السلام عليكم
يا خبراء اللانوس هو دلوقتى مفيش اى حل لموضوع الارتفاع الشديد فى درجة حرارة موتور اللات=نوس و اللى بتادى بعد كده لتلف البطاريات الخافه لانها مابتستحملش حرارة الموتور و لسوء التهوية و كمان سوء اختيار مكان البطاريه لقربها الشديد من الموتور و انها غير عربيات تانيه ذى اللوجان اللى البطاريه بتاعتها محطوطه فى علبه بلاستيك فى صدر العربيه بعيد عن الموتور و حرارته
فهل فى حل تانى غير موضوع نقل البطاريه فى الشنطه ؟
وشكرا
فى انتظار ردود خبراء اللانوس
لا أعتقد أن هذه مشكله فى اللانوس البطاريه بتعيش عمرها الافتراضى.......ولا ايه؟؟؟؟
تجيب كوفر استيراد
هتدوخ عليه شوية بس هتلاقيه وتركبه
مش لازم نفس المقاس ممكن تربطه وتعدل ابعاده
السلام عليكم
اولا احب اشكر كل من قام بالرد فى الموضوع
و هناك استفسار من الاستاذ A.Saad هل يوجد لدى حضرتك صوره للكفر الاستيراد و اذا وجد برجاء رفعها لتسهيل عملية البحث على هذا الكفر
و شكرا
احاول اجيبها ان شاء الله
انت لو سالت بتوع الاستيراد هيعرفوه بس هتدوخ عليه علشان البطارية بيبيعوها بيه لبتوع البطاريات
شوف بتاع يطاريات برده ممكن يكون عنده بس ده احتمال قليل
فكرة جميلة قوي بتاع القميص حرارى
انا روحت جيبت الورق العازل الحرارى وهوا عبارة عن ورق فضي وعليه طبقة كتان حراري وان شاء الله هنفذ الفكرة دي لانها بصراحة فكرة رائعة وشكرا جزيلا
السلام عليكم ورحمة الله وبركاته جميعا
يا جماعة انا صاحب موضوع القميص الحرارى من فترة
http://www.nilemotors.net/Nile/296660-a.html
أخوكم مودى/محمد الجعبيرى
بنبة الجميع
لازم تسيب مكان لتهويه البطارية من قدام ومن الجمب اللى ناحية الفيوز
ضرورى لان البطارية عندى مسكت نار وانا ماشى والله اعلم دة من اية
فرقعت ولا فيران كلت السلوك اللى حوليها
لكن للامان متقفلش داير ميدور لان البطارية بتسخن ومحتاجة تبرد
يعنى تحط العازل من جهه الماتور بس ومن قدام لاء لالالالالالا
علشان الهوى اللى بيقابل العربية يبردها
اللهم بلغت اللهم فشهد
وربنا يحفظنا جميعا ويحفظلينا عربيتنا من كل سوء
المشكله في موضوع القميص الحراري ان العازل الحراري الخارجي المفضض موصل للكهرباء و بالتالي اذا حصل قصر باي صوره بين قطبي البطاريه العازل هيولع بسبب الفيض العالي للكهربا بين القطبين، ولذلك قمت بوضع كوتش داخلي علي وش البطاريه لتعمل كعازل من تحت القميص، بالنسبه لاحتباس الحراره بداخل البطاريه بسبب الشحن عادة لا ترتفع الحراره بدرجه كبيره بسبب الشحن، وعن تجربه لمدة ثلاث سنوات لم تكن البطاريه ساخنه باي حال بعد المشاوير الطويله بل تكون الحراره كان العربيه مش شغاله، واعتقد ان حماية البطاريه من الحراره العاليه يقلل من تبخر السوائل و اثر الاجهاد الحراري علي الرصاص مما يطيل عمر البطاريه والله واعلم.