كروز الشكل الجديد ومشكله الفتيس

**mahmoudsmh** · 27-08-2015 02:27 PM

السلام عليكم
احب ادخل في الموضوع علطول واسال اهل المنتدى المحترمين انا دلوقتي معايا لانسر ٢٠٠٧ وحتى الان مخيرتش فيها صاموله واحده الا الصيانات الدوريه المعتاده عربيه معمره ومحترمه الى ابعد حد ولظروف خاصه لازم هشتري عربيه جديده وكنت بفكر جديا في كروز ٢٠١٦ الي هتنزل خلال شهر او اتنين بالكتير وسمعت عن مشكله الفتيس وبلاوي التوكيل ومتردد ناس قالتلي دي مشكله في ٢٠١٠ بس واتحلت اتفاجات ان المحترم عمرو عاطف ٢٠١٣ والفتيس ضرب ومحدش واقف جمبه فمابالكم بيا الي مليش في حاجه والفتيس عمل معايا وباظ هقعد اعيط جمبها وخاصه اني هدفع فلوسي كلها
فبالله عليكم تنصحوني بامانه الله
والبدائل الافضل ايه
الفلوانس ولا السكودا رابيد ولا السيات
ولكم جزيل الشكر والاحترام واسف للإطاله

**adorehearts** · 27-08-2015 06:04 PM

التوكيل فاشل بكل المقاييس وفشل العربية معاه .

**Hussein_Ramdan** · 27-08-2015 08:06 PM

عربيه ممتاز وتوكيل فاشل يبئا عربيه فاشله انا اشترى عربيه صينى بس بتوكيل محترم للاسف انا بردو حاليا بدور على عربيه اشتريها
لكن قبل العربيه بدور على الوكيل