موقف حصل وعايز رأيكم

**Mohamed_Hamid** · 26-08-2015 10:21 AM

السلام عليكم ورحمة الله وبركاته

محتاج رأيكم فى موقف حصل معايا امبارح

الحمد لله رب العالمين

امبارح كنت فى صقر قريش عند واحد بتاع ابواب علشان كانت مكنة الازاز كهربا وفيها مشكلة. المهم الصنايعى لسه بيفتح الباب يبص يشوف المشكلة والاقى عيل صنايعى جاى طاير بعربية كان هيشيل الصنايعى اللى معايا وخد فى سكته الباب بتاعى وعوجه من عند المفصلات كدة ومش عايز يتقفل. الواد نزل من العربية مفتحش بؤه وعارف انه غلطان جه واد تانى زميله فى الورشة وقعد يهيص وشوية همبكة بصوت عالى ويكلم زميله انت مش غلطان مش كل واحد يقف عربيته فى الشارع ويقفل الطريق ( انا مكنتش قافل الطريق انا سايب مكان يعدى اى حد مرتاح ) وانا متكلمتش مع العيال دى لأنى مليش فى جو الخناقات ولو خدت مطواة فى جنبى هنزل ميت ومليش دية وكل واحد هيروح لحاله عادى.
المهم الناس اللى واقفة قالتلى اعمل محضر وبتاع وقلت لا طبعا المحضر مش هستفيد منه حاجة ولا هاخد بيه حقى وطلع الباب عايز سمكرى. صاحب الورشة اللى انا عنده مكنش موجود والصنايعية كلموه وجه طلع شاب محترم قاللى انت ملكش دعوة بالعيال دى انا هتصرف معاهم والسمكرة حسابها عندى لأنك كنت واقف عندى ملكش دعوة بأى حاجة وانا هعرف آخد حقى من العيال دى.وفعلا جاب سمكرى صاحبه وطلب ان العربية تبات عنده لبكرة اللى هو النهاردة وان شاء الله يكون خلص وكله تمام.

دلوقت هل المفروض فعلا صاحب الورشة اللى كنت عنده هو اللى يتحمل حق السمكرة ويتفاهم هو مع العيال دى بعد كدة وياخد منهم الفلوس ولا المفروض اشيل معاه نصف التكلفة مثلا ولا ايه الصح؟

**A.Saad** · 26-08-2015 10:26 AM

وانت تشيل ليه ؟؟

**Mohamed_Hamid** · 26-08-2015 10:54 AM

تمام كدة

الف شكر أساتذتنا الكرام A.Saad & Hilal

**ehabpopo** · 26-08-2015 11:50 AM

المشاركة الأصلية كتبت بواسطة hilal

القاعدة الشرعية من أتلف شيئا فعليه إصلاحه لا ضرر ولا ضرار
والمسئولية مشتركة بين صاحب الورشة ومرتكب الخطأ
إلا إذا عفوت لو كانت التكلفة بسيطة

صح الكلام ... لاكن احنا شعب طيب وكريم الحمد لله ...
وفية مقولة تانية بتقول ... خدت الشر وراحت .. فداية وفدى اولادى
وفية مقولة تالتة وهى افضلهم .... الحمد لله على كل حال ... قدر الله وماشاء فعل
فقل الحمد لله ...

**Mohamed_Hamid** · 26-08-2015 12:27 PM

الحمد لله رب العالمين
ربنا نجى الصنايعى كان هيشيله وانا لو كنت نزلت على طول من مكانى قبل ما يدخل علينا كان زمانى تحت العجل لأنى كنت هبقى اول واحد ياخد الصدمة بدل الباب والصنايعى
الحمد لله حمدا كثيرا طيبا مباركا فيه

**ali ashraf** · 26-08-2015 10:23 PM

اولا حمد لله على سلامتك , تحياتى للزملاء الكرام و لكن انا ساكون اقل كرما منهم و اقول لك لا تتنازل عن مليم واحد من تصليح العربية و مش علشان الفلوس انما الولد الطايش اللى كان ممكن يموت ناس و ربنا ستر لازم يشعر بالعقاب علشان ده ممكن يردعه عن افعاله الطائشة و اكيد الاسطى بتاعه هيخصمهم من اجره و ده المطلوب بمعنى الواحد يسامح مع السهو و عدم القصد او الخطأ البسيط و لكن الموضوع هنا رعونة وطيش و محتاج شدة ودن......انا من كام شهر خبتطنى انسة كانت لسه بتتعلم و يبدوا نزلت بالعربية من ورا والدها و الحقيقة كنت هعملها محضر بس منعنى ان مكنش معها رخصة قيادة و خفت عليها من البهدلة و قابلت والدها بعد كده و اعتذر انما برضه خطأ جسيم مش سهو

**طارق _عبد السلام** · 27-08-2015 12:03 AM

اولا قدر الله ماشاء فعل

ثانيا انت رجل محترم ولانك ملكش فى المواضيع دى كان تصرفك سليم..وكويس ان صاحب الورشه بيفهم فى الاصول

وهو اكيد هيتصرف مع العيال دى وهيشيلهم تصليح العربيه..لانهم كانوا عايزين يعملوا قصه ويعلوا صوتهم وانت ترد وتقلب بخناقه وتغلط فيهم وبكده حق قصاد حق وحقك يروح فى خبطه العربيه

عادى اتصرف عادى واستلم عربيتك منهم واقفل وشك... الاشكال الغلط دى هى اللى مبوظه الدنيا ربنا يهديهم

**hilal** · 27-08-2015 10:39 AM

الحمد لله على كل حال ، وحسبك أن تكون من المحسنين الذين يحبهم الله تعالى
الَّذِينَ يُنفِقُونَ فِي السَّرَّاءِ وَالضَّرَّاءِ وَالْكَاظِمِينَ الْغَيْظَ وَالْعَافِينَ عَنِ النَّاسِ ۗ وَاللَّهُ يُحِبُّ الْمُحْسِنِينَ

-

-

الموضوع: موقف حصل وعايز رأيكم

LinkBack

أدوات الموضوع

عرض

موقف حصل وعايز رأيكم - انشر الموضوع فى :

-

-

-

-

-

-

المواضيع المتشابهه

موقف اتعرضت ليه وعايز اخد رأيكم

رأيكم فى موقف

موقف حصل و عاوز رأيكم!

موقف حصلي .. قولولي رأيكم ..

موقف حصل قدامي وعايز اعرف ايه سببه

الكلمات الدلالية لهذا الموضوع

المفضلات

المفضلات

ضوابط المشاركة