبت بواسطة الفجر
هتلاقيها في الوكاله ( كجمله) تقريبا بيصل سعرها ل25 جنيه
وهتتباع بره من 35 الى 40 ممكن
جريتوا ريقى أصلى بحب المانجة أوى