عرض للطباعة
في ظاهرة غريبة ..مش عارف أنا بس اللي ملاحظها ولا في حد تاني يوافقني
انتشرت عربيات النص نقل اتنين كابينة متروشة وأصحابها بيستخدموها بديل للعربية الملاكي المُتعارف عليها وخصوصاً من ماركات تويوتا وديماكس اللي بتتميز بنوع من الفخامة !!
هل حد شايف معايا الظاهرة دي ؟ وهل ممكن التحول في التفكير لتطبيقها؟
كنت على وشك شراء ديماكس العام الماضى ولكنى آجلت القرار علشان وجدت لعبكه فى ورقها وبطاقه ضريبيه
أنا جربت الديماكس عربيه تحفه
عربيات حلوه جدا وبتشد جامد ومفيده جدا ف السفر
انا فى عام 1995 استلمت فى الدمام تبع الشغل عربية تويوتا هايلوكس 2400 سى سى بنزين كابينة واحدة زيرو يامعلم ، كانت وحش على الطريق ، قلت انا اللى مفترى ولما اطلع على الطريق السريع علطول 140 160 180 ، وانا على 140 الاقى كل اللى زيها بتفوتنى ، لا انا موش مفترى العربية اللى خرافة ، موتورها كريسيدا ملاكى ولكن على نص نقل ونفس التجهيزات من جوة
وعرفت ان فى مصر بيمنعوا ترخيصها ملاكى (دعما لسوق السيدان والهاتشباك والاسبور والكوبيه ) دى لو اتفتح ترخيصها ملاكى لن تباع عربية ملاكى واحدة
عربية شاسيه ، عالية موتور خرافى ، عجل عريض ، حمالة شغل ، قوية ، مأمونة عن الملاكى ، انا لو اتفتح ترخيصها موش هافوتها ، كفاية انك بتكون شارى دماغك من المطبات والتصادمات الخفيفة اللى بتعجن العربيات الملاكى الحالية بس على فكرة التويوتا نص نقل العادية 2 كابينة دلوقت اكثر من 160 الف جنيه ثمنها وعيش يامعلم مين يشتريها