بروتون بيرسونا ولا بيجو 301 ولا سياز

**ahmed** · 28-08-2015 05:22 PM

محتار بين التلاته ومش عارف استقر علي ايه يهمني عربيه قليله الاعطال قطع غيار منتشره تكييف كويس ثبات حلو وشنطه معقوله ولو حبيت اصينها بره التوكيل تبقي سهله مش معقده

**Omar Sarray** · 28-08-2015 08:37 PM

بيجو 301 وملكش دعوه فى الكلام والمشاكل الى بيروجوه عن 301 فيها اعطال كتير انا بقولك اشترى بيجو 301 وعن تجربه عند اختى

**scientist9508** · 28-08-2015 08:51 PM

بسم الله الرحمن الرحيم

الأخ الفاضل طالب النصح الرشيد

1 - لقد سهلت الأمر بأن حددت طلباتك من السياره المنتظره و هناك سياره واحده فقط من السيارات الثلاثه تنطبق عليها كل شروطك وهى البروتون بيرسونا.

2 - كلآ من البيجو 301 و السوزوكى سياز يعملون ببرنامج تشغيل (سوفت وير) مما يعنى إستحالة إجراء صيانات لهم خارج الوكيل.

3 - و أود أن ألفت النظر إلى أن السوزوكى سياز سياره ممتازه جدآ فقط لمن لا يمانع الإرتباط بالوكيل و لكن لمن لا يريد التقيد بوكيل فلا أظنها إختيار مناسب على الإطلاق.

4 - ولا أنصحك بشراء البيجو 301

هداك الله لأرشد أمرك و أقومه

السلام عليكم و رحمة الله و بركاته

**hesham fawzy h** · 28-08-2015 09:10 PM

بيرسونا

**ahmed** · 28-08-2015 11:15 PM

ناس بتقولي البرسونا عفشتها ناشفه وهاتتعبك اوي ..انا معايا افيو ممريحاني جدا وحغير عشان اوسع واجدد فهل هي ناشفه فعلا

**Dr_Smart** · 29-08-2015 01:49 AM

Suzuki ciaz is better than 301 and proton

**ahmedmohamed7** · 29-08-2015 02:02 PM

المشاركة الأصلية كتبت بواسطة ahmed

ناس بتقولي البرسونا عفشتها ناشفه وهاتتعبك اوي ..انا معايا افيو ممريحاني جدا وحغير عشان اوسع واجدد فهل هي ناشفه فعلا

زميلى فى الشغل معاه افيو لما بيركب عربيتى مسافات طويلة بيقولى بنزل منها تعبان !
بس !
1-هو وزنه تقيل شوية و عنده مشاكل فى الفقرات - العمود الفقرى-
2-وضعية كراسى البروتون الواطية هي الى بتسبب الوضوع ده
3-كمان اصلا عفشة البروتون ناشفة بطبيعة الحال
ادمج التلاته مع بعض هتلاقى نفسك طالع مش مستريح قوى !

انا مش شايف ان ده كونسيرن اصلا ! لو جربت تركب bmw هتكره العربيات كلها بقى على كده :)
بالنسبة لاختيارتك ...لو مكان هفكر كتير مابين البيرسونا و السياز بس انت طالب حاجات معينة مش هتلاقيها غير فى الاقدم والاكثر توافرا البروتون !
بالتوفيق !

**eng.m7md.ali** · 29-08-2015 07:27 PM

السياز حلوة جداً .. بص عالسيات توليدو سعرها قريب منهم

**hanyyacot** · 30-08-2015 11:20 AM

المشاركة الأصلية كتبت بواسطة ahmed

محتار بين التلاته ومش عارف استقر علي ايه يهمني عربيه قليله الاعطال قطع غيار منتشره تكييف كويس ثبات حلو وشنطه معقوله ولو حبيت اصينها بره التوكيل تبقي سهله مش معقده

كل متطلباتك دى معناها البيرسونا , نقطة العفشة , انا معايا جين 2 موديل 2015 , العفشة حلوة اوى واحسن بكتير من عفشة الافيو و اللانسر , ماتقلقش من الموضوع ده خالص