-
قلم الدوكو تاني مرة
ليسامحني الاستاذ عمرو عبيد عن اعادة طرح لموضوع هو طرحه من قبل و لكن لم نصل لحل في النهاية لذلك آثرت ان اعيد طرحه في المنتدي العام ليطلع عليه اكبر عدد من الاخوة الاعضاء عل و عسي ان يكون من بينهم من يحل لنا هذا الموضوع بدلا من حصره في رووم اللانسر
الموضوع هو قلم الدوكو هل يوجد في مصر مكان يبيع جميع الوان اقلام الدوكو بما فيها الالوان الصعبة مثل الشامبين ( لون عربيتي اللانسر ) و الفضي بحيث انه يكون جاهز للاستخدام مباشرة و بدون اي تعديلات لان لدي شرطة ( تصغير شريط) صغير و رفيع اسفل الاكصدام الامامي لسيارتي و اريد ان امحوه و استخدام قلم الدوكو مناسب له جدا
هناك افكار قيلت في الموضوع انه من الممكن احضار قلم دوكو اسود او ابيض من اللي موجود في المكتبات الكبري و نفرغ اللون منه و ننظفه بالتنر ثم نذهب لاحدي محلات الدوكو بالكومبيوتر و نشتري تمن كيلو و نملء به القلم و نستخدمه فهل توجد طريقة جاهزة و سهلة و مضمونه
محمد فهمي
-
لا أعلم بالنسبة للتفريغ , ولكني شبه متأكد ان الألوان الموجودة , ألوان عمومية مثل الألوان العادية المعتادة .. علشان انا دورت كتير على اللون الخاص بيا و أخضر بترولي غامق ميتاليك . و ملقتش حاجة ..
-
انا كمان كان عندى خط فى الاكصدام ، و جبت قلم الدوكو من مكتبه سمير و على ب 5 جنيه و ربع :D و الحمد لله عالجت الخط
-
طيب يا بشمهندس احمد ممكن تقولنا لون عربيتك ايه يعني هل هو من الالوان الرئيسية الصريحة مثل الاسود او الابيض او الاحمر او الازرق و لا لون من الالوان الصعبة شويه زي الشامبين و الجنزاري و الفضي
و الف مبروك علي تمكنك من معالجة الخط
محمد فهمي
-
أنا عملت قلم دوكو زى ماقلتم لكن المشكلة انك لو دققت بتعرف الحتة اللى انت صلحتها برضه لأن مهما كان اللون متوافق مع لون العربية برضه بيبان فرق بسيط، لمن عموما أحسن من الخربوش لو واحد بس ، انما لو كتير هتلاقى شكلها وحش.
-
طيب يا دكتور لقيت الوان و لا تقريبا لون عربية حضرتك اسود فاماكنش فيه مشكله من الاساس
هو الحمد لله انا عندي خط رفيع اسفل الاكصدام الامامي و مش ظاهر قوي انما تعبني نفسيا و ممكن اكون انا اللي شايفه بس
محمد فهمي
-
اللون عندى كحلى والمشكلة مضايقانى طبعا لأن القلم مش بالجودة اللى احنا منتظرينها.
-
انا لون عربيتى فضى ، و زى ما قال د / احمد انك لو دققت بتعرف الحته الى انت صلحتها بس اهو احسن من الخربوش
-
فى البداية اشكر الأخ borgelharm على اعادة فتح هذا الموضوع الهام مرة اخرى و هى فعلا مشكلة ملهاش حل حتى الان فمثلا انا عندى تجريح بسيط فى الكبوت و كل ما اروح لواحد يقوللى انت ترش الكبوت بالكامل علشان يبقى مية واحدة و دة طبعا هيبقى مكلف جدا اضافة الى ذلك ممكن يتجرح تانى و فى ناس قالولى سيبة ذى ما هو انت فى مصر و مش هتعرف تحافظ على عربيتك علشان كدة اتمنى ان يوجد حل عملى و غير مكلف علشان نحل المشكلة دى
-
متهيألي يا استاذ عمرو ان الكبوت لو فيه اي خدوش ظاهرة غير مناسب له القلم الدكو لانه في مكان ظاهر جدا و ملحوظ و عمر القلم الدكو ما حيخفي العيب 100% لذلك المستحب في استخدام القلم الدوكو مكان يكون غير ظاهر قوي كأسفل الاكصدامات او اسفل الابواب و ربنا يحمينا احنا و عربياتنا من كل سوء
محمد فهمي
Content Relevant URLs by
vBSEO 3.6.0 PL2