رخصتى الخاصة أتسحبت ... أدفع غرامة ولا أطلع بدل فاقد ؟
السلام عليكم ورحمة الله وبركاته
يا جماعة أنا رخصة القيادة الخاصة بتاعتي إتسحبت منى ف "لجنة" من يومين عشان "منتهية" وتم تحرير إيصال مدته إسبوع عشان أروح أستلمها من مرور "بين السرايات" وأدفع غرامة وأبدأ ف إجراءات تجديدها ...
للأسف الشديد سمعت بعض الأقاويل اللى بتقول إن الغرامة ف الحالة دي بتكون 1000 جنيه !!!! وأنا بصراحة شايف إنها غرامة مبالغ فيها بشكل بشع ... عشان كده عاوز أستفسر عن إمكانية إصدار "بدل فاقد" للرخصة قبل ما الرخصة المسحوبة توصل للملف بتاعي ... هل الفكرة دي ممكنة !!! وهل فى أى إقرار هوقع عليه ف المرور بخصوص إنها مش "مسحوبة" وإلا هتعرض للمساءلة القانونية !!! برجاء الإفادة جزاكم الله خيراً