برفيوم رجالي يكون ثابت ثابت ثابت ثابت

**A7medelfe2y** · 01-09-2015 05:42 PM

نفسي في برفيوم رجالي يكون ثابت وريحته كويسه ويفضل ثابت لساعات كتير ودي اهم حاجه
وبردوه ميكونش غالي
وايه المكان الي اشتري منه ويكون مضمون؟

**Bassem Youssef** · 01-09-2015 08:07 PM

مش مهم الاسم

المهم يكون اصلي و مكتوب عليه eau de perfume

**shake** · 02-09-2015 10:32 AM

متابع

**ahmedwagdy03** · 02-09-2015 10:34 AM

البارفيوم الرجالى EDP صعب جدا يكون رخيص لإنه بيبقى مركز و تقيل و مش حتلاقى أنواع كتير منه ( إلا إذا رحت عند بتوع التركيب ممكن يعملك مركز بس مش ضرورى يدوم )

معظم الرجالى بيبقى ماء تواليت EDT و ده الأصلى منه ممكن يدوم 4-6 ساعات على حسب النوع و فيه أنواع ممكن تقعد 24 ساعة ( مثل كارتير ديكلاريشن دون سوار - بلو دى شانيل - شانيل ألور سبور ) بمعنى إنك تحس بالريحة فى الملابس تانى يوم مش تفضل فواحة لمدة 24 ساعة .

طبيعة أى عطر أصلى إن يبقى نوتات أو طبقات ( أول 30 دقيقة ريحة معينة و بعدين ساعتين بريحة أخرى أشبة بالأولى و 3 ساعات مثلا ريحة تالتة فيها أثار من أول طبقتين ) أما اللى يفضل ثابت على طول يبقى مش تركيبة الشركة الأصلى .

مافيش عطر أصلى مش غالى : إنت بتتكلم فى حدود كام علشان أعرف أفيدك . 100 جنية مثلا و لا 500 جنية

فى أماكن ثقة بتبيع أصلى زى وجوة و مزايا و دبنهامز بس أسعارها غالية جدا .

خدها قاعدة : لما تشوف عطر عاجبك إبحث فى النت عن سعره و لو لقيته مثلا 80 دولار يعنى حوالى 600 جنية فأكيد لما تلاقيه فى محل بسعر 200-300 جنية تعرف إنه مش أصلى . المشكلة تبقى إن العطر مش أصلى و يبيعه بسعر الأصلى و فى الحالة دى لازم يبقى عندك خبرة تمييز العطور (إبحث فى النت )

الموقع ده عبارة عن قاعدة بيانات لأشهر و أغلب شركات العطور
PerfumeMaster.org - Latest Fragrance News Reviews Opinions Prices and more..

**fepsceasar** · 02-09-2015 11:09 AM

terre d hermes
lalique encre noir
thierry mugler a men
dior homme intense
دول تقريبا اثبت الحاجات اللى جربتها
خد بالك فى اعتبارات اخرى..زى ان العطر بيكون ثابت على الملابس اكتر من البشرة ..ويفضل الملابس القطنية او ال صوف مش الالياف الصناعية
النظافة الشخصية قبل وضع العطر
نوع البشرة بيؤثر على ثبات العطر ..عادة اثبت على البشرة الدهنية