ممكن حد يشرحلنا الفرق بين انواع المنجة بصور عشان بنتغش كتير فيها

**الفجر** · 26-08-2015 02:38 AM

لما بسافر على طريق الاسماعيلية بلاقى غش كتير اوى والراجل يضحك عليا ويجيب قفص من الوش عويسى ومن تحت حاجات مختلفة باين هندى او نعومى حاجة كدة غريبة

المهم د ممكن يفرق لينا بين انواع المنجة المختلفة بصور وبشرح وربنا يكرمة ويعمل فينا ثواب

**itsonlyme** · 26-08-2015 04:50 AM

[sor2]http://i.imgur.com/goAtaIM.jpg[/sor2].

أنا مش خبير في المانجة ومعرفش غير أربع أنواع. هما دول اللي أغرفهم وبجيبهم.

السكري:
لونها أصفر من برة وبرتقالي من جوة ومتوسطة الحجم. دي أول أنواع المانجة اللي بتطلع. مسكرة جداً ومفهاش شعر/ألياف. حلوة و شبه استحالة تلاقيها مش مستوية أو تلاقيها مززة. بس للأسف بتستوي وتتهري بسرعة.

الزبدية:

لونها أخضر من برة وبرتقالي غامق من جوة وحجمها بيتراوح من الوسط للكبير. طعمها مش مسكر زي السكري بس طعمها أقوى كمنجة. فيها شعر/ألياف كتير بتلزق ما بين الأسنان. جميلة لو سواها مظبوط. بس للأسف كل مرة أجيبها تطلع مش مستوية وممززة (ساعتها بتبقى صفرة من جوة).

الناعومي:
أحمر و أخضر من برة ومن جوة برتقالي فاتح. كبيييرة في الحجم. الواحد بتعمل من نص إلا ثلاثة أرباع الكيلو مستريح. البذرة صغيرة رغم حجم الثمرة وبترمي لحمة كتير. مفهاش شعر/أليفا خالص. ممكن تقطعها مكعبات ومش هتتفعص منك ولا تِنَسل. نادراً لما اشتريها وألاقيها مش حلوة. لا نية ولا مستوية ولا حمضانة. دايما مظبوطة. حاجة كده روعة.

الكيت:

دي بتظهر في أخر أغسطس. تاكلها في سبتمبر . السنة اللي فاتت فضلت موجودة لغاية ديسمبر وأول يناير!! كبيرة جدا في الحجم. لونها أخضر من برة وأصفر أو برتقالي فاتح من جوة. حلوة جداً.

الناعومي والكيت هما أكتر نوعين بحبهم. المانجاية كبيرة ومفهاش ألياف ومعظم الوقت بتبقى مظبوطة.

**mk3** · 26-08-2015 05:21 AM

لا يعلى على العويس اما تطلع على الشجر فى الاسماعليه تجيبها بنفسك بس للاسف السنه دى غااااليه جدا عن اى موسم فى الاسماعليه بيقولوا عشان موجه الصقيع

**hesham fawzy h** · 26-08-2015 06:29 AM

العويس :)

**emam** · 26-08-2015 09:42 AM

جرب التيمور هتعجبك - انا فى رايى التيمور احلى من العويسى هى شبهه الزبدية فى لونها الخارجى اخضرغامق بس حجمها بيكون اصغر من الزبدية .

**الفجر** · 26-08-2015 10:04 AM

المشاركة الأصلية كتبت بواسطة emam

جرب التيمور هتعجبك - انا فى رايى التيمور احلى من العويسى هى شبهه الزبدية فى لونها الخارجى اخضرغامق بس حجمها بيكون اصغر من الزبدية .

طيب ما كل واغلب المنجة قشرتها خضرة !!!

واية الفرق بينها وبين الهندى ؟

**emam** · 26-08-2015 10:43 AM

لا بس بتختلف فى درجة اللون بص التيمور نفس شكل الزبدية بس الاختلاف هتلاقيها منقطة على خفيف فى قشرتها وحجمها مش كبير زى الزبدية

[url=http://nileup.com/up/][img]http://nileup.com/up/uploads/nilemotors_14405745151.jpg[/img][/url]

**emam** · 26-08-2015 10:46 AM

**mr_green** · 26-08-2015 12:26 PM

الصديقة من الأنواع الحلوة جدا جامعه ما بين الزبدية و الهندى و السكرى

**volociximab** · 26-08-2015 12:35 PM

انا مش عارف افرق
كلها صور مانجه صفرا و حمرا و خضرا و شكلها منجة
ما الفرق؟

الموضوع: ممكن حد يشرحلنا الفرق بين انواع المنجة بصور عشان بنتغش كتير فيها

LinkBack

أدوات الموضوع

عرض

-

-

-

-

-

-

المواضيع المتشابهه

ممكن حد يشرحلنا كمبيوتر لانسر شارك

هى اللانسر بومة 2014 فيها انذار ولا لا ؟ عشان ناس كتير بتقول لا ؟؟

هى الفورد سكورد انواع؟؟؟؟؟ ولو انواع ....واية الفرق بينهم؟؟؟

ممكن حد يشرحلنا اهمية ال abs

الكلمات الدلالية لهذا الموضوع

المفضلات

المفضلات

ضوابط المشاركة