عندي سؤال بخصوص الاسنان هل من طبيب

السلام عليكم....باختصار انا عندي مشكلة في ضرسي محتار فيها

انا خلعت ضرس فوق شمال وهو الضرس اللي باكل عليه لوجود مشكله...وبعد ما خلعته من شهر عندي وجع في الضرس اللي قبلة اعتقد نتيجة التحميل عليه في خلع الاول...الوجع في اللي قبل ضرس العقل علي طول...رحت للدكتور ولقي فيه تسويس خفيف جدا علي كلامة ونضفه وحشاه يعني الضرس مفهوش اي تسويس المهم..ومفيش اي انتفاخ او خلافة
بعد اسبوعين عندي برضه نفس الالم عند الساقع والسخن وحاسس بعدم ارتياح في العصب والضغط عليه مؤلم ومش عارف اكل عليه
خت فلاجيل لمدة 4 ايام كل 12 ساعه والموضوع اتحسن بس بنسبة قليلة جدا

مش عارف اعمل ايه دلوقتي حد عندة تفسير

ممكن يكون في جزء من الحشو وقع او التسوس وصل للعصب

الالم من قبل الحشو ولا يوجد تسوس..فانا مستغرب

الحمد لله والصلاة والسلام على رسول الله نبينا محمد خير خلق الله

اخونا الغالى طب الاسنان تخصص صعب وخبرة الدكتور وضميره الكويس وكونه يراعي الله فى عمله أهم ما فى الامر ومهم جدا للمريض ان شاء الله فى دكتور انصحك تروح عنده وأنت مطمئن ان شاء الله بس اسعارة غاليه .... الدكتور وجيه عبد القادر العيادة بجوار مكتبة الجامعة الامريكية باب اللوق
ان شاء الله تكون بخير دائما وأحسن حال

سبحان الله العظيم وبحمده

غالبا طبقة مينا الاسنان عندك حصل فيها تاكل ودى حلها تعمل كراون او طربوش للضرس المصاب وممكن تجرب تمشى على معجون دى جى لونج ومضمضة ايزافلور لمدة عشرة ايام

طالما الوجع مع السخن والساقع يبقى في مشكلة

ياريت تعمل اشعة بانوراما على اسنانك وتعرضها هنا وهقول لك التشخيص على أد ما أقدر

لأنه طبعا المفروض في الاسنان بالذات تشوف الحالة قدامك علشان تشخص صح

والف سلامة عليك

أخي الكريم، بإمكانك إستعمال مضاد حيوي واسع المدى يسمى ( فلوكاموكس 500 مجم )
سريع المفعول وياخذ 3 مرات يوميا كل 8 ساعات وإن أستمر الألم برجاء قم بالذهاب للطبيب
نسأل الله لك الشفاء العاجل