عرض للطباعة
السلام عليكم,,,
عملت حادثه بالعربيه من فتره "فلوانس 2015 e3" والتوكيل والتأمين قالولي توتال لوس ... الحمد لله علي كل حال ... حاليا مستني شيك التأمين "صبرنا يارب" المهم كنت محتاج رأيكم اجيب فلوانس 2011 مستعمله ولا نيو لوجان جديده هاي لاين او لو في خيارات تانيه ياريت تفيدوني.
شكرا
هات جديد نيو لوجان و خد خيرها و بعد كدا بيع ....لو مش غاوي وجع دماغ لان الرينو لما بيقدم اعطاله بتكتر .هي شكلها جميل و شيك ده طبعا لو مش فارق معاك الوسع و الناس بتشكر فيها:00020191:
بسم الله الرحمن الرحيم
أخى الفاضل
جزاك الله خيرآ و عوضك عوضآ جميل عن خسارتك و الحمد لله أنك بخير. أرى أن تفكر فى أى سياره جديده و لا تفكر فى السيارات المستعمله أبدآ.
حدد عدد من السيارات الجديده التى تفكر فى شرائها ثم إعرضهم لنا لنساعدك فى الإختيار و إتخاذ قرار الشراء أما إن كنت عزمت أمرك فتوكل على الله و بارك الله لك فيما رزقك
هداك الله لأرشد أمرك و أقومه
السلام عليكم و رحمة الله و بركاته
نيولوجان الجديده حلوه و ناجحه بس هاتفتقد حاجات كتير بالنسبه للفلوينس سواء القديمه او الجديده و اهمها الثبات العالى و فخامتها .
مينفعس فلوينس ينزل ل لوجان .
و رأيى تغيير الماركه كلها
ربنا يعوضك خير ومتزعلش نفسك
بس اطلع بقى من الماركة دى وشوفلك حاجة يابانى لو العربية كهنة هترجعها زى ما كانت
في فرق كبيربين اللوجان و الفلوينس
مش هتعرف تركيب اللوجان
السلام عليكم
انا لسة شارى نيو لوجان 2016 هاى لاين
بصراحة العربية محترمة جداا ومفيش اى مشاكل واجهتنى حاليا
وان شاء الله هعمل تقرير كامل بس لما اكمل 1000 كيلو لو 5000 كيلو علشان اعرف احكم عليا
بس والله السيارة روعة والاوبشن بتاعها عالى ورائع
و الكلام دا عن تجربة شخصية ؟؟ ولا حضرتك سمعته من صديق ؟؟؟اقتباس:
المشاركة الأصلية كتبت بواسطة atchiano
شكرا لكل اللي رد وربنا يسلم طريقكم ويحفظكم من كل سوء ... انا عارف ان هايبقي في فرق كبير مابين الفلوانس واللوجان بس الواحد ليه اكتر من تجربه سيئه مع ناس لايفقهوا شئ في السواقه ده بالاضافة للطرق المصريه الجميله ..فقررت اني مش هاجيب عربيه غاليه تاني واجيب اي حاجه امشي نفسي بيها وان شاء الله هاعمل تيست درايف للوجان واقرر... وربنا يصلح حال الناس والطرق في مصرنا الغاليه
تحياتي،