-
مشكله فتيس شيفروليه كروز
السلام عليكم معاكم اخوكم د عمرو ادمن في جروب كروز موتورز تيم عالفيس بوك وعندي مشكله باختصار من اول السنه شهر واحد في مشكله نتش في الفتيس مره واحده والعربيه عامله ٢٩ الف رحت فرع المنصوره قالولي روح فرع شربين والنتيجه قالو بدي فالف بايظ وبعدين رجعت قالو فتيس بايظ ومن وقتها رحت اكتر من ١٠ مرات للفروع السابق ذكرها لحد قبل رمضان العربيه طلعت تشيك انجن ووقفت في نص الطريق اتبهدلت بيها في الشارع وديتها التوكيل قالو دا فتيس وهيتغيررضمان متقلقش وبالفعل اتغير في فرع المنصوره في شهرركامل واستلمتها لمده ٣ اسابيع صوت عالي ونتش ومبتجيبش اكتر من ١٢٠ سرعه رجعتهالهم تاني قالوولي برمجه قعدت ٣ ايام للبرمبجه واستلمتها زي ما هيا فيها مشكله رجعتلهم تاني قالوليسيبها مهندس الضمان يشوفها قعدت اسبوعين ونص مفيش خبر رحت قالولي وديها طنطا ورديتها قعدت ٣ اسابيع فكو كل حاجه فيها علشان يطلع العيب بره الفتيس كذب مهندس طنطا وقالي غيرنا الفتيس ولسه فيه مشكله مشكورا تدخل المستشار تامر لحل المشكله Timo Garcia والعربيه اتنقلت لمكان رابع بعد المنصوره وشربين وطنطا ولحد دلوقتي لسه معرفش ايه اللي تم انا بالفعل اشتريت سياره اخرى ماركه غير شيفروليه علشان شغلي وحياتي مرتبطه ارتباط مباشر بالعربيه وكل المشكله دي بدات من اول ٢٨ الف كيلو متر لحد ال ٤٠ الف كيلو بحارب مش راكب عربيه تقضي مشاويري ومصالحي وان شاء الله خير انا مشكلتي اقدر عليها باذن الله والعربيه بالنسبالي بقت حته حديده زي اي حديده انا مشكلتي طريقه الاستخفاف والاستهتار بالعميل دا لو التوكيل قاصد يطفش الناس علشان ميشتروش العربيه مش هيعمل كدا مع العلم ان العربيه فابريكه بدون حوادث او مشاكل خارجيه وغلب الصيانات تمت في التوكيل من غيارات الزيت التيل لزيت الفتيس لريش المساحات ...
-
للاسف توكيل منصور من سىء الى اسوء فى خدمة العملاء ودايما بيصدر الحجج والواهيه والاكاذيب للتسويف والتخلى عن مسئوليته فى الضمان
متضامن معاك
-
تابع اخر التطورات في اخر البوست.
لكل اعضاء الجروب و الكروزاوية , من الادمنز ليكم للمشاورة وللمعرفة ولطلب العون وقت اللزوم
دى حدوتة كدة طويلة شوية بس اقروها.
عربية الدكتور عمرو عاطف Amro Atif عطلت.
العربية موديل 2012 عاملة 33الف كيلو وكلها بزيوت الفابريقة تماما.
العربية في شهر5 ببساطة شديدة فتيسها باظ وعمل صوت عالى جدا ومبقتش بتسحب.
كان فاضل عالضمان وينتهي 3 شهور , وداها التوكيل وقالوا سليم , لجئنا للناس اللى حضروا المقابلة معانا وكان الرد ان لو فاضل يوم واحد بس عالضمان تتصلح بس اللى يحدد اذا كان بايظ ولا لأ هو مهندس الورشة !
مهندس الورشة قال سليمة و عمرو طبعا شايفها بايظة رجعنا تانى للسادة الافاضل اللى حضروا لمقابلة حددوا مهندس خاص من جنرال موتورز ينزل بنفسة يعاين العربية ويشوف مين معاة الحق.
المهم المهندس اتأخر في انة ييجي والعربية انتهت فعليا وراحت التوكيل على كساحة وبقت امر واقع فعليا.
دخلت التوكيل واتفتح امر شغل تغيير فتيس فالضمان , ومن شهر 5 لحد النهاردة يا سادة العربية مرمية في التوكيل
اتغير فتيس والصوت مازال عالى جدا ومتصلحتش , وكل شوية يعاد تصليح اجزاء اخري والعيب مش عارفين سببة اية
للعلم العربية فابريقة بالكامل 30الف كيلو متلمستش ولا حتى اتلحق يتغيرلها زيت.
لحد النهاردة 3 شهور العربية مرمية ومش عارفين اية الحل.
ناس كتير عالخاص مشكورين لهم علاقات داخل لوكيل تدخلوا لكن الرد الصادم , الرد الصادم من مهندس الورشة مش عارفين نصلحها.
المهم دلوقتى اننا كأدمنز
تشاورنا مع بعض ولقينا ان اخر حاجة نعملها نخلي ابو إياد المصري يكلم الناس تانى ونشوف اية الحل
او اذا لم يحدث اى تجاوب , حنتجمع كلنا الادمنز بعربياتنا وكل اللى حابب يشارك من الجروب ونطبع ستيكر عريض بسبب العطل ونقف قدام التوكيل ونجيب صحفيين يصوروا ونوصل صوتنا لمستوى اعلى
مش ذنب عمرو انة الفتيس القديم , مش ذنب اى حد انة موديل قديم وبيعطل , مش ذنب اى حد تانى انة ميعرفش حد جوة الورشة
الوقفة دى لينا كلنا للملاك الجدد قبل الملاك القدامي
بناء على رد المسئولين على ابو اياد المصري حنشوف طريقنا اذاى ورايح فين.
للعلم , عمرو عاطف مرضاش يحكي الحكاية ولا يقول اللى كان بيحصل معاة عشان ميذعلش حد وعشان الملاك الجدد ميضيقوش وفضل يساعد الناس ويرد على اسألتهم لحد النهاردة
كل دة وكان في اعضاء بتتهمنا اننا بنقبض من التوكيل وبنطبل للتوكيل واننا بنعادي فلان عشان خاطر التوكيل وبنعادي علان عشان خاطر التوكيل وولا يعرفوا حاجة من اللى بتحصل بينا عشان خاطر الناس انتم واحنا والجروب.
انا عارف ان في ناس حتشمت و حتقول جوة سرها قولنالكم روحوا لفلان وانتم قلتوا لأ , وعارف ان في ناس حتفرح وحتقول لفوا لفوا ورجعوا
كل دة ولا يهمنا وولا يهمنى لأن ربنا عالم النوايا وعارف اننا كل حاجة عملناها كانت عشان خاطر الناس ومصلحتهم مش عشان نوجهة حد لهنا او لهنا
احنا بس بنطلب منكم ,, و انا بطلب منكم ويمكن دة اول طلب شخصي ليكم كلكم
اننا لو الرد علينا مماطلة و حينيمونا ومش حيستجيبوا لبعض مطالبنا المشروعة ومنها اصلاح العربيات المعابة والارتقاء بمستوي الفنيين والمعاملة
انكم تنضموا لينا في وقفتنا عشان صوتنا يوصل , وربنا العالم والمطلع عالنوايا
الادمنز
Ahmed Shouhdy Hany Mowafy Ahmed Bek Toubar ايمن الرويني Mohamed Magdy @اياد المصري
حصل لعربية اخونا الدكتور عمرو عاطف.
الرجاء عدم السب او الشتيمة في التعليقات او الحوار , الرجاء كل الرجاء ان يكون كلامنا راقي , كلام ناس كبيرة عاقلة متحضرة راقية, ولو سمحتم اى تعليق خارج حنمسحة.
تحديثات :
اخر المستجدات من الادمن المتواصلين في المشكلة.
١٧ أغسطس ٢٠١٥
الساعة ٨:٣٠ صباحا
العربية اتنقلت علي كساحة للمصنع الرئيسي
ولم يتم تغيير الفتيس كل هذة الفترة ؛ كانت محاولات اصلاح للفتيس القديم.
١٧ اغسطس ٢٠١٥
الساعة ٧ مساء
تم التواصل مع أ/ خالد اسماعيل مدير عام بشركة منصور وجارى الاهتمام بالمشكله من طرفه مع تحديد موعد مع مسئولى شركة منصور لتحديد اليه لعلاج القصور فى الاداء من قبل الشركه مع العملاء
١٩ اغسطس ٢٠١٥
الى الان لم اتلقى رد من مسئولى منصور باشا وشكلها حتقلب بغم عليهم
شكرا لكل الناس ولتجاوبها ويبعد كل شر عنا آمين
-
-
لما عربيات غاليه ومحترمه فعلا وعربيات المفترض انها ناجحه فى كل دول العالم وتيجى فى مصر وتفشل
ده يدل على توكيل من اسوأ التوكيلات فى مصر ومش هنبالغ لو قلنا فى دول العالم الرابع كله
توكيل ميعرفش يعنى ايه يعامل عملاء
توكيل لا يفقه شىء بسياسه التسويق للملاكى
توكيل يفتقد للخبره وسء الاداره تحس انك داخل ورشه فى الشارع مش توكيل
توكيل كل اعتماده يستنفذ كل مليم فى جيبك باى شكل من الاشكال
توكيل اخر حاجه ممكن يفكر فيها انه يديك حقك فى الضمان حتى لو ع حساب حياتك
منصور اخره النقل هو بتاع نقل وبس وينسى حاجه اسمها ملاكى بعد كده
معاك يا عمرو قلبا وقالبا وحقك هيرجع مهم يكون التمن
-
لازم نجتمع كملاك للكروز ونقف وقفه ضد التوكيل والمطالب هيا
اعادة تأهيل الفنين لديه
سرعة الاستجابه لتغيير اى قطع غيار صغيره كانت ام كبيره احنا دافعين تمن الضمان فعليا من ضمن تمن العربيه وقدره 6000 جنيه تقريبا من كل عربيه زيرو بيبعها من الكوز وغيرها
-
سيارات شيفرولية الناجحة فى الخليج هى السيارات ذات السعة اللترية الكبيرة سته و ثمانية سلندر
سيارات شيفرولية الصغيرة فاشلة فى الخليج و من ضمنها الكروز
-
متضامنين معاك.. دكتور عمرو عاطف
ولازم نعمل إجراء قوي وإيجابي ضد توكيل منصور
مينفعش الشكوى... لازم وقفه قويه ضده
-
و انا كمان متضامن معاكم. منصور أسوأ خدمة عملاء و أسوأ صيانة و أغلى قطع غيار
-
Content Relevant URLs by
vBSEO 3.6.0 PL2