تعيش حياه العزوبيه ازاي

**blazer** · 30-08-2015 02:42 AM

تقرب الى الله اكتر
حاول تدرس حاجه تزود بيها مهاراتك او تتعلم لغه جديده هتفيدك او كورس
مارس رياضه و جيم
اقرى كتب مفيده
سافر الى مكان جديد حتى لو جوه مصر متكنش رحته زى دهب / نويبع
اعمل حاجه جديده مفكرتش انك تعملها ,, اطلع جبل سانت كاترين ,, اعمل دايفينج, اركب خيل
كلنا عندنا بلاوى منغصه علينا عيشتنا وبنساعد بعض :)

**volociximab** · 30-08-2015 09:32 AM

قلتلك و انا فى موضوع الاكتئاب ده من سنين
روح لدكتور
اى حاجة تانية او تغيير يبقي مع الدوا
الدوا هيعطيك دفعة باذن الله انك تقدر تهزم الاكتئاب
انا دلوقت عديت شهر مع الدوا و حاسس براحة كبيرة الحمد لله

**Ah.Farid** · 30-08-2015 03:33 PM

مفيش وصفة جاهزة للى انت فية يعنى المفروض الاول تقولنا انت بتحب تعمل اية واية هواياتك وايه اللى مش بتحبة ويبقى عندك اختيارات

اولا زى ما اجمع الاخوة التقرب اللى الله هو الاساس الومفتاح اللى ممكن يساعدك انك تكتشف انت عاوز ايه
ثانيا الرضا والقناعة بالحال اللى انت فية لان للاسف مفيش حد راضى بحالة مع ان نعم ربنا كتيرة على كل انسان بس الانسان مش بيشوف الا الحاجة للى نقصاة ويمسك فيها

التقرب من الله والتمسك بفرائضة دة المدخل وبعد كدة ربنا هيكرمك وتحس بالنعم اللى انت فيها وساعتها هتعرف ان حالك احسن من ناس كتيرررر بس انت مكنتش شايفهم

**omarhelalyehia** · 30-08-2015 03:38 PM

استمتع بخدمة ابوك و امك و اتهيألى كلام nilmaster مقنع جدا

**rotanamasoud** · 30-08-2015 04:31 PM

المشاركة الأصلية كتبت بواسطة mody1982

ازاي يبقي متجوز و عازب دي مش فاهمها الصراحه يا ريت حضرتك توضح علشان الجمله غامضه جدا

راجع الخاص

**Let iT Go** · 30-08-2015 05:44 PM

أسمـع مزيـكا اه والله بتكـلم بجد هتريـح نفسيتك وهتخفف عنك حالة الاكتئاب دي عن تجربة

جرب تسمع دووول ( لو نوع الموسيقا دي معجبكش جرب تسمع اي نوع تاني انا بتكلم علي الموسيقي بوجه عام بعيد عن الهبل المصري او العربي :

https://www.youtube.com/watch?v=dne11-PA3JQ

https://www.youtube.com/watch?v=QOd2x1xxwRE

https://www.youtube.com/watch?v=4OmL8fl_nOo

دي موسيقا بس (اللغة اللي بيفهمها كل العقول) يعني مفهاش غنا يعني مش محتاج لغة عشان تفهم اطفي بس النور وغمض عنيـك وعيــــش :D

وبرضـو جرب تتفرج علي افلام وثائقيـة شوف مثلا planet earth 2006 اتفرج علي افلام ومسلسلات امريكية ..

لو ليـك في القراية او ملكش جرب تقرا الكتاب ده " وداعا ايتها السماء " هو كله 60 صفحة بس ومكتوب بلغة عامية سلسة وهتلاقيه PDF علي الانترنت صدقني كتاب رائع وهيغير فكرتك عن حاجات كتير ..

بالتوفيـق

**mody1982** · 30-08-2015 07:14 PM

المشاركة الأصلية كتبت بواسطة omarhelalyehia

استمتع بخدمة ابوك و امك و اتهيألى كلام nilmaster مقنع جدا

المشكله انهم مش هيفضلوا ليا طول العمر و كل يوم بيعدي بيقرب من اللي اللحظه اللي هيفارقوني فيها
زائد ان نفسيتي تعبانه من حالهم و ضعفهم و صعبانين عليا جدا بعد ما كانوا بيروحوا و يجوا و بصحتهم صعبانين عليا انهم تعبوا كده