علامه تعجب جنب علامه الدركسيون

**elleithy1984** · 01-09-2015 03:55 PM

السلام عليكم اجمل شباب.
بعد فتره من الانقطاع عن المنتدي و للاسف نسيت الباسورد بتاع الاكونت الاول اللي كنت فعال جداااا فيه في منتدي اوبل اضطريت اني اعمل اكونت جديد بس المرادي متجه لمنتدي متسوبيشي.
اخوكم محمد من مصر و عايش في الامارات، اشتريت متسوبيشي لانسر شارك 2009 هاي لاين كامله بفتحه سقف و كل حاجه ماعدا مثبت السرعه و شيفتات الدركسيون. كل حاجه تمام في العربيه الحمد لله و مبسوط منها بس في كام نقطه حابب اسالكم عنها و ياريت تساعدوني بجد.
1 - الموتور صوته ناعم جدا حتا لما بضغط بنزين جامد و العربيه مش واخده غيار انما لما احط العربيه علي ال D و اضغط بنزين بحس ان في صوت عالي طالع مش عارف دا الماكينه والا الفتيس! و الا دا طبيعي اصلا. الصوت مش عالي اوي بس مختلف عن صوت الماكينه و هيا في حاله ال P او ال N.
2 - الكاسيت مكتوب عليه Mp3 و بالرغم من كدا مش بيشغل غير اسطوانات اوديو فا دا سببه ايه؟ بحط سي دي ام بي ثري الاقي ايرور علي الشاشه no Mp3 files found, eject CD!! حد عنده فكره ايه السبب
3- فوق الولاعه فيه مكانين لجاكات كدا زي بتاعت التلفزين اوديو و فيديو دول وظيفتهم ايه؟!
4- اخر و اهم نقطه لما بفتح الكونتاكت بيظهرلي علي الشاشه علامه الدركسيون و جنبها علامه زيت و بينهم علامه تعجب!!!! دا ايه دا؟!!! الزيت مظبوط بتاع الباور و الباور خفيف و حلو و مواجهتش معاه اي مشاكل قبل كدا بس المنظر دا لما لاحظته خفت الصراحه اواجه اي مشكله بعد كدا!!

يا ريت تساعدوني، اخوكم جديد في المتسوبيشي!

شكرا مقدما

**mhmd_farouq** · 01-09-2015 04:07 PM

ممكن صوره يا باشا للعلامه

**elleithy1984** · 01-09-2015 04:26 PM

ازاي ارفع الصوره؟!

**elleithy1984** · 01-09-2015 04:29 PM

اهي الصوره مش عارف بقا ظهرت والا لا.

بالنسبه للاستفسارات التانيه في اي رد عليها او معلومات عنها

**ahmedsrs** · 01-09-2015 06:03 PM

عادى ياباشا دى علامة الباور ستيرنج الكهرباء بتنور لما تفتح الكنتاكت وبتطفى لما تشغل العربية ولو نورت والعربية شغالة يبقى ماتور الباور ستيرنج فيه مشكلة

**elleithy1984** · 01-09-2015 09:06 PM

لا الحمد لله مبتنورش و العربيه شغاله. هيا بتنور بس لما بفتح الكونتاكت و بتروح بس انا جديد علي العربيه دي فا معرفش و قلقت الصراحه و كمان هسافر بيها للسعوديه فا خفت لا تقل معايا في السكه..
علي العموم شكرا لرد حضرتك