السلام عليكم
انا محتار جدا بين البيجو 301 والنيسان صني والافيو مع اختلاف اسعارهم واختلاف اشكالهم
بس ياريت حد ينصحني من النواحي التالية:
-الميكانيكا
-الصيانة
-الثبات
-الصالون
-التكييف
-التحمل
-سعر اعادة البيع
وشكرا ليكم
عرض للطباعة
السلام عليكم
انا محتار جدا بين البيجو 301 والنيسان صني والافيو مع اختلاف اسعارهم واختلاف اشكالهم
بس ياريت حد ينصحني من النواحي التالية:
-الميكانيكا
-الصيانة
-الثبات
-الصالون
-التكييف
-التحمل
-سعر اعادة البيع
وشكرا ليكم
أحسن نصيحه هتسمعها ف حياتك ..
انك تبعد عن الأفيو
طب بالنسبة للبيجو والنيسان؟
البيجو اعلي ثبات فيهم و خامات أفضل
الصني الجديده مناسبه لداخل المدينه بس ثبات أقل
حسب احتياجاتك .. انت محتاج ايه ؟
من كل النواحي نيسان صني تكيف ممتاز مريحة منتشرة باعتمادية الياباني
امال النيو صني ايه لو مش ياباني؟
طب في حد عنده راي تاني؟ :d
صني الجديده
مضمونه عن البيجو
السلام عليكم
انا كان عندي ٢٠٦ موديل ٢٠١٢ مانيوال بعتها عشان كده و أخذت ٢٠٧ موديل ٢٠١٢ اتوماتيك ..
بعد ما جربت الاوروبي في السيارات ، ما اعتقد ح اشتري ياباني ، كوري ، او أمريكي بعد كده .
انا من رأي استبعد الأفيو من المقارنة ، لأن الأفيو بعد اقل من سنه تحس العربية متفككه و ليها أصوات ، تقفيلها مش و لابد .
الصني عمليه و الصيانه و الميكانيكا فيها سهله ، البيجو تحتاج شخص يعرف للعربية بس جودتها عاليه .
التكييف في الصني ممتاز جدا ، و البيجو كمان ممتاز .. بس لو وقفت المقارنة على التكييف بس ح اختار البيجو حتى لو التكييف في الصني أفضل . لأن تكييف البيجو يعتمد عليه .
الثبات أكيد البيجو أفضل بكثير جدا عن الصني .
الرحابة داخل السيارة ، البيجو ٣٠١ أفضل بكثير جدا عن الصني ، و المسافات و الأوقات الطويلة داخل العربية البيجو تتفوق على الصني .
التحمل ، الصني أفضل من البيجو ... و لكن لو استخدامك معتدل برضه البيجو تتحمل و مافيهاش مشاكل .
اعادة البيع الصني أفضل ، و لكن لو حضرتك عايز السيارة معاك فترة طويلة ، خذ البيجو لأن راحة السواقة أفضل من الصني .. انا أضحي بفلوس اعادة البيع مقابل راحتي . .
البيجو