ميجان 1 ولا سينيك 1

**RagehYS** · 28-08-2015 07:16 AM

صباح الخير ^_^

كنت بقكر اشترى رينو مستعملة قريب ان شاء الله ... و كنت شبه مستقر انى ادور على ميجان 1 حالتها كويسة .. لحد ما بالصدفة لفت نظرى اعلانات عن رينو سينيك 2000-2002 .... الحقيقة العربية شكلها مغرى جدا .. شيك و واسعة .. و لما قرأت عنها شوية لاقيت شكر كتير فى ثباتها و قلة اعطالها ... بس الحقيقة معظم الكلام اللى قرأته عن موديلات من اول 2005 .. و دى فئة سعرية اعلى كتير من امكانياتى حاليا .... لكن الموديلات الاقدم فى نفس الفئة السعرية للميجان 1 تقريبا !

يا ترى ايه اخبار العربية دى ؟ .. و ايه مشاكلها و لو سعرها قريب من الميجان 1 يبقى اختار مين فيهم ؟ ..

و يا ترى ايه اخبار قطع غيارها و صيانتها و اعادة البيع و كدة ؟ ... هل زى الميجان برضه ولا الدنيا اصعب قوى فيها ؟ .. خاصة انى قرأت انها مشتركة مع الميجان فى معظم قطع الغيار .. فهل دى معلومة حقيقية ؟ ....

و اخيرا .. ايه متوسط السعر المعقول لها ؟ و برضه ايه متوسط سعر الحالة المعقولة من الميجان 1 ؟

و شكرا مقدما للى حيهتم :)

**mm15102001** · 28-08-2015 06:42 PM

العربية سينك 1 صراحة تحفة وواسعة غير شكلها الخارجي غير اماكن التخزين الكتير فيها و هي صراحة مظلومة كتير زي الميجان و سعرها نازل في الاربعينيات و هي احسن من الميجان لانها ثابتة جدا في السرعات العالية و مش بتعوم و اخيرا حساساتها مش كتير زي الميجان اللي فيها 120 حساس انما السينيك كل اللي فيها ميتعداش 10 حساسات علي الاكثر زيها زي اي عربية عادية بالنسبة لقطع الغيار فهي موجودة في كل مكان التوفيقية - الحرفيين و بكثرة - صقر قريش و بكثرة - و اخيرا ابالوكالة و اسعارها رخيصة جدا مقارنة بفئتها في الياباني و الكوري و ممكن قطع ميجان وان تركب عليها و في تقارير كتيرة عن اماكن بيع قطع الغيار و اماكن الصيانات و اخيرا العربية بصفة عامة تحفة و اسعارها تحفة التحفة مقارنة بالكوري واليباني و فئتها عاليه .

**mm15102001** · 28-08-2015 07:11 PM

ميزة مهمة فيها انها عالية عن الارض و شنطتها واسعة و في فيديوهات كتير علي اليوتيوب تبين ميزات العربية

**RagehYS** · 28-08-2015 09:22 PM

يعنى رأى حضرتك ان لو هى و ميجان 1 فى نفس حدود السعر - او على الاقل متقاربين - تبقى هى افضل كـ ركوبة و فى نفس الوقت اقل فى مشاكلها بسبب موضوع الحساسات ؟