عربية رخيصة واظبطها ولا بلاش

**speranz** · 28-08-2015 04:48 AM

انا اتخنقت من العربيات المستعملة
بسبب ان لازم يطلع فيها حاجات مقرفة
وبسبب اني بصرف كل الي حوشته ع العربية
فمبلاقيش معايا فلوس اعمل فيها حاجة
ففي حاجة جت في دماغي
انا لو معايا مثلا 40 الف
اجيب عربية ب 30 الف واظبطها بالباقي
من ارخم الحاجات اللي بتقابلني في العربيات المستعملة
ان الكاوتش بيبقي متبهدل خالص وده خطر
فالفلوس الي هبقيها اجيب بيها طقم كاوتش
واصرف بقي علي العفشة وكسوة جلد وشوية دلع كدا
ايه رايكم ولا لو صرفت هتفضل معفنة

**hilal** · 28-08-2015 07:48 AM

أنا شايف ان العكس هو الصحيح
بدل ما تجيب عربية متبهدلة بـ 30 ألف
هات حاجة معقولة بـ 40 ألف ، لأنك غالبا هتصرف مبلغ أكبر لو فكرت تظبطها
بالإضافة للوقت الضائع عند الصنايعية

أما فكرتك فهي لا تصلح إلا مع تاجر السيارات لأنه بيقدر يتعامل مع الصنايعية والتجار بأسعار أفضل من الزبون العادي ، وكذلك هو لا يصرف إلا على الأشياء التي تجذب الزبون وتظهر العربية وكأنها جيدة جدا بالرغم من أنها تعبانة.

**ayaamna** · 28-08-2015 09:34 AM

الصنايعيه ها تقرفك جدا جدا دا غير الوقت ممكن تقعد شهر او اكتر الافضل دور على عربيه حالته ممتازه فى حدود 35 زى التيمبرا او الاكسيل واركن المبلغ الباقى لاى ظروف

**A7medelfe2y** · 28-08-2015 08:18 PM

هات عربيه تكون قطع غيارها رخيصه ومتوفره وسهل التعامل معها وتكون بيياعه في سوقنا
اما تاني حاجه بقي ودا مثال للتوضيح مع عدم الالتزام بالانواع طبعا
اخويا كان بيجيب عربيه من سنتين وكان بيجيب ب40
وكان قدامنا اكسنتات كتير قريبه من كدا
بس فضلنا نجيب بيهم اكسيل الي هي اقل منها واقدم كمان بس فعلا كانت حاله شاذه وكانت بال40 وفبريكه بالكامل وتكييف وباور وكل حاجه
اما لو كانت اكسنت كانت هتبقي 70%
دا مثال توضيحي مش اكتر وربنا يوفقك