معى سيارة نيسان صنى ٢٠١٤ الشكل الجديد ومشاويرى الداخلية ممكن تعد ٢٠٠ كيلو فى اليوم جوة البلد
واللبنزين بيعملى مشكلة من ناحية السعر ومن ناحية الوقت ممكن فية وممكن مفيش وكدة
فكرت اركب غاز طبيعى سألت فى شركة الغاز قلى فية طقم متوسط وفية طقم ممتاز
وقلى الاداء زى البنزين ٩٢ بالظبط وممكن احسن لان دة نظيف مفيهوش اى شوائب
المشكلة دلوقتى عايز اركبو وخايف يعمل مشاكل فى السيارة
مع العلم ان اغلبية المشى بالتكييف اية رائيكو
اركب ولا لا
وشكرا
اسال التوكيل عشان الضمان الاول
من ركوبى للتكسيات كتير, بحب اسال السواقين عن عربياتهم
المهم: من خبره السواقين, اسطوانه الغاز بتمشيهم حوالى 170 كم
المعدل دا بالنسبه لحضرتك هيكون اسوء من البنزين
هتلاقى حضرتك محتاج تملا الاسطوانه كل يوم
الاسطوانه ب 40 جنيه , طبعا دا الميزه الاولى والميزه التانيه تلوث اقل
العيوب قله انتشار محطات الغاز والزحمه عليها وهادر حجم الاسطوانع فشنطه العربيه
انا لا انصح بالغاز للعربيات الملاكى بسعه لتريه قليله