-
حادث قوي بالنيسان 2015
السلام عليكم ورحمه الله وبركاتة
من اسبوع بالظبط كنت مسافر من بورسعيد للقاهرة وتحديدا بجوار الكلية الحربيية
وانا ماشي في امان الله وطالع الكوبري وفي الملف قابلني بقعه زيت علي الارض علي يمين الطريق
فانا شوفتها , قبل ما ادخل فيها بدوس فرامل ملقتش فرامل خالص نهاااااائي وحاولت اكسر العجل عامت مني ودخلت بوش العرببية في السور الحديد اللي محوط الكوبري والسور اتكسر والعريية كانت هتقع
فالناس جزاها الله خير وقفولي بسرعه وجابوا لي ونش وقالوا امشي بسرعه لحسن الشرطه تعملك محضر اتلاف للطريق والكوبري
وحملت العريية وطلعت علي بورسعيد
طبعا العريية جابت نص امامي كامل واتلوحت من ورا
والراجل بتاع الونش قالي ان التوكيل هياخد اضعاف مضاعفه لو هتصلح عندة بنسبة 1:6 عن التصليح في الورش والحرفيين
الوقتي انا مش مأمن عليها عامل بس التامين الاجباري
وعاوز اخد حقي من الشركه النصابه اللي باعت عريية فيها فرامل معيوبة ومفيهاش abs ولا وسائد هوائية
ساعدوني جزاكم الله خيرا
http://nileup.com/up/uploads/nilemotors_14409596694.jpg
http://nileup.com/up/uploads/nilemotors_14409596691.jpghttp://nileup.com/up/uploads/nilemotors_14409596692.jpghttp://nileup.com/up/uploads/nilemotors_14409596693.jpghttp://nileup.com/up/uploads/nilemot...694.jpghttp://
http://nileup.com/up/uploads/nilemotors_14409596695.jpg
-
قدر الله ما شاء فعل.
متزعلش قضاء خير من قضاء.
عموما دي النسيان وقد ذكرت في أكثر من موضوع عيوب هذه السيارة لأنها كانت مع أكثر من صديق وكلهم سلموا نمر. ولا اي بي اس اشتغل ولا اير باك فتح. وكلموا نيسان مصر ونيسان اليابان وحماية المستهلك ولا حياه لمن تنادي.
ربنا يعوض عليك بالخير أن شاء الله.
-
اعمل محضر و اشتكي في حمايه المستهلك و ربنا يساهل و تاخد حقك
-
ياستار يارب
ربنا يعوض عليك
-
ربنا يعوض عليك راى بعها احسن مهما حاولت تصلحها مش هترجع زى ما كانت و هتبقى مش مبسوط منها الحمد لله انك سليم و فداك اى حاجة معلش
-
و عليكم السلام و رحمة الله و بركاته
اهم حاجة انك سليم الحمد لله
نيسان الشكل الجديد فيه مشاكل فى فراملها حتى فى امريكا
-
ربنا يعوض عليك وحمد الله على سلامتك
اعتقد ان المشكلة المرة ديه مش من العربية
اى عربية عدت على بقعه زيت ومسكت فرامل لازم تعوم وتفقد توازنها
مهما كانت التكنولوجيا الموجوده فى الفرامل فهى ليها حدود مش هتعمل سحر
والله اعلم
-
قدر الله ما شاء فعل.
حمدالله على سلامتك
-
قدر الله وماشاء فعل..ربنا يصبرك ويعوض اللى احسن منها
غالبا لما دست فرامل كانت العربية عدت على زيت بالفعل لانه مش طبيعى تهرب زيت فى اللقطة دى بالذات
والحمدلله على سلامتك
-
الف سلامة عليك
تقصد عند كوبرى الهايكستب مش الكلية الحربية ...انا شفت فعلا السور مكسور فى كوبرى الهايكتستب
Content Relevant URLs by
vBSEO 3.6.0 PL2