السلام عليكم ورحمة الله وبركاته
اخواتي و اخواني المصريين ، انا سعودي من جدة - السعودية و بحكم ان السيارات رخيصة في السعودية مقارنة ب مصر الحبيبة تمكنت من شراء سيارات كثيرة في الفترة بين ٢٠٠٠-٢٠١٥ أمريكي ، ياباني ، ألماني ، كوري ، و فرنسي .
اكثر سيارة تعبتني من المشاكل كانت المرسيدس إي٣٠٠ موديل ٢٠١٤ و مش معناه ان السيارة سيئة ، أبداً . سيارة ممتازة و لكن كان نصيبي كده ، و بعتها بعد ما رحت التوكيل ٥ مرات ( مشاكل كهرباء و جيربوكس ) .
لكن خلونا نتكلم عن البيجو بصفة خاصة :
اشتريت ال ٢٠٦ موديل ٢٠١٢ و استخدمتها لمدة سنتين و بعتها بعد ما مشيت فيها تقريبا ٢٠ الف كيلو ، السيارة ممتازة جدا و مافيها اي مشاكل و عملية فوق ما تتصور ، بعتها لأنها كانت مانيوال و تعبت من سواقة المانيوال و عايز اجيب حاجة اتوماتيك ، و رحت التوكيل و استبدلت السيارة بوحدة جديدة وهي البيجو ٢٠٧ اتوماتيك و لازالت السيارة معايا و عاملة ٣٠ الف كيلو و ما اشكتيت منها في اي حاجة .
والأن عندي سائق خاص و بيسوق البيجو ٢٠٧ و عايز اجيب عربية استخدام شخصي و تكون صغيرة و لله الحمد اتوفقت و حجزت البيجو ٣٠١ موديل ٢٠١٦ اعلى فئة .
بحكم خبرتي في البيجو ( ٣ سنوات ) ممكن أساعدكم في اختيار السيارة المناسبة لكم .
أولاً :
اول حاجة تحكم الشخص في الشراء هي المادة ( الفلوس ) ، مستحيل يكون عندي ١٠ و أفكر اشتري حاجة ب ١٥ . بمعنى ممكن اجيب سيارة كوري ب ٥٠ فئة صغيرة و أجيب نفس حجم السيارة صناعة ألماني ب ١٥٠.
ثانياً :
تحدد فئة السيارة مثال ( - سيارة عائلية - سيارة اقتصادية -سيارة شبابية )
ثالثاً :
المقارنة بين الشركات في نفس فئة السيارة ، مثال تقارن ( الاكسنت و اليارس و البيجو ٣٠١ ) تقارن ( بي ام الفئة الخامسة مع المرسيدس الفئة إي كلاس ) تقارن ( الكرولا مع النترا ) و هكذا .
رابعاً :
الشركة الشركة الشركة ( كيف الوكيل ؟ ) توفر القطع ، عدد مراكز الصيانة ، و الأهم خدمات الصيانة .
خامساً :
و دي نقطة مهمة جداً جداً جداً ، لا تشتري اي سيارة تكون موديل جديد في السوق حتى لو كانت من أفخم الشركات و سعرها في المليون و انت طالع ، اول ما نزلت البيجو ٣٠١ في عام ٢٠١٢ انا ما اشتريتها لانه أكيد فيها مشاكل و تبدأ الشركة المصنعة في تفادي المشاكل .
سادساً :
لا تتعب و تقارن أسعار قطع الغيار ، الشركات المصنعة دائما تستهدف الطبقات الاجتماعية المتوسطة و الأقل منها ، بمعنى آخر عدد السيارات المصنعة من البيجو ٥٠٨ اقل من عدد السيارات من فئة ال ٣٠١ ، عدد السيارات المصنعة من الهيونداي الاكسنت اكثر من السوناتا ... نجي في قطع الغيار ( كمثال فقط ) الفانوس في تويوتا أرخص من البيجو ، و لكن الاصطدام في البيجو أرخص من التويوتا ... كده انت ح تدخل في متاهه مالهاش اي لازمة .
لأن اللي ح يشتري المرسيدس ب ٢ مليون جنيه مش ح تفرق معاه قيمة الصيانة و قطع الغيار ، بينما اللي ح يشتري البيجو ٣٠١ ب ١٣٠ الف جنيه تفرق معاه قطع الغيار و الصيانة ، و المصنع ح يهتم للشخص اللي اشترى البيجو لان اعدادها في الشارع اكثر بكثير من السيارات الغالية و من هنا الشركة تكسب فلوس و يهمها جدا الطبقة المتوسطة .
كده انت/ إنتي حددتوا نوع العربية ، نتكلم عن البيجو .
بحكم خبرتي و استخدامي الطويل مع البيجو ٢٠٦ و ٢٠٧ و اليارس و الاكسنت .
البيجو ٣٠١ مريحة جدا للجسم للاستخدام الطويل ( سفر ، زحمة ).
البيجو ثابتة جدا في الطرق السريعة بعكس اليارس و الاكسنت خفيفة جدا .
المساحة الداخلية و خاصة المقعد الخلفي ، البيجو أوسع بكثير جدا ، أربعة أشخاص ب طول ١٨٠ سم يجلسوا مرتاحين .
عرض المقعدة الخلفية في البيجو اكبر من اليارس و الاكسنت .
الشنطة في البيجو أوسع بكثير من اليارس و الاكسنت .
العزل الداخلي ( الأصوات ) البيجو عزلها أفضل من اليارس و الاكسنت .
استهلاك البنزين البيجو ٣٠١ ( ١٢ كيلو في اللتر ) اليارس ١٣٠٠ سي سي و الاكسنت ١٣-١٤ كيلومتر في اللتر ... الأرقام دي للقيادة الهادئة و ليست للتسارع !!!
الشكل الخارجي يعتمد على ذوق المشتري .
الصيانة البيجو كل ١٠ آلاف كيلو ، اليارس و الاكسنت كل ٥ آلاف كيلو .
الألوان الخارجية ، للأسف البيجو محصورة في ٧ ألوان فقط ، اليارس و الاكسنت خياراتها اكثر .
هبوط عملة اليورو خفض في سعر البيجو ٣٠١ ( بيجو اعلى فئة ب ٤٧ الف ريال ، جنوط ، بلوتوث ، تكييف لمس ، شمعات ضباب ، أبواب ريموت ، انوار داخليه امامي خلفي ، مرايات كهرباء ، شاشة كمبيوتر للرحلات مع التاريخ و اليوم و الساعة ، محرك ١١٥ حصان ، اتوماتيك ) اليارس اقل فئة ٤٧ الف ريال و الاكسنت اقل فئة ٤٦ الف ريال .
التكييف في البيجو ممتاز جدا عمري ما استخدمت التكييف اعلى من النص ، و اليارس و الاكسنت تكييفهم ممتازين .
البيجو و اليارس و الاكسنت ما واجهت مشكلة في حرارة المحرك ، كلهم ممتازين .
بأشوف ناس كثيرة بتشتكي من الفرامل ، البيجو ٢٠٧ ماشية ٣٠ الف كيلو و لِسَّه ما غيرت الفرامل ، و البيجو ٢٠٦ اللي كانت عندي مشيت ٢٠ الف و بعتها من غير تغيير الفرامل .
انا عندي الان البيجو ٢٠٧ اتوماتيك ٢٠١٢ ، مستحيل أفرط فيها ، و ان شاء الله ح استلم البيجو ٣٠١ اعلى فئة اتوماتيك بعد شهر ...
اي استفسار انا خادمكم و تحت امركم .