مشكلة كبيرة مع توكيل غبور " ارجو النصيحة "

**Tarek Fadl** · 30-07-2007 08:45 AM

السلام عليكم ورحمة الله وبركاته
اشكركم كثيرا علي ردودكم في موضوع اختيار الفيرنا ام اللانوس
الحمد لله استلمت فيرنا 1500 وسافرت بها كمان والحقيقة العربية ما شاء الله ممتازة علي الطريق وتكييفها ممتاز .
لكن للاسف الحلو ميكملش بعد ما وصلت مرسي علم قابلتني مشكلة كبيرة جدا هحكي لكم عليها :
بعد ما وصلت مرسي علم كانت العربية عاملة 900 كم وسالت عن مركز خدمة هيونداي بالغردقة لعمل صيانة الالف كيلو قالو لي ( مركز جاد الله بالغردقة ) اتصلت بالمركز لاحدد موعد الصيانة رد مسئول المركز وقال لي ان هم مش مركز معتمد لكنهم فقط يبيعوا قطع الغيار ويعملوا الصيانة بمقابل مادي .
المهم كلمت غبور سالتهم عن اي مركز خدمة قريب من الغردقة رد المحترم الي سالته وقال لي بكل بساطة لا يوجد قلت له طيب ايه الحل انا عندي شغل لمدة شهر في مرسي علم يعني العربية هتعدي ال1000 كم بكثير لان العودة للقاهرة وحدها 700 كم يعني عقبال ما اصل القاهرة لعمل صيانة الالف كيلو هتكون العربية عملت اكثر من 1800 كم قال لي لو العربية عدت 1200 كم بدون عمل الصيانة هتخرج بره الضمان قلت له حلها لي لا مش ذنبي ان شركة بحجم غبور ملهاش مركز خدمة في البحر الاحمر كله قاللي رد لذيذ قوي ( اشحنها علي عربية عشان متعديش ال 1200 كم )
انا اصبحت عاجز عن التفكير في حل ارجو من اهل الخبرة الافادة لحل هذه المشكلة ويا ريت كل واحد عنده نصيحة يقدمها واي حد يعرف مركز خدمة قريب من الغردقة او حتي قنا يكتب لي تليفونه وجزاكم الله خيرا
السلام عليكم ورحمة الله وبركاته[/b] :!:

**Nader** · 30-07-2007 09:34 AM

في حل مكلف انك تطلب صيانة غبور المتنقلة، هيبعتولك عربية ماتريكس مجهزة بقطع الغيار اللازمة وبها مهندس وفني، الاشتراك في هذة الخدمة يتكلف 1000 تقريباً،

**Tarek Fadl** · 30-07-2007 10:23 AM

متخافش يا بشمهندس سبعاوي مش هقول لهم علي اسمك
وشكرا علي الحل ده لان غالبا ده اللي انا هعمله
وعلي فكرة انا اتصلت النهاردة بالتوكيل في ابو رواش واتخانقت في التليفون فرد علي مهندس اسمه / مجدي وقال لي مفيش مشكلة انا ممكن اغير فلتر وزيت في اي بنزينة وبعد ما ارجع القاهرة ان شاء الله ابقي اروح اعمل صيانة ال 1000 كم حتي لو عدت 2000 كم
بس انا مبقتش عارف اصدق مين واكذب مين

**محمد المشد** · 30-07-2007 12:36 PM

والله انا شايف ان حل الاخ سبعاوى هو الامثل خصوصاً انك مش بالقاهرة وكمان بصراحة انا مش عارف يعنى اية تخرج برة الضمان اذا لم تذهب لهم فى الف كيلو دة كلام فاضى وبالغصب عنهم يعملوا الصيانة ولكن طبعا علشان وجع القلب اعمل زى ما قال الاخ سبعاوى واخلص من القرف اللى احنا فية دة ربنا يخلصنا منهم كلهم

**Hossam Mounir** · 30-07-2007 01:02 PM

بس نصيحتى ليك فى كل الأحوال ... لازم تغير الزيت والفلتر ... وأنت كدة كدة هتدفع تمنهم ... بس لأن نوعية الزيت اللى بتبقى محطوطة ... بيبقى نوع ردئ ... وكفاية أنه هياخد مخلفات التطبيع بتاعة المحركك ...هوه والفلتر ... فمعلش حاول تروح للراجل بتاع هيونداى اللى فى الغردقة ... وتغيرهم عنده حرصاً ... على سياراتك ... وبعد كدة بقه الباقى يتعمل بعدين ... فحص الفرامل ... وتربيط العفشة ... والكشف على الموتور بالكمبيوتر)

تحياتى للجميع ...

م / حسام منير

**Tarek Fadl** · 30-07-2007 01:31 PM

واالله يا جماعة انا مش عارف اقول لكم ايه علي الردودالمحترمة ده
عموما الي مطمني ان في اخوه زيكم الواحد ميخافش علي نفسه وهو معاهم وعموما متشكر مرة اخري علي كل الردود وساوافيكم طبعا باتفاصيل الجديدة لما اذهب للتوكيل كي يستفيد الجميع من تلك التجربة

**khaledim99** · 30-07-2007 03:18 PM

على فكرة موضوع ان العربية تطلع بره التوكيل دى اى كلام
لان ان عديت الالف و عملت 1860 و رحت على كارتك و الموضوع مشى عادى و الراجل هناك قال لى هنمشيها 1400

**khaledim99** · 30-07-2007 03:18 PM

فنصيحة روح كارتك لانهم ناس محترمين و العمليه عندهم فليكسابل ده غير السرعة

**Tarek Fadl** · 30-07-2007 03:23 PM

طيب استاذنك يا باشا تكتب لي ارقام تليفوناتهم وعنوانهم بالضبط

-

الموضوع: مشكلة كبيرة مع توكيل غبور " ارجو النصيحة "

LinkBack

أدوات الموضوع

عرض

-

-

المواضيع المتشابهه

_""""""""الاسطورة لكزس gs الكوبيه تنتظركم في عام 2013 """"""""_

أسعار ومواصفات هيونداي "Elantra" لعام 2012 من "غبور أوتو"

غبور يحصل على توكيل "يوكوھاما" بالسوق المصرية

وكيل "دايهاتسو" : حصلنا على توكيل "هينو"و نسعى وراء "تويوتا"!

يا جماعه محتاج مساعده سريعه لضيق الوقت """"""""""""""

الكلمات الدلالية لهذا الموضوع

المفضلات

المفضلات

ضوابط المشاركة