زهقت من بنك QNB وبفكر أحول لبنك تاني ومحتار بين Crédit Agricole و CIB

أنا عميل لبنك QNB من حوالي 3 سنين وكنت فاتح حساب شباب فيه والحساب ده فيه مميزات كتير
أنا خلاص المفروض شهر 1 اللي جاي أقفله وافتح حساب جاري علشان هتم 23 سنة
طبعا أنا طهقان من البنك ده وزحمته وقلة خبرة الموظفين اللي فيه وتقلهم !
فسألت ف 3 بنوك وهما CIB , Crédit Agricole , HSBC
عامة بنك HSBC بنك محترم ومعروف جدا بكدة بس حسيت انهم تنكين أوي ف التعامل
وغالبا البنك ده أعتقد انه يفيد الناس اللي معاها فوق المليون مثلا
بس الشباب اللي هيحط فلوس فيه ويسحب منها دايما أعتقد مش هيبقى ليه أولوية عن بنوك تانية

بنك Crédit Agricole في ناس بتشكر فيه وناس بتشتم فيه بس لاحظت انه زمان كانت الناس بتشتكي منه جامد ودلوقت أعتقد اتعدل شوية فإيه رأيكم فيه !؟

بنك CIB ليه الأولوية طبعا بس شفت انه زحمة غير ان أي سحب من ماكينة غير البنك بيبقى ب 20 جنيه !
غير كدة حسيت اجراءاته هتبقى معقدة شوية


أنا عامة اللي محتاجه كله حساب جاري أودع فيه وأسحب منه عن طريق ال ATM
ويكون بيوفر فيزا انترنت أحول عليها من حسابي الاساسي عن طريق النت
والمهم انه مش كل شوسية يسأل الفلوس دي مصدرها إي ؟؟

رأيكم إيه !؟؟!
وياريت اللي يجاوب يكون عن تجربة في البنك اللي هيتكلم عليه مش يكون سمع عنه بس !

انا كنت ناوى اقلك CIB بس انت ميال ل credit
بس انت متأكد من حكاية ال20 اصل انا فاكر انهم كانو 3 ج
انا فى HSBC اللى بيقولو عليه مصاريفه غاليه بياخد 10 ج على السحبه من اى ماكينه تانيه

بالمناسبة انا لو عملت فيزا نت من cib ممكن اشترى وادفع اونلاين لكن سحب لا ؟؟؟

معاك قلبا وقالبا ان qnb زحمة غريبة اليوم انا كنت هناك وقفت بصيت عالوضع وشفت قدامى حوالى 60 واحد ومفيش كرسى فاضى خدت بعضى ومشيت ناوى ارجع باكر من بدرى .. بنك ال cib من وجهة نظرى الأسرع والأنجز والأكثر انتشارا بس مشكلتة انة شماط لو حسابك قل عن 5000 بيخصم اول كل شهر حوالى 65 جنية.. بس الخدمة سريعة والشباب بينجز كريدى اجريكول اقل انتشارا واقل زحاما بس عمل معايا موقف بايخ لما صرفت منة مبلغ كبير اداهونى باكوات خمسات وعشرات قديمة يتلموا فى زكيبة مش هاند باج..

كريدى اجريكول ممتاز فى متابعه وتحويل من الحساب لحظيا وببلاش

gade2 أنا مش ميال لحاجة أكتر من حاجة
لفترة طويلة جدا كنت اعرف ان CIB من البنوك التقيلة ايام ما كانت الناس كلها بتشتم ف كريدي
بس دلوقت حسيت الوضع اتقلب يعني بقى ناس كتير أوي تشكر ف كريدي غير انه مش زحمة زي CIB غير كمان انك لو استخدمت أي ماكينة ف السحب هياخد بحد أقصى 6 جنيه غير CIB بياخد 20 وده لسة موظف خدمة عملاء قايلهولي النهاردة !!

عﻻء سالمان .. CIB بيخصم كل شهر 40 بس لو حسابك قل عن 5000 و HSBC بيخصم 50 لو حسابك قل عن 10.000
مش دي المشكلة الضخمة بالنسبالي عادي أعتبرهم أرضية أبدأ عليها بس إي المميز بقى عندهم اللي يخليني أعمل ده !
سريع ماشي بس زحمة جدا .... يمكن هو إسما وأعتقد كتغطية ماكينات وغالبا برضه علشان مش هدخله كتير السحب والإيداع هيبقى ع ال ATM فممكن متبقاش مشكلة كبيرة !


mk3 .... إشرحلنا إي اللي بيميزه عن CIB غير التعاملات عن طريق الإنترنت

انا عميل لل cib من 2007 هو بنك ممتاز بس فعلا بدا يتزحم بس انا غالبا مباتعاملش مع الفرع لان المكن ال atm في معظم الفروع في سحب و ايداع وتحويل .
الشركه عندنا بتحول علي ال cib و كريدي و مشفتش حد اشتكي من كريدي برضه بس مصاريف السحبه فيه زادت من 1/7 و تقريبا بقي ليك 3 سحبات بس ب 3 جنيه
الاتنين نظام الانترنت فيهم كويس يعني مش حاسس بفرق يمكن عشان ال cib لو انت حساب مرتبات بتسحب ب 3 جنيه من اي ماكينه

Hsbc وانت مغمض ....
مش تنكين خالص .........ز و لما بتتعامل معاهم بتلاقيهم فاهمين و مؤدبييييين ......... و هاتعرف تاخد حقك ..

افتكر مره ان الكول سنتر اتنرفزت عليها -بالادب لان كان عندي حق - و هيا ردت عليا بطريقه سمجه و سخيفه
اشتكيتها و سمعم المكالمه تاني .... و اتصلت بيا مديره كبيره هناك و اعتذرتلي ... و قالتلي انا ماقدرش اقولك احنا عملنا فيها ايه ......
ماتقارنوش باي بنك في مصر ...

assaf يعني إيه 3 سحبات ب 3 جنيه !!
مش فاهم .... وياريت برضه لو تقول رأيك ف الأفضل !؟


wawamoha .... سألت ف HSBC فرع الرحاب قالوا اقل مبلغ علشان يتفتحلك حساب ف الفرع ده 150000 جنيه
وقالوا ممكن تفتح بره عادي ب 10000 وتتعامل هنا
أنا عارف ان البنك ده ممتاز ولكن مش لشاب زيي هيحط فلوس وهيعمل حركة كتير عليها ومش هتبقى مبالغ يعني زي اللي هما بيتكلموا فيها
هما حاطين لنفسهم سيستم معين بيقتضي إن الخدمة ف البنك تفضل قوية ومستواها عالي وعلشان ده بيحددوا الموضوع شوية علشان العملاء ميبقوش كتير يعني يبقوا عدد بسيط بس بملايين أفضل ما يكون ملايين وبمبالغ بسيطة !!
أنا لو بقى معايا ملايين هروحله أكيد بس حاليا هو مازال مالهوش افضلية ليا كشاب لأنه مش هيبص ولا هيعمل اعتبار لمبلغي مقارنة بالناس التقيلة فيه !

بص انا معاك فى اللى انت بتقولوا كله على ال QNB لانى فيه بقالى 9 سنين , وفكرت كتير جدا انى اسيبه وفعلا كان اختيارى HSBC بس عرفت من واحد صديقى ان اجراءاته بقت زباله علشان تفتح حساب ونظام جايب الفلوس منين ولو شغال بره مصر حيطلع عينك علشان تفتح حساب
عموما الحاجات اللى حضرتك طالبها دى موجوده كلها فى QNB وانا عاملها كلها
وهى فيزا انترنت وا شتراك فى Netabanking بتقدر من خلاله تحول فلوس للفيزا انترنت وتتابع الحساب بتاعك
مشكلته الوحيده انه بياخد يومين تلاته لحد ما يحدث بيانات الحساب يعنى لو حضرتك عملت سحب دلوقتى حيظهر فى الNetabanking بعد يومين , ولكن بيغنى عن الموضوع دا الرسائل النصيه اللى بيبعتوها مع اى سحب, يعنى لو حضرتك استخدمت الفيزا فى سحب من مكنه او اشتريت بيها حاجات بيجيلك رساله وقتى بالمبلغ اللى اتسحب وبعدها بيومين بيظهر على الNetabanking
وبالنسبه للتحويل من حسابك للفيزا انترنت سهل جدا وبياخد يوم عمل ماعدا ايام الاجازات , يعنى لو حضرتك عملت تحويل يوم الخميس حيتعمل على يوم الاحد علشان الجمعه والسبت اجازه , يعنى من الاخر فى ايام العمل الرسميه
وعموما الفيزا العاديه Visa electron اللى من الQNB بتقدر تشترى بيها عادى من على النت , وتعرف ازاى انت تشترى بيها من على النت , بص على الضهر بتاع الفيزا حتلاقى المكان بتاع التوقيع , لو لقيت جنبه 3 ارقام يبقى تقدر تشترى من على النت , لو ملقتش يبقى متقدرش, والارقام دى زى Pin code للفيزا وبيطلب منك وانت بشترى Online

Ahmed_selmy .... مش فاهمك على فكرة !
مهي الحاجات دي كلها هتتقفل لما أتم 23 سنة فكدة كدة مبقاش ليها لازمة اصلا !
السؤال أحول لبنك إي !؟

ياجماعة بنك cib أنا هستبعده لاكتر من سبب !

أولآ اجراءاتهم المعقدة
ثانيا موضوع خصم 20 جنيه لما أخصم من ماكينة مش تبعهم
ثالثا انه زحمة جدا برضه !

طب إي الميز ة أصلا ف cib !!

اللي بفكر فيه دلوقت أفتح ف كريدي أجريكول والبنك الأهلي المصري
وفيزا كريدي أجريكول أخليها للتعاملات على الإنترنت
والبنك الأهلي للإيداع والسحب !

وشايف ان الفكرة دي كويسة جدا ومناسبة !

حد ليه رأي تاني !؟؟

انا مش فاهم ايه اللى انت مش فاهمه.....انا بتكلم على الحاجات دى لاى حساب QNB مش لحساب الشباب بس ....يعنى لو انت عايز تكمل فى البنك تقدر تكمل والخدمات دى موجوده عادى
لو مش طايق بقى البنك خالص وعايز تغيير يبقى انا عن نقسى ارشحلك الHSBC وخصوصا انه اقوى Internet banking وكمان الاInternet banking مجانى مع الحساب يعنى مش محتاج تعمل netabanking منفصل زى الQNB
او الاختيار التانى انه تروح البنك الاهلى .....بصراحه حصل فيه انقلاب الفتره الاخيرة وبقى حاجه تانيه خالص نظام ونضافه و خدمات internet من خلال مكنة الATM فعلا بقى حاجه تانيه .....وفروعه زادت بشكل رهيب

انا شامم ريخة فوركس
لو كده يباه العربي الافريقي ثم كريدي اجريكول

HSBC ممتاز و مش هتحتاج تروح الفرع تقريبا، كل حاجة بتعملها من على ال online banking بس لازم الحساب يبقى فيه على الاقل 10 الاف جنيه علشان ميتاخدش عليه مصاريف زيادة
مصاريفه كل 3 شهور 21 جنيه
الفايدة بتاعته قليلة على حساب التوفير
الcredit card بتاعته ممتازة

كريدي اجريكول كويس بردو و الonline banking بتاعه كويس بردو و مشتكتش منهم في حاجة

الاهلي منتشر و مكنه منتشر بس حكومة صرف و زحمة و مفيش online banking

رأيي خليك في HSBC او كريدي اجريكول

4fun14 .... ههههههههههههههههه لآ مش فوركس متقلقش


gebreel .... كفيت ووفيت ..... زي ما قلت هفتخ ف الأهلي المصري وكريدي أجريكول ان شاء الله

انا شايف qnb كويس وخصوصا ان مصاريفه رخيصة جدا وعيبه زحمة فروعة و internet banking بتاعته وحشة جدا لكن حاليا في ايداع في atm

اقتباس:

---

المشاركة الأصلية كتبت بواسطة Mahmoud Naguib

assaf يعني إيه 3 سحبات ب 3 جنيه !!
مش فاهم .... وياريت برضه لو تقول رأيك ف الأفضل !؟

---

يعني ليك عدد معين من مرات اسخدام ماكينات بنوك تانيه و بعد كدا المره ب أكتر من 3 جنيه ياريت تعرف بعد كدا التعامل مع ماكينات البنوك التانيه بكام
انا مرتاح مع ال cib وشايف ان انتشاره افضل

Kazamodia ... يعني انت قلت كل العيوب اللي ف الدنيا وف الاخر بتقول حلو برضه
البنك مفيهوش كراسي يتقعد عليها اصلا

أنا لسة جاي دلوقت من كريدي أجريكول !
سألت على موضوع الماستر والبريبايد كارد
قالي الماستر مصاريفه 40 جنيه سنويا بحد أدنى عليه 2500 والبريبايد 20 جنيه وبيقعد سنتين والإنترنت بانكينج فري وأكتر حاجة عجبتني اني أقدر أحول من الماستر للبريبايد على النت !
وكمان أقدر أسحب فلوسي من البريبايد عن طريق ال atm بحد أقصى 2000 جنيه لليوم
الموضوع ممتاز جدا والمصاريف مش كتير يعني حوالي 50 جنيه سنويا بس

البنك الأهلي المصري الجميل برضه رحته لقيت مصاريف فتح حساب 30 والكارت ب 25 بيتجدد كل سنة
الغريب جدا بقى انهم قالولي في مراسلات كل 3 شهور بتدفع عليها 120ج ف السنة !
ولما سألت أنا مش محتاج الكلام ده قالولي هتدفع 250ج ف السنة !!!!
ههههههههههههههههههههههههه ههههههههههههههههههههههههه ههههههههههههههههههههههههه ههههههههههههههه
أنا مش فاهم بجد يعني هل ده يسمى إي وهل البنك بيستعبط الناس ولآ إي بالظبط !

يعني خدمة موجودة أدفع عليها 120 جنيه ولو مش عايزها أدفع 250ج !!

ياريت حد يفهمنا إي اللي بيحصل !

اقتباس:

---

المشاركة الأصلية كتبت بواسطة mahmoud naguib

أنا لسة جاي دلوقت من كريدي أجريكول !
سألت على موضوع الماستر والبريبايد كارد
قالي الماستر مصاريفه 40 جنيه سنويا بحد أدنى عليه 2500 والبريبايد 20 جنيه وبيقعد سنتين والإنترنت بانكينج فري وأكتر حاجة عجبتني اني أقدر أحول من الماستر للبريبايد على النت !
وكمان أقدر أسحب فلوسي من البريبايد عن طريق ال atm بحد أقصى 2000 جنيه لليوم
الموضوع ممتاز جدا والمصاريف مش كتير يعني حوالي 50 جنيه سنويا بس

البنك الأهلي المصري الجميل برضه رحته لقيت مصاريف فتح حساب 30 والكارت ب 25 بيتجدد كل سنة
الغريب جدا بقى انهم قالولي في مراسلات كل 3 شهور بتدفع عليها 120ج ف السنة !
ولما سألت أنا مش محتاج الكلام ده قالولي هتدفع 250ج ف السنة !!!!
ههههههههههههههههههههههههه ههههههههههههههههههههههههه ههههههههههههههههههههههههه ههههههههههههههه
أنا مش فاهم بجد يعني هل ده يسمى إي وهل البنك بيستعبط الناس ولآ إي بالظبط !

يعني خدمة موجودة أدفع عليها 120 جنيه ولو مش عايزها أدفع 250ج !!

ياريت حد يفهمنا إي اللي بيحصل !

---

عشان لو لغيت المراسلات ببيحفظوهالك في البنك و تروح تستلمها في اي وقت فكانك حاجز مكان ليها انما لو بعتوها بيخلصوا منها هو علي اي حال كتير بيستعبطوا بس ده السبب يعني

a7medalaa .... طيب وليه أصلا يطلعوا مراسلات !!
إي شغل التمانينات ده !!
ولي يجبرونا على كدة !

اقتباس:

---

المشاركة الأصلية كتبت بواسطة mahmoud naguib

أنا لسة جاي دلوقت من كريدي أجريكول !
سألت على موضوع الماستر والبريبايد كارد
قالي الماستر مصاريفه 40 جنيه سنويا بحد أدنى عليه 2500 والبريبايد 20 جنيه وبيقعد سنتين والإنترنت بانكينج فري وأكتر حاجة عجبتني اني أقدر أحول من الماستر للبريبايد على النت !
وكمان أقدر أسحب فلوسي من البريبايد عن طريق ال atm بحد أقصى 2000 جنيه لليوم
الموضوع ممتاز جدا والمصاريف مش كتير يعني حوالي 50 جنيه سنويا بس

البنك الأهلي المصري الجميل برضه رحته لقيت مصاريف فتح حساب 30 والكارت ب 25 بيتجدد كل سنة
الغريب جدا بقى انهم قالولي في مراسلات كل 3 شهور بتدفع عليها 120ج ف السنة !
ولما سألت أنا مش محتاج الكلام ده قالولي هتدفع 250ج ف السنة !!!!
ههههههههههههههههههههههههه ههههههههههههههههههههههههه ههههههههههههههههههههههههه ههههههههههههههه
أنا مش فاهم بجد يعني هل ده يسمى إي وهل البنك بيستعبط الناس ولآ إي بالظبط !

يعني خدمة موجودة أدفع عليها 120 جنيه ولو مش عايزها أدفع 250ج !!

ياريت حد يفهمنا إي اللي بيحصل !

---

انا عندى 23 سنة برده وبشترى حاجات على النت كتير ممكن تفهمنى يعنى ايه البريبايد كارد ؟ وايه الفرق بينه وبين الماستر كارد ؟

adorehearts ...... البريبايد كارد ده كارت بتقدر تحط فيه مبلغ معين مثلا وتشتري بيه حاجة من متجر أو تهادي بيه حد أو تشتري حاجة من ع النت
وده بيتشحن وتشتري بيه مثلا وتشحنه تاني وهكذا
في بنوك زي العربي الأفريقي وبنك مصر بيدوك البريبايد كارد ب 20 جنيه مثلا بيقعد معاك سنة ولما بتحب تشحنه بتروح البنك تشحنه بالمبلغ اللي انت عايزه ومش لازم يكون ليك حساب ف البنك أصلا

الماستر كارد ده كارت بيطلعلك مع الحساب الجاري مثلا او التوفير علشان تعمل عليه سحب وإيداع واسمه كارت ال ATM

المميز بقى ف كريدي أجريكول اني اقدر أشحن من الماستر للبريبايد من ع النت واقدر اسحب فلوسي من البريبايد من اي ATM على عكس بنوك كتير مش بتتيحلك تسحب فلوسك من البريبايد كارد ع ال ATM

اقتباس:

---

المشاركة الأصلية كتبت بواسطة Mahmoud Naguib

adorehearts ...... البريبايد كارد ده كارت بتقدر تحط فيه مبلغ معين مثلا وتشتري بيه حاجة من متجر أو تهادي بيه حد أو تشتري حاجة من ع النت
وده بيتشحن وتشتري بيه مثلا وتشحنه تاني وهكذا
في بنوك زي العربي الأفريقي وبنك مصر بيدوك البريبايد كارد ب 20 جنيه مثلا بيقعد معاك سنة ولما بتحب تشحنه بتروح البنك تشحنه بالمبلغ اللي انت عايزه ومش لازم يكون ليك حساب ف البنك أصلا

الماستر كارد ده كارت بيطلعلك مع الحساب الجاري مثلا او التوفير علشان تعمل عليه سحب وإيداع واسمه كارت ال ATM

المميز بقى ف كريدي أجريكول اني اقدر أشحن من الماستر للبريبايد من ع النت واقدر اسحب فلوسي من البريبايد من اي ATM على عكس بنوك كتير مش بتتيحلك تسحب فلوسك من البريبايد كارد ع ال ATM

---

في حد اقصى للتحويل للكارت الprepaid ؟

والتحكم الاونلاين في الاتجاهين يعني من الماستر للبريبيد والعكس؟

لو كده يبقى احسن بمراحل من الكرديت كارد

ملحوظه بس مهمه ليك

أنا أكتر واحد لف عالبنوك وعمل اتصالات ليهم .. واتهريت بحث عالنت في كل معلومات البنوك
وضيعت ايام من عمري في التحدث مع خدمة عملاء البنوك بكل الوسائل

مبدئياً كده : مش كل معلومه عالنت صح .. ومش كل معلومه من خدمة العملاء صح

الصح هو اللي بيحصل وقت الجد .. وقت ما تروح تطلب الخدمه اللي انت قاعد تسأل وتبحث فيها شهور
بتلاقي حماده تاني خالص .

جريدي أجريكول : هيطلب منك أثبات عمل .. ولو طالب .. واقل من 23 سنه تقريباً .. هيفتحلك حساب شباب .
حتى فيزا النت اللي كانت بتاخدها وانت واقف بصورة البطاقة الشخصيه .. لازم أثبات عمل .
ولو حضرتك قولت انا مش موظف وصاحب عمل حر ..

البت الرخمه الاوزعه اللي راسمه حواجبها هناك ولابسه بنطلون محزق وشبشب بصباع
هتقولك هاتلنا سجل تجاري وبطاقة ضريبيه .

ولو حضرتك عملت مفتح وجبت سجل تجاري وبطاقه ضريبيه عملهملك محامي ولا محاسب قانوني بالحيله .
بعد فتره كده نفس البت الاوزعه دي .. هتقولك محتاجين فواتير البيع الخاصه بالنشاط بتاعك .
العربي الافريقي الدولي و الأهلى المصري و أغلب البنوك نفس النظام

QNB الوحيد اللي ماطلبش مني الطلب ده .. وكذلك البنوك اللي انت مش عايزها ورافضها أساساً .

أنا زيك قرفان من QNB وحاطه تحت الإختبار ومش مرتاح
لكن لقيت ان القرف ده موجود في باقي البنوك الخاصه بردو .. وكل بنك تلاقي فيه ميزه وقصادها كذا عيب .

في النهايه انا مرتاح جداً مع بنك مصر .. وبالأخص فرع المعاملات الدولية وسط المدينه
ناقصه بس يطور خدمة الاون لاين .. ويهتم أكتر بكروت الفيزا .

معلومات عالماشي :

فيزا الإنترنت فقط ( المدفوعه مقدماً ) ( البريبايد ) .. تقدر تطلعها بسهولة من العربي الافريقي الدولي و بنك مصر و cib .. وكل منهم ليه مميزات وعيوب وحدود عالبطاقه .

الكريدت كارد او بطاقة الإئتمان .. ملهاش اي تلاتين الف لازمه ومشاكلها وعيوبها أكتر بكتير من مميزاتها وان كنت لا ارى اي ميزه لها من الاساس . ( اللي جرب غير اللي سمع ) .

حساب التوفير أفضل من الحساب الجاري ويلبي إحتياجاتك .. طالما لا تريد دفتر شيكات .

المراسلات + مطبوعات في جميع البنوك كل 3 شهور .. ومصاريفها 15 جنيه تقريباً في ال 3 شهور .
ولا تصل اليك .. والغائها يعني انك ستحتفظ بها في البنك مقابل مصاريف اعلى .
ولا يمكن الغائها نهائياً ( المراسلات إجباريه ) . .. تقول غباء تقول روتين متخلف .. قول اللي تقوله هو كده .
امال شركات البريد اللي بتلهف فلوس الخدمه من البنك تشتغل ازاي .. وتدور عالموضوع واصله تلاقي وراه فساد او سبوبه كبيره اسمها مراسلات وشركة بريد وبنك .

المعلومه من خدمة عملاء الفرع .. نسبة صحتها 80% اذا كانت خارج نطاق المعاملات الالكترونيه والنت .
اما اذا كانت ضمن المعالمات الالكترونيه والنت .. نسبة صحتها 10% .

المعلومه من خدمة العملاء عبر الاتصال التليفوني بالكول سنتر .. نسبة صحتها 99% اذا كانت خارج التعاملات الاكترونيه .. وضمن التعاملات الالكترونيه نسبة صحتها 70% .

كفاية كده .

اقتباس:

---

المشاركة الأصلية كتبت بواسطة mahmoud naguib

a7medalaa .... طيب وليه أصلا يطلعوا مراسلات !!
إي شغل التمانينات ده !!
ولي يجبرونا على كدة !

---

و الله هما بيقولوا ان ده عشان تراجع حساباتك و يخلوا مسؤليتهم القانونية لو في خطأ في الحسابات ! بس انا مش شايفله اي لازمة ولا عمري استفدت بيهم بس هو ده في كل البنوك مش اﻷهلي بس

اقتباس:

---

المشاركة الأصلية كتبت بواسطة Mahmoud Naguib

Ahmed_selmy .... مش فاهمك على فكرة !
مهي الحاجات دي كلها هتتقفل لما أتم 23 سنة فكدة كدة مبقاش ليها لازمة اصلا !
السؤال أحول لبنك إي !؟

---

مفيش حاجة هتقفل لما تتم 23 سنة ان شاء الله
هتقدر تطلع internet card و تستفيد بكل خدمات Yo مفيش اى اختلاف جوهري
و بالنسبة للزحمة فى QNB هما شغالين دلوقتي فى ATM Deposit
تقدر تعمل ايداع عن طريق ال ATM و تسدد الvisa credit عن طريق الATM

qnb بيعمل ايداع الى دلوقتى ؟

بس كريدى اجريكول ملهوش فروع فى الزقازيق ؟ بنك ايه ال اقدر اطلع منه فيزا انترنت فقط

اقتباس:

---

المشاركة الأصلية كتبت بواسطة Mahmoud Naguib

assaf
wawamoha .... سألت ف HSBC فرع الرحاب قالوا اقل مبلغ علشان يتفتحلك حساب ف الفرع ده 150000 جنيه
وقالوا ممكن تفتح بره عادي ب 10000 وتتعامل هنا
أنا عارف ان البنك ده ممتاز ولكن مش لشاب زيي هيحط فلوس وهيعمل حركة كتير عليها ومش هتبقى مبالغ يعني زي اللي هما بيتكلموا فيها

---

انا عميل فى HSBC من 2010 - اسمحلى بس اعرفك ان فرع الرحاب (بما انى مقيم فى الرحاب برضه) ده فرع معمول للعملاء ال advance و علشان كده لازم اقل حاجه فى حسابك 150 الف علشان تبقى advance
لكن اجراءات فتح الحساب العادى بصراحه معرفهاش و ماعرفشى شروطها لانى اتفتحلى الحساب فيه ايام ماكنت بقبض عليه

دلوقتى شركتى بتقبضنا من خلال بنك CIB و بصراحه مش عاجبنى لان كتيير اوى وقت القبض الاقى المكن بتاعه مافيهوش فلوس و احيانا الشبكه واقع
الكلام ده مش بشوفه فى HSBC
كمان حاجه فى الانترنت بانكينج السيكيورتى فى HSBC عاليه اوى حتحسها بنفسك فيه user name و بعد كده بتجاوب على سؤال بتبقى حاططله اجابه قبل كده و بعد كده بتدخل 3 حروف عشوائيه من كلمه السر
بينما فى ال CIB يادوب يوسر نيم و باسورد و خلاص كده دخلت على حسابك !!!! كأنك داخل على ميل بالظبط

بس برضه ارجع و اقولك ماعرفشى شروط فتح الحساب العادى سواء فى HSBC و لا فى CIB

كريدي فيه إيداع. للحساب من أغلب الماكينات
وبرده prepaid card فيها إيداع في الماكينات
إيداع مباشر وناخد بيها إيصال مش في ظرف