السلام عليـكم
انا هقدم في الجيش قريبا وانا عندي صرع او كهربا زايدة في المخ وعاوز اعرف انا كده هخرج طبـي ولا لا ؟
و هو المفروض وانا رايح الكشف الطبي اخد معايا الاوراق اللي تثبت اصابتي أو اجيب تقرير طبي من مستشفي حكومة ؟؟
شكرا مقدما
عرض للطباعة
السلام عليـكم
انا هقدم في الجيش قريبا وانا عندي صرع او كهربا زايدة في المخ وعاوز اعرف انا كده هخرج طبـي ولا لا ؟
و هو المفروض وانا رايح الكشف الطبي اخد معايا الاوراق اللي تثبت اصابتي أو اجيب تقرير طبي من مستشفي حكومة ؟؟
شكرا مقدما
ربنا يرزقك بالاعفاء
- لو أنا مريض ولا عمرى أتقدم للجيش أو الشرطة.
- الشغل فيهم بهدله.
- أعداء بره البلد والأصعب أعداء داخلها؛ شوية إرهابيين لا ليهم وطن ولا دين.
الراجل رايح تجنيد اجباري
متاخدش معاك حاجة و انت رايح تكشف
مجرد ما تقول عندي مشكلة نفسية او عصبية هيحولوك اوتوماتيك لجنة عليا في الحلمية و هناك خد معاك كل اللي انت عايزه
مشاكل زي النفسية و الضغط و السكر و انيميا الفول و الحساسية المزمنة على الصدر مفيش منطقة تجنيد تقدر تدي غير لايق... كله بيرمي على الحلمية
خد معاك كل الاوراق و التقارير و الادوية
لازم تعرف ان فيه نسبة معينة بتخرج ميقدرش الدكتور يتخطاها
و بعدين فيه ناس بتستهبل و تقول عندى مشكلة نفسية او عصبية
لكن انت رايحله بالشيلة تحاليل و تقارير و ادوية
اعمل له فيلم
انا صاحبي راح للكشف الطبي برنين مغناطيسي يثبت قطع فى الرباط الصليبى و خرج
مش عايز اقولك انى كان معايا ناس هبل و مرضى نفسيين فى الجيش و مخرجوش
يعنى اعمل فيلم و ابذل كل ما تستطيع عشان ممكن تدخل حتى لو تستحق الخروج
لا اعمل فيلم عشان تاخد حقك
و خد الادوية معاك---انا فى الاول اخدت الدوا ده حبة كل يوم و منفعش الدكتور غيرهولى للدوا ده نص حبة كل يوم
الدكتور هيشوفك معاك تحاليل و اشعات و عارف الادوية و جرعتها هيعرف انك مش بتستهبل
حاول قدر الامكان تدخل فى الاول
لان الدكتور عنده عدد ميقدرش يعديه فلو اتزنق و انت دخلت فى الاخر ممكن يقولك ابقى اخرج من وحدتك
تمام بس انا قريت ان انا هتحول لجنة طبية عليا في حلمية الزيتون وان مش هاخد (غير لائق) من اول كشف لان مفيش دكاترة تخصص عصبية في الكشف الطبي الاول والدكتور ميقدرش يديني (غير لائق) هل الكلام ده صحيح ؟
ولا لو انا رايح الكشف الطبي الاول ومعايا الاوراق والعلاج ممكن اخد (غير لائق) من اول مرة ؟؟؟
شكرا ومعلش تعبتك معايا
معنديش فكرة بس كل شيء جائز فى الجيش
روح كل مكان معاك ورقك
يوم الكشف يفخر صاحب المرض بمرضه
كل ما تقابل دكتور قل له عندى كذا
حد عنده حاجه--انا عندى كذا
زمايلك الى حواليك--انا عندى كذا
اشتهر
كل شيء جايز فى الجيش
كان معانا واحد فى مركز التدريب بيشل حديد-و سراير الجيش دورين
كان بيحط رجليه فوق سرير فى الدور التانى و يمسك باديه سرير تانى و يلعب ضغط فى الهوا
طلعوه عظام--قال ايه عنده خلع فى الكتف
و كان معايا واحد اهبل--بالظبط اسماعيل يس فى الجيش لليمين در يروح لافف شمال--و مطلعش
على حسب
لو مترشح ظابط ملكش لجنة عليا لانك كده كده هتروح الحلمية في كشف الهيئة
لو مترشح عسكري بتعرف معاد اللجنة بعد ما تستلم ال 110 بتاعتك و معرفش بصراحة بتبقى قبل ولا بعد الارجا (اللي ملهاش لازمة)
ااكشف في الحلمية كويس و بيهتموا اكتر لما يكون معاك اشاعات و تحاليل و اي حاجة تثبت موقفك
العفو يا باشا
كليات زي طب و هندسة كلهم بلا استثناء بيترشحوا ظباط
تجارة تربية حقوق علوم الباقي كله فيه ظباط و فيه جنود و معرفش على اي اساس الصراحة.... اللي اعرفه بس ان اللي في الكشف بتاعه واخد لائق ب بيبقى اكيد ترشيحه عسكري مينفعش يترشح ظابط
الارجاء يوم كان زمان يقولك فيه مواليد ايام كذا و كذا دول اعفاء نهائي لم يصبهم الدور حظوظ كده
دلوقتي الكل بيصيبه الدور و بيلبس :d محدش بيطلع حتى المؤهلات المتوسطة ما بالك بالعليا