بتغير زيت الفتيس الوتوماتك ولا لا

**superzok** · 19-11-2008 05:09 AM

السلام عليكم اعضاء المنتدى

الكورولا بتاعتي ماشية في حدود 72000 كيلو " موديل 2005"

ومتغيرلهاش زيت فتيس لغاية دلوقتي ( اوتوماتك)

واحترت
ناس كتير بتقول لازم تاغير بعد ال 50000 وناس بتقول بعد ال70000

وناس برضه بتقولي ( ناس فاهمه ) متغيرش غير لما تحس ان الفتيس فيه مشاكل :k41:

لان ناس كتير غيار الزيت بتاعهم بيكون بداية المشاكل في الفتيس

انا احترت والله :K15:
وقررت مغيرش زيت الفتيس لغاية امبارح ما لقيت علبة الزيت ال 4 لتر مكتوب عليها زيت تويوتا للجير الاوتوماتك بتتباع عند توكيل قطع غيار تويوتا

( سعرها في حدود 250 جنيه )

تنصحوني بايه

**iBiZa** · 19-11-2008 10:25 AM

المشاركة الأصلية كتبت بواسطة superzok

الكورولا بتاعتي ماشية في حدود 72000 كيلو " موديل 2005"
ومتغيرلهاش زيت فتيس لغاية دلوقتي ( اوتوماتك)

واحترت
ناس كتير بتقول لازم تاغير بعد ال 50000 وناس بتقول بعد ال70000

احنا عندنا فى الVW لازم زيت الفتيس الاوتوماتيك يتغير كل 50,000 هو و الفلتر بتاعة.

انا من رائى, انك تمشى على كلام الكتالوج لانى شفت بعينى فتايس اوتوماتيك بتتحرق و الحل بيبقى انك تشترى فتيس جديد استيراد و انت و نصيبك ساعتها الراجل هيقولك كام.

المشاركة الأصلية كتبت بواسطة superzok

وناس برضه بتقولي ( ناس فاهمه ) متغيرش غير لما تحس ان الفتيس فيه مشاكل

مع احترامى للجميع, اللى يقولك استنى لحد لما تحس الفتيس فية مشاكل و بعدين غير يبقى مش بيفهم. انت بتعمل السرفيس و بتغير بوجيهات و فلاتر و سيور و هى لسة فيها شوية عمر عشان ما تعملش مشاكل.

لو مشينا نفس المبدأ دة يبقى مش هنغير زيت موتور و لا بوجيهات غير لما الموتور يقطع. او نغير سير الكاتينة الا لما يتقطع.

المشاركة الأصلية كتبت بواسطة superzok

لان ناس كتير غيار الزيت بتاعهم بيكون بداية المشاكل في الفتيس

لو الحاجة اتعملت صح, عمر ما هيكون فية مشاكل. روح اعملها فى التوكيل او عند حد متخصص Toyota