الموضوع: سؤال عن السفر من المعادي إلى مرسي مطروح

- الطريق الدائري
-وصلة المريوطية اخرها شمال الي الدائري الناحية الاخرى
-اول مخرج يمين (بداية طريق الاسكندرية)
-طريق الاسكندرية لغاية كوبري العامرية
-اول ملف بعد الكوبري و تدخل يمين (طريق برج العرب)
-لغاية الصينية يمين الي طريق الساحل الشمالي
-طريق الساحل الشمالي اتجاه مطروح لغاية ما توصل بالسلامة

اجازة سعيدة

نسيت لو طريق وادي النطرون افتتح يبقى بعد الرست بحوالي عشرين كم تدخل الطريق ده لغاية طريق الساحل اشمالي يوفر حوالي 60-70كم

شكراً يا باشا لذوقك وردودك
طيب امتى طريق وادي النطرون او العلمين ده هيفتتح؟؟

هو اتقفل فجأه وفى عز الموسم ...يبقى هتعرف هيتفتح امتى

هما قالوا اول شهر 9 والله اعلم

شكراً يا رجالة على الردود
بعد بحث على النت وجدت الطريق ما زال مقفول فعلاً ولحد نهاية اكتوبر للاسف
https://www.youm7.com/story/2015/8/2...3#.VeVqg5f5Dct

يا ترا ايه الاخبار يا استاذ مكرم رجعت بالسلامة ولا لسه عشان انا مسافر زيك ان شاء الله والقصر بردة يوم السبت يا ريت تقولى اخبار الطريق ايه ؟

المشاركة الأصلية كتبت بواسطة emam

يا ترا ايه الاخبار يا استاذ مكرم رجعت بالسلامة ولا لسه عشان انا مسافر زيك ان شاء الله والقصر بردة يوم السبت يا ريت تقولى اخبار الطريق ايه ؟

الله يسلمك يا باشا
الطريق تمام الحمد لله واخدت 6 ساعات من الرماية لحد قرية القصر السياحية وبرضه 6 ساعات وانا راجع الحمد لله - انا بفضل الله مش باجري اوى - يعنى اخري 130 مش بازيد عن كده
الطريق من الرماية لحد اول شارع اسكندرية في مطروح 460 كيلو تقريباً
اسوأ منطقتين في الطريق من عند برج العرب لحد مشويات خطاب عند بداية طريق الساحل - حوالي 10 او 20 كيلو تقريباً - فيها تكسير وزحمة شوية
والمنطقة التانية اخر طريق مطروح من مدينة الضبعة ولمسافة 20 او 30 كيلو فيها حفر ونقر فخد بالك كويس
خد بالك كمان ان فيه كمين سرعة ورادار قبل الكمين الامني بتاع مدخل مطروح بحوالي 10 كيلو ودفعت 150 جنيه لاني كنت ماشي 130 والسرعة المسموحة كانت 100 - اول ما تلاقي العربيات حواليك في نفس طريقك مهدية اعرف ان في رادار على الطريق

خد بالك كان في هبوط ارضي في الطريق الساحلي بالاسكندرية - مش عارف هيأثر عليك ولا لأ
بالصور.. هبوط أرضى على الطريق الساحلى بالإسكندرية |اليوم السابع

وأجازة سعيدة وتروح وتيجي بالسلامة ان شاء الله