عربيتي مانيوال 2015 لسة عاملة ك 1400
يعني كاوتش زيرو وفرامل المفروض في كامل رونقها لسة
موقع الحدث:
جوزيف تيتو قبل طلعة الكوبري ماشي على 100 أو 120 ومرة واحدة واحد رمة نفسه على اليمين
فرملت العربية فرملت فعلا وصفرت وزحفت على الأرض خد بالك الطريق أسفلته كمان حلو يعني لامية ولا رملة وياريت كل الطرق زيه المهم ربنا ستر

لكن ما حسيتش بالabs في حاجة أنا حاسس إني راكب عربية شاهين ولا بيجو وفراملها حلوة إنما abs لا ولا خالص كمان حتى محصلش أي صوت في الفرامل إنتم عارفين الabs بيدربك الفرامل وممكن تسمع صوت تكسير من تحت إنما ولا الهوا
وبلاش واحد يا جماعة يطلع يقولي أصلك كنت سايق و حواجبك وجعاك ولا ما كنتش دايس كويس ولا ما كنتش فاطر كويس مثلا بلاش الكلام من النوع ده علشان ما أزعلش
وبلاش واحد بردو يطلع يقولي ما تفتكرش إن ال ABS هتوقفك على أي سرعة هرد عليه وأقوله أنا ما طلبتش إنها توقفني أنا طلبت إنها ما تخليش العربية تزحف مش اكتر من كده
أنا معايا لانسر وفيها abs فرق شاسع جدا ال abs فيها بتكلبشني في الأرض وبحس إن العربية بتتكسر من تحت ساعة المواقف الصعبة وده طبيعي في ال abs ومفيش حاجة إسمها زحلقة وصفافير إنما في الbyd ال abs بتاعها كدبة مش أكتر ودلوقتي أو ما بفتح الكونتاك وألاقي لمبة التشيك بتاعة ال ABS بتنور أقول آهه يا ولاد الن....... قال يعني فيها ABS
أنا بفكر حاليا إني أبيع العربية وأجيب أي حاجة تانية لإن موضوع الفرامل وال ABS ده عندي أهم حاجة في العربية لإني بحب الجري .
فده عرض البيع العربية مانيوال 2015 إستعمال شهر فقط وكل حاجة لسة بكياسها والحمد لله زي ماهي مفيهاش خدش ولونها رمادي ورخصة 3 سنين وماشية 1400 فياريت لو في حد ممكن يشتري يقولي هيدفع كام فيها علشان أشوف هزود كام وأجيب حاجة تانية