عرض للطباعة
السلام عليكم يا خبراء سكودا.تن عندى نيسان صنى موديل 2009 اوتوماتيك. و ان شاء الله ناوى اغير الى الغتنتازيا.انا متاكد انها نقلة كبيرة و مختلفة عن حبيبتى الصنى و لكن انا محتاج سيارة قوية و تنحمل المشاوير الطويلة. سؤالى هو .معروض على فتنتازيا 2010 هاى لاين خليجى فابريكا برة و جوة.عداد 85000.صاحبها اول مستخدم ليها. ياترى السعر يبقى كام . ارجو النصبحة من الخبراء هل الخطوة دى صحيحة ام لا. يعنى اتوكل على الله و اخلص ولا ايه رايكم.
نقله ممتازه
والسعر تقريبا من 155 الى 160
السعر الي في السوق تقريبا زي ماقال المهندس طارق بس حسب الحاله وضروري تكون صيانه توكيل لأن دا مهم جدا في العربيات دي خلي بالك في فرق شاسع بين العربيتين وأهم الطلعه الأقل في السرعه وطبعا احساسك بالتقل والفخامة ودا هيفرق جدا معاك في السفر الطويل وعموما نقله مستحيل تندم عليها وربنا يوفقك في الخير
جزاكم الله خيرا على الرد. هو صاحب العربية ماسك فى 165. ايه رايكم
خد بالك زي منت عايز الفخامة والقوة والثبات
زي مهتصرف جامد في الصيانات بتاعتها
قطع غيار الاسكودا غالية جدا جدا متتقرنش بالصني
تغيير زيت فتيس ممكن يكلفك ازيد من 2000ج وبيتغير كل 60 الف
الحساسات بتاعتها غالية جدا جدا
اسعار الميكانيكية بتوعها عالية جدا ومش اي حد يشتغل فيها انصحك تفكر لو مش هامك الفلوس توكل علي الله لو بتحسبلها بلاش تجبها وخليك في الصني عربية اسعرها وصيانتها معقولة واعطالها خفيفة جدا
انا كان معايا صني 2010 بعتها واشتريت فولكس فاجن بورا مطلعة عيني وعين الي جابوني في الصيانات بتاعتها
الكلام ده صحيح . بس لو بتعمل صيانتها الدوريه أن شاء الله مش هيلاقي مشاكل وقطع الغيار بتاعتها معمره . وبرده أنا ماشي على نظريه أن الواحد مش كفايه أنه يكون معاه حق العربيه . الشئ الأهم هل حيقدر على مصاريفها .لو تقدر على مصاريفها و هي أغلى حبتين من النيسان توكل على الله و مش هتندم . وحتى لو الصيانات و قطع الغيار غاليه صدقني متعه وراحه القياده بتاعتها بتهون عليك كل قرش بتدفعه فيها ...اقتباس:
المشاركة الأصلية كتبت بواسطة mohamedbook
كلام جميل و محترم من خبراء سكودا.طيب هو في سؤال.انا من الاسكندرية و بسافر كتير جدا للغردقة و الاقصر بحكم شغلى. و احيانا بادخل فى مناطق جبلية و طرق مكسرة.يا ترى عفشة الفانتازيا تستحمل الكلام ده ولا ايه.انا عموما باحافظ على اي سيارة امتلكها و من انصار عمل الصيانة فى النوكيل او اى مركز معتمد مش عند بلية الميكانيكى.
بص ياباشا العفشة هتستحمل بس العربية وطية حبتين تاخد بالك كويس وانت ماشي عشان الكرتيرة بتاعت الزيت متتكسرش الا لو العربية فيها مصفحة من تحت ولو المصفحة بلاستك مش هتحوش كتير الا لو حديد هتكون تمام التماماقتباس:
المشاركة الأصلية كتبت بواسطة aboadham
لو هتعمل الصيانات في التوكيل يبقي هتضمن ان قطع الغيار اصلي بس هتصرف جامد ومعاك ربنا الله يعنيك عليها لما تجبها
العربيه قطع غيارها مقارنه بالجديد كله هتلاقيها عاديه جدا وبالنسبه للسفر هتفرق كتير جدا في الأمان والراحه مش هتحس بالسفر خالص والعفشه قويه وبتعمر ولو العربيه واطيه ممكن تعليها 'متقلقش خالص من الثبات دي ظلطه
الله المستعان.الواضح من ردود حضراتكم الاجماع على انها سيارة كويسة يعيبها ارتفاع اسعار قطع الغيار و المصنعيات.طيب ممكن امثلة لاسعار قطع الغيار الاصلية.انا مثلا لسه مغير بليتين العجل فى الصنى و فحص دورى للتكييف دفعت 1300 جنيه.ممكن تبقى المقارنة بهذا الشكل
أغلى صيانه في التوكيل هي صيانه كل 60000كم و بتتكلف 8000جم تقريبا . بس بيغير كل حاجه فى العربيه من فلاتر و تغيير زيت موتور و زيت فتيس الأصلي و فلتر زيت الفتيس و بوجيهات و طقم السيور بالبليه و الشداد و تيل فرامل أمامي و خلفي بزيت الباكم إذا تطلب الامر وكذا حاجه ثانيه . فرده مساعد خلفي ب 620 جنيه و البطاحات الواحده ب 400 جنيه و طرمبه مياه 1300 جم تقريبا . أما الصيانات العاديه لكل 10000كم لا تزيد عن 1300جم تقريبا . ودي بعض الأسعار اللي انا فاكرها .اقتباس:
المشاركة الأصلية كتبت بواسطة aboadham
وعلى فكره الاسكودا مش واطيه ولا حاجه بالعكس دي نفس علو السوبارو ال xv تقريبا وبتكلم عن عن الفانتازيا الوكيل مش الخليجي ودي من أهم مميزاتها . أما العفشه عامله زي التويوتا الهاي لوكس بتستحمل اوى بس هتلاقيها ناشفه وحلها كاوتش بريدجستون ياباني بيكون طري شويه و تحط فيه نيتروجين هتلاقيها طريت حبتين .
ربنا يجازيك كل خير على المعلومات القيمة دى. باذن الله رب العالمين حا خلص فيها والله المستعان.طيب راى حضرتك البريدجستون التورانزا مثلا و لا الميشلان. فيه بعض الاعضاء بتشكر فى الهانكوك و الكومهو .
بص أنا اسمع أن الميشلان رقم واحد في الكاوتش بس غالي عليا و سمعت أنه بيتاكل بسرعه . لكن عن تجربه أنا غيرت الكاوتش عندي على ال 50000كم جبت بريدجستون ياباني تورنزا gr 90 والحمد لله مريحاني وطريه حبتين مع النيتروجين عن اللي كانت جايه بيها من الفابريقه اللي هي الدانلوب . والبريدجستون الواحده كانت عامله تقريبا بعد الخصم 900 جم وكسر . و أرجو اني اكون أفدت حضرتك . وياريت العربيه اللي هتشوفها تكون وكيل و اكشف عليها في التوكيل . والكشف مش غالي اعتقد مش هيعدي ال 350 جم بس هيجبلك التايهه في العربيه . مش هيسيب إي حاجه فيها ولو فيها أي حاجه محتاجه تتغير ممكن تتخصم من حق العربيه بالاتفاق مع البائع .اقتباس:
المشاركة الأصلية كتبت بواسطة aboadham
انا عندى فى الصنى التورانزا.ماشاء الله ممتاز على فكرة العربية اللى شوفتها خليجى هاى لاين مش وكيل
بالتوفيق
متشكر لك جدا جدا. و كل الشكر للاعضاء اللى قدموا النصيحة لوجه الله.و ربنا يقدر الخير