الموضوع: مراية البونتو اليمين

المشاركة الأصلية كتبت بواسطة m.a

السلام عليكم ورحمة الله وبركاته
أنا معايا بونتو 2003 المراية اليمين اتقطمت من مكانها ومتعلقة بالأسلاك بس وعاوزة أعرف هل كده هاضطر أغيرها خالص ولا ينفع تتلزق..فيه سواق شافها قال لي إنها ممكن تتلزق بلزق قوي اسمه (أرانديد) أو (أرانديل) مش فاكرة..هو عبارة عن مادتين بيتخلطوا على بعض
يا ريت تفيدوني لأني عاوزة أنزل بها الصبح وشكلها مضايقني جدا غير إني باعتمد على المرايات جدا وأنا ماشية وهل اللاصق ده أو غيره بيضر الجسم بتاع العربية..وهل ينفع أشبطها بأمير ولا ميلزقهاش؟
يا ريت لو حد فاتح دلوقت يرد عليّ ضروري :(
شكرا مقدما

بلاش تشتري المرايا جديدة علشان غالية اوي ومش اصلية كمان طقم المريات الجديد ب 350 جنيه اندونسي تقريبا .... ممكن ببساطة حضرتك تروحي بكره علي الوكالة محل هناك اسمه البنهاوي واشتري منه مراية يمين خلع من عربية استيراد .. مرايا اصلية وتقيلة زي بتاعت العربية بتاعت ... انا لسا مشتري منه واحدة لعربيتي من شهرين تقريبا وركبت عندي وزي الفل الحمد لله

هيقولك ب 150 قولي 70 وخلصي معاه علي 100 وانتي الكسبانه لان المريا الاصلية مفيش زيها غير من بتوع الاستيراد ...

وسيبك من موضوع الزق ده علشان فاكس وملوش لزمه الافضل تعملي اللي قولت ليكي عليه علي طول

روحي الوكالة اللي بعد ماسبيرو علي طول بتاعت قطع الغيار وأسالي علي البنهاوي اللي هناك اسمه استاذ يحيي البنهاوي ... وزي ما قولت ليكي الفصال بالنص علي طول ...

يلا بالتوفيق ان شاء الله