الموضوع: اعضاء نادي الثلاثينات ... محتاج نصائحكم

انا عمري 25 سنة
وحاسس اني كبرت
لو كان ربنا رزقني بواحدة زي ما انا عايز كان زماني وصلت لحاجة كبيرة قبل الدخول في الثلاثينيات لاني كنت هحس بالاستقرار
ولكن الاستعجال والتهور والرغبة في الهجرة ضيعني
لاني مش عايز اغسل اصحان عايز ابقى مستثمر وابقى رجل اعمال صغير وبعدين اكبر واحدة واحدة
ولكنه النصيب ........

المشاركة الأصلية كتبت بواسطة medosalah

[color="black"]البنات كمان لو دورت في سن ال 25 26 27 هتلاقي كتيييييييييييييير ومستوي جمال ونضج فكري كويس جدا
بس المشكله انكم دايما تبصوا للبنات 20 او 22 .. ماشي .. مافيش اي مانع بس دول الجميل فيهم واللي عيلته معقوله سعات بيتنك شويه ويطلب طلبات اعلي

انتم فاهمين ان البنت في سن 25 26 27 وكمان 28 تبقي خلاص انتهت. [/color]

كنت بقول زيك كده حضرتك
ولكن المرأة هي المرأة
انسى ........

المشاركة الأصلية كتبت بواسطة mody1982

اهلا بيك يا باسم اخيرا حسيت بيها
انا 34 و ابشرك انك داخل علي مرحله اكئتاب عظيمه
لأنك محققتش اي خاجه ليها معني في حياتك يعني لا عندك اسره و لا عندك وظيفه كبيره تتباهي بيها و لا عملت فلوس كتير مثلا
في الواقع انت ختحس بالاحساس ده و هيزيد كل يوم لما تلاقي حد في سنك و عنده اللي مش عندك
تقريبا انت بدأت و لاول مره تحس بيا و اللي انا عايش فيه
استمتع

هو انت عشان مكتئب عايز الكل يكتئب زيك ؟؟؟

اللي اعرفه ان اللي مش قادر يحقق طموحه في مكان

بيسيبه و يروح مكان تاني

بدل ما يعد يكتئب بدون ما يغامر

ايه يا جماعة ....صلوا على رسول الله...ايه كمية الاحباط المهولة دى ....انتوا فى احلى سنين عمركم ...على كده اللى فى سنى يروح يموت احسن ....انا عارف ان ده كله انعكاس للظروف المجتمعية اللى عايشنها كلنا ....لكن الشباب لازم تكون عزيمته قوية و شديدة و احسن من كده .....و فرج ربنا قريب جدا بس مطلوب الاجتهاد و السعى ....يعنى ايه الاجتهاد و السعى يعتى تبذل اقصى جهدك لتحقيق امالك عشان ماتندمش بعد كده ...تبذل اقصى جهدك و التوفيق ده بتاع ربنا ...و لازم تكون متصالح مع نفسك و حاسس بقيمتك و اهميتك للناس اللى حواليك و اهميتهم بالنسبة ليك .....و الاهداف فى الحياة مش مادية بس ...رغم اهمية المال طبعا الضخمة و خاصة الايام دى ...و صدقنى فيه ناس كتير مستواها المادى ضعيف بس سعدا جدا و محققين من وجهة نظرهم اهدافهم فى الحياة...و فيه ناس ابتدت تنجح و تشتهر بعد سن الاربعين و الخمسين ( عندك من الممثلين حسن عابدين و لطفى لبيب و حاليا سيد رجب و انا واخد دول امثلة لان الناس بتشوفهم فى التليفزيون ) لكن فى غيرهم كتير فى مجالات مختلفة ...النجاح بيتأخر لكن بييجى فى ميعاده اللى ربنا كاتبه...حرام عليكم و الله نبرة اليأس و الاحباط دى فى حديثكم....و على فكرة انا زيكم و بعانى من الظروف اللى احنا كلنا بنمر بيها ( انا بشتغل فى مجال السياحة و الدنيا واقعة خالص من 3 سنين ) ربنا موجود ....تفاءلوا يا شباب....30 سنة و زعلان ومحبط ...يا حلاوة....ارجوا ان كلامى ما يزعلش حد....لان انتوا ناس كويسين و تستاهلوا كل خير ....و السلام

معلش نسيت اقول حاجة مهمة جدا....علاقتك بربنا عاملة ايه ....الصلاة و القران و عمل الخير ....عامل الناس كما تحب ان يعاملوك ....و الرسول الكريم( صلى الله عليه و سلم ) قالنا الموضوع بسيط جدا ....قل أمنت بالله ثم استقم....بما تحويه كلمة الاستقامة من كل معانى الخير

المشاركة الأصلية كتبت بواسطة باسم يوسف

هو انت عشان مكتئب عايز الكل يكتئب زيك ؟؟؟

اللي اعرفه ان اللي مش قادر يحقق طموحه في مكان

بيسيبه و يروح مكان تاني

بدل ما يعد يكتئب بدون ما يغامر

لا طبعا مش عايز الناس كلها تكتئب زيي
بس انت لو تلاحظ رودوك في معظم المواضيع كانت من نوعيه و ايه يعني
و ايه المشكله اللي عندكم و كده لما كان حد بيشتكي من اللي انت بتشتكي منه
اعتقد دلوقت انت قدرت تعرف الناس بتشتكي من ايه
و قدرت تعرف ان الموضوع بتاع السفر و الجواز من اجنبيه و الجنسيه و الكلام ده
مش هيخليك تخرج من احباط انك وصلت الثلاثين و معملتش اي حاجه في حياتك

ايه الاكتئاب ده والفشل دة
ممكن الواحد بيحس بكده انو بعد سن التلاتين كبر عشان ممكن يكون فعلا معملش حاجه او ما انجزش حاجه اوبمعنى اصح الوقت الى عدى دة كلو راح على الارض وده نتيجه الفشل ومش قصدى على صاحب الموضوع
الحمد لله بفضل ربنا وبفضل اجتهادى انا بعد سن التلاتين
وبحمد ربنا وبقول انى قدرت انجز حاجه فى اول نص من حياتى
الحمد لله شغل مستقر
زوجه وطفلين
والحمد لله سياره محترمه
اهو بحاول استريح بسبب انى تعبت جدا جدا فى اخر 8 سنين
عشان محدش يفتكر انى بابى سبلى فلوس وورثت من بابى
الحمد لله انا كنت بمشى لخايه المترو عشان اوفر تمن اجر الميكروباص
وكنت بشتغل باكتر من 20 ساعه فى اليوم
اقسم بالله انا كنت بنتحر
الحمد لله ربنا كرمنى اخر كرم ونعمه ما بعدها نعمه
انا كل الى بقولو دة مينفعش عشان انتا عندك 30 سنه تسلم وتقول خلاص انا كبرت
حاجه تانيه من ناحيه الرياضه انا كنت نتيجه شغلى المستمر كنت مهمل جسمى لدرجه ان وزنى وصل لاكتر 160 كيلو
الحمد لله بعد سن التلاتين الى بتقولو الواحد عجز ههههههههه
بجرى كل يوم وبلعب حديد ولاة اكن عندى 15 سنه
ودلوقتى انا وزنى 100 كيلو ونزلت 60 كيلو ولسه مكمل
انا بشوف وزنها كبير وبتكون جوها الروح الانهزميه الى بتتكلمو بيها دى وبتوصل انو بيموت بالسمنه
ياشباب عيشو حياتكو