انه احسن بيجو 308 كابورله ولا هيونداي كوبيه 2006
المقارنة من حيث كل حاجه وسعر البيجو كام في مصر وطبعا بيتهيالي مفيش منها جديد
عرض للطباعة
انه احسن بيجو 308 كابورله ولا هيونداي كوبيه 2006
المقارنة من حيث كل حاجه وسعر البيجو كام في مصر وطبعا بيتهيالي مفيش منها جديد
معروضين عليييك بكام ؟؟
الاتنين سوقهم ضعيف جدا
فرق السعر كتير تقريباً 100000 لصالح البيجو و طبعاً هي الأفضل !!!
هي مش معروضه عليا بس بفكر فيهم عايز عربيه شبابيه في حدود 200 بس كوبيه
فى حدود كام ؟؟
200 الف جنيه
200 الف و عايز تركب هيونداى كوبية 2006 العربية دى متعديش ال65 الف
لو انت عايز حاجة شبابي و جراية و فى نفس الوقت ماركة شياكة و رفاهية من الداخل يبقى تجبلك بى ام الفئة الخامسة موديل 2005:2006 و تقلبها ام و ترشها مط و تعدل فوانيس او على حسب رغبتك فى التعديل
عندل برضو 316 كوبية اعتقد موديل 2007 دى 1600cc دى تعملها فى حدود 160 الف دى برضو بى ام منزلاها علشان التعديل
عندك عربيات تانية كتييير اوى بس قولى انت عايز ايييية بالضبط
قولي العربيات الكوبية الزيرو غير كيا كوبيه والنترا كوبيه والعربيات الكابورليه الزيرو في حدود 200 الف طبعا
والعربية تكون سرعتها عاليا 200 وانت طالع
وكمان عايزها للدريفتات معلش تعبك معيا
ابني شاب في أوائل العشرينات و كان عايز يجيب BMW و أنا مش موافق لأني عارف يعني ايه RWD مع شاب ... أنا مش هأقولك drive safely ولا خاف علي حياتك لأن الكلام ده ممكن تسمعه من أي حد لكن أنا هأقولك Somebody loves you و صدقني السرعة أعلي من 200 أو حتي أعلي من 140 مش شطارة و مش هتاخد جائزة بل بالعكس الشامتين هيكونوا أكتر من المحبين و الناس هتقول "ضيع نفسه بإيده" ... و الDrifting لو مش في Track مخصص بلاش بس لو عايز كوبيه في حدود 200,000 يبقي 316 2007 و ظبطها انت بنفسك لأنها أحسن من اللي في المقارنة بكتير و الوحيدة فيهم اللي RWD و من أحسن العربيات اللي بتقبل التعديل
اعتقد مفيش حاجة كوبية زيرو بالمبلغ دة
و كدة كدة لو جبت عربية علشان تدرفت بيها لازم تعملها تعديل حتى لو بى ام علشان تتحكم كويس بالعربية و السرعة تبقى عالية
لو عايز تركب حاجة شياكة يبقى مستعمل بي ام الفئة الخامسة هتاكل فى الاسفلت .. لو جربتها قبل كدة قولى رايك
وانا تحت امرك يا باشا لا تعب ولا حاجة
انا بشكرك جدا وانا فعل هبقي حريص بس حابب ان العربية يكون فيها كل حاجه بحيث اني لو حبيت اجرب وطبعا مش هجرب من غير ما حد يعلمني ومش هعملها كتير طبعا عشان الكاوتش وبشكرك تااني علي ردك متعرفش فادني قد ايه واوعدك اني مش هعمل حاجه تعرض حياتي للخطر
طب هو ايه الفرق بين 316 2007 و الفئة الخامسه بي ام
او لو انت طالبة معاك كوبية يبقى 316 كوبية 2007 اعتقد ب 160 الف و هتصرفلك 40 الف تظبيط فى حدود 25:30 مكنة بتيربو ب انتى لاج و الباقى شكمان على جنط و لو عايز ترش لون تانى
لا كا امكانيات في فرق ولا لا ؟
لو مستواك المادى كويس هتها وش