الموضوع: تصدقوا شوفت لانسر بوما أمام بيتنا ؟؟؟؟؟؟

من كام يوم شوفت لانسر بوما معدية من أمام منزلنا وتخيلوا لونها كان أيه ؟؟؟
كان أبيض في أسود أأأأأأأأأه أبيض في أسود تاااااااااكسي يعني .
كانت البوما 2008 ومن يومين بقلب في المنتدى الرائع ده شوفت تاكسي لانسر بوما 2008 أجرة دقهلية .
وبدأت الاحظ تكسيات هيونداى فيرنا ودايو لانوس وسيارات كتير حديثة .
وعرفت من معرض سيارات ان فيه ناس بتشتري السيارات الحديثة الشكل الجديد زي لانسر وكرولا وبتشغلها بالنفرررررررررررررررررررر في حلوان والمعصرة .!!!!!!!!!!!!!
المشكلة مش في انهم جيبين سيارات حديثة ربنا يبارك لهم .
بس بصراحة اللي يعمل كدة بعتبره معندوش تفكير سليم .
أولاً : هو شاري السيارة دي علشان الحكومة أجبرته على تغييرها .
ثانياً : هو أكيد جايبها بالقسط يعني دخل نفسة في سكة 150000ج في المتوسط ( بكرة نلاقي هوندا سيفك وBMW ) .
ثالثاً : هو هيسدد القسط من إيراد السيارة إن شاء الله يعني الإيراد يدوب القسط ومصاريفة .
رابعاً : وده أهم حاجة هو مش حاسب ان السيارة الغالية دي عواقبها كمان غالية يعني هو لو جالة توصيلة مثلاً في منطقة شعبية وتوكتوك كسر له الفانوس أو طبق الرفرف وده طبعاً وارد يبقى خسر كام ألف جنيه ، أخويا قال لي يرفض يدخل المناطق دي قولت له يبقى مش هيشتغل ولو فرضنا ممكن الحوادث دي تحصل في أي مكان ولأي سبب ، رد أخويا وقالي ماهي ممكن تحصل للملاكي قولت له ممكن بس الملاكي صاحبها اللي بيصرف عليها وهو اللي بيسدد أقسطها لكن الأجرة هي اللي بتصرف على صاحبها وهي اللي بتسدد أقسطها .
خامساً : الصيانة الخاصة بهذه السيارات مكلفة جداً وقطع غيارها غالية جداً وبعض السيارات منها مش ممكن أي ميكانيكي أو كهربائي يستطيع التعامل معها ده غير إنها كبالن وهو هيمشي طول النهار في مناطق مش هو اللي هيختارها .
من الآخر أنا مشفق على هؤلاء الناس اللي بتشتري سيارات حديثة علشان تبهدلها وتبهدل نفسها بالشكل ده وبنصح أي حد يعرف أي شخص مقبل على تغيير سيارته (الأجرة ) ينصحة بالشاهين سيارة قوية دفع خلفي بتاعة شغل شكلها حلو ممكن تتروش قطع غيارها متوفرة وممكن صيانتها في أي مكان ، وعلى فكرة أنا ركبت شاهين ثلاث سنوات .
وبعدين شهادة للشاهين مش ضدها لأن أي سيارة تنتشر في تاكسي فده دليل على الكفاءة زي البيجو 504 كان ملك التاكسي هل ينقص ذلك من قيمة السيارة ولذلك أنا مشفق على الناس دي


من موضوع صورة من الفيس بوك
http://nilemotors.net/Nile/showthrea...=43568&page=13