حل مشكلة التنتيش فى ابيزا 2003 1400 مانيوال
كان عندى مشكلة ان العربية و هيا دايرة و واقفة تعد تعمل نتشة كدا و الار بى ام يرعشة رعشة بس مش حاجة منتظمة ..لما بقرص عالعربية جامد و اجيب اخر الدواسة العربية تتخنق و تنتش مرتين كدا و بعدها تسحب عاادى نضفت بوابة الهوا و كشفت كومبيوتر مفيش اى اعطال غيرت موبينة و جربتها على كل البوجيهات مفيش حل جبت طرمبة بنزين سليمة جربت بيها مفيش فايدة لحد مقريت فى الكتالوج ان المفروض احط بنزين 95 ولو مش متوفر احط 91 بس مش هاخد اقصى قدرة من الماتور المهم جبت محسن اوكتان octane booster من liqui molly و حطيته على تانك 45 لتر العربية اتظبطت و معدتش بتنتش و هيا واقفة خاااااااااالص لكن لما بقرص عليها بتنتش بس اقل من الاول و طبعا السحب اتحسن تماااما...
الخلاصة من الموضوع انك لما تقابلك مشكلة مشابهة اول حاجة تجربها البنزين يأما تحط تانك 95 يأما تستخدم محسن اوكتان عشان فعلا انا دوخت ورا كلام الميكانيكية و الصنايعية
كان عندى استفسار قريته ان البولو العيون 1000 سى سى لازم يتحطلها 24% من التانك كحول عشان تاخد اقصى قدرة
هل نفس الكلام سارى على الابيزا 1400 بردو مع العلم انها نفس ماكينة العيون 1400
اعتذر عالاطلة بس حبيت افيد الناس..
Seat Ibiza 2003 MK4 1.4L
BBY 75 Hp
