جيب ليبرتي

**محمد المهدي** · 01-09-2015 04:41 AM

سلام عليكم
اشتريت سيارة جيب ليبرتي 2003
كنت عاوز أعرف أيه أهم الكماليات اللي ممكن أضيفها و ألاقيها فين و الأسعار

**م/أحمد عبد الفتاح** · 01-09-2015 03:41 PM

ناس كتير بتركب دفندرات ورا وقدام وعتب جانبى وطقم نيكل اكر وطقم نيكل مرايات وطقم نيكل فوانيس خلفية -بس بالنسبة ليا انا مش بافضل ازود حاجه على الفابريكا بتاعت العربية وكمان موضوع الدفندرات اثبت بالتجارب الكتيرة ان ضرره اكتر من منفعته - هو بس شكله بيخوف العربيات التاية لكن لو ريحت على عربية تانية حتلاقى نفسك داخل فى اكصدام وشبكة وساعات فوانيس ومصفحة - ولو مش مركبه حيبقى جت على الاكصدام بس ممكن يتصلح ويادار مادخلك شر - العتب الجانبى ممكن يكون مهم علشان العربية عالية فبيساعد الناس خصوصا الكبار فى السن انهم يركبوا العربية - واسعاره متفاوته من اول ٥٠٠ جنيه لغاية مبالغ تعدى الالف جنيه

**احمد فهمى** · 02-09-2015 03:16 AM

افضل شئ العربيه تفضل بشغل الفابريكه ولو هتركب شغل فابريكه برضو زي الهوك الاتصلي خلفي وده هتلاقى استيراد ومثﻵ فى فوانيس ليدات وعدسات امامي وشغل اصلي برضو

**hamdy** · 02-09-2015 10:48 AM

المشاركة الأصلية كتبت بواسطة احمد فهمى

افضل شئ العربيه تفضل بشغل الفابريمه ولو هتركب شغل فابريكه برضو زي الهوك التصلي خلفي وده هتلاقى استيراد ومثﻵ فى فوانيس ليدات وعدسات امامي وشغل اصلي برضو

انا بتاع كل كلامك علي الاوبل و الجيب و كذا موضوع ...وبجد ربنا يجازيك خير علي المعلومات اللي واحد استفاد منها في ردودك
ليا سؤال انا اول مرة اركب جيب وعجبني شكل الليبرتي وكنت بفكر اجيب زيرو عربية سيدان فقلت اجيب ليبرتي موديل 2003 الي 2006 لان دا الرينج اللي يناسبني
فعايز اعرف من حضرتك مدي استهلاكلها للبنزين
انا اصلا لاهخدها في صحرة و لا يحزنون .... عجبني شكلها قوي نوع من الفخامة