-
حادث تحت كوبرى امبابه
طريقى اليومى من اول كورنيش المظلات الى التحرير
النهارده الصبح الساعه 8 ونصف تقريبا تحت كوبرى امبابه ومن على بعد حوالى 200 متر رئيت اتوبيس من بعيد يتجه من اقصى اليسار الى اقصى اليمين بدون سابق انظار وجرى .
ببص على اليسار اشوف فى ايه لقيت شاب حوالى 38 سنة نايم على الارض ودماغه على رصيف المشاه وجسمة على الرصيف ومغم عليه وجمبه موتوسيكل مقلوب .
قلت اجرى ورا الاتوبيس ولكن لم اتمكن لان الطريق وقف تانى فكرت انزل من العربيه وادرى وراة لانه كان على بعد 100 متر وبينى وبينه عربيات ولكن الطريق مشى تانى
فحاسس انى قصرت جدا فى الموقف ده ولا عرفت اوقف الاتوبيس ولا رجعت للراجل اسعفه ولا اعملة اى حاجه
وضميرى بيأنبنى جدا
اسف لو كنت طولت عليكم
-
للأسف للأسف أنت في مصر
لسة صديقة زوجتي حصل معاها نفس الموقف تقريبا , من يومين كانت ماشية بعربيتها في الأتوستراد و عند مطلع كوبري لقت موتوسيكل بيقع علي جنب الطريق بجوار عربيتها علي طول ( كأنها خبطته ) و صاحبه وقع ساكت , فجأة الناس جرت وراها و وقفتها و البوليس جه المهم أخدو الراجل المستشفي في عربيتها و هي قالت أنها متكفلة بالمستشفي و مصاريفها بس طبعا و اكيد تحولت في لحظة من سيدة محترمة إلي متهمة مدانة و شرفت قسم البوليس لحد ما تتعرض علي النيابة تاني يوم و طبعا دخلت الحجز مع كل البلاوي اللي فيه لولا ان كان فيه ضابط معرفة و الراجل تفهم الموقف فخلاها تبات الليلة في القسم برة التخشيبة لحد ما هي وحظها الراجل يفوق أو ؟
المهم أن المستشفي أكتشفت ان الراجل جاله أزمة قلبية مش أتخبط لكن برضه شرفت القسم لحد ما يفوق و هو يقر بكدة , و ربنا ستر أن الراجل تاني يوم لما فاق شكرها انها انقذت حياته و هي دفعت 6000 جنيه للمستشفي !
طبعا كان ممكن يطلع مش كويس و يقول أنها خبطته خاصة ان ابن الراجل كان راح عمل بلاغ في القسم و مكنش راضي ان ابوه يتنازل عنه
ربنا الستار .
-
يعني من الحكايات اللي الواحد بيسمعها هنا بيقلق من موضوع مساعدة الغير
مش لو كانت هي اللي خبطاه كان هيبان اثر الخبطة على عربيتها؟؟!!
ولا الناس ما بتصدق تلاقي حاجة علشان يلزقوا التهم
-
موضوع كل يوم ...
امبارح لسه شايف واحد من بتوع الدلفرى بتوع CooK DooR نازل من كوبرى اكتوبر على غمرة عندنا وواحد راح شايله وطااااااار والواد لسه فى المستشفى محدش عارف عنه حاجة ...
Content Relevant URLs by
vBSEO 3.6.0 PL2