السلام عليكم
كنت عاوز اعرف اللى غيير سير كاتبنه فى صيانة 120 غير السير بس ولا بيغير البليه وحاجه تانيه معاه وعمله فيين واتكلف كام
عرض للطباعة
السلام عليكم
كنت عاوز اعرف اللى غيير سير كاتبنه فى صيانة 120 غير السير بس ولا بيغير البليه وحاجه تانيه معاه وعمله فيين واتكلف كام
سير كاتيتة + بلية كاتينة + سير دينامو + مصنعية تركيب
1290 جنيه للماتور الى نازل ببليه حديد
لو الماتور نازل بالبلية الفيبر بيزيد حوالى 100 جنيه
ضمان سنة طبعا وبتاخذ العربية بعد 5 ساعات تقريبا
اساسا مفيش حاجة فى التوكيل اسمها سير كاتينة وبلية كاتينة لازم الاثنين سوا ( طقم كاتينة ) لكن ممكن ما تجبش سير الدينامو من عندهم وتشرية من بره وده هيخفض التلكفة 300 جنيه ( مش متأكد من الرقم قوى ) الى هو يساوى سعر سير الدينامو
الكلام ده حتى يناير 2016 مش عارف اليومين دول تاثير رفع سعر الدولار وزيادة الجمارك هيغلفى شوية ولا لأ
الموضوع قديم لكن الاجابة للإفادة العامة
شوف صيانة 60 و 120 و 180 وانت مكمل كده ... كل دول زي بعض بيتغير فيهم الاتي
زيت ، فلتر زيت ، فلتر هواء ، بوجيهات ، سير دينامو ، سير كاتينة بالبلية ، مياه ريدياتير ، واحيانا زيت فرامل
الزيت تمنه سهل تعرفه
فلتر الزيت بره التوكيل من 25 ب 40
فلتر الهوا في من اول 50 جنيه
سير الدينامو في التوكيل من 140 ل 160 جنيه لو انت موديل 2010 والموديلات التانية بيبقي اغلي شوية وسعره بره لو جيبته نوع فيبي او اي نوع تاني ايا كان الموديل مش هيزيد عن 120
سير الكاتينة بالبلية وانصحك تجيبه من التوكيل لو الموتور اللي بليته حديد هيبقي بحوالي 550
ولو البلية الفايبر ... هيعمل 750
مياه الريدياتير بتتغير بمياه توتال سعر الجركن ال 4 لتر ب 75 في اي بنزينة توتال ... العربية بتاخد 5.54 حسب كلام الكتالوج يعني هتحتاج 6 لتر ... يعني جركن ب 75 واتنين لتر الواحد ب 21 جنيه او هات جركنين وخلي الباقي عندك احتياطي
المصنعية عند اي حد بتاع رينو من 200 ل 250 في صنايعية كتير بس اهم حاجة هات سير الكاتينة والبلية الاصلي احسن حاجة عشان تبقي في الامان
انا لسة مغيرهم من كم يوم اشتريت سير كاتينة وبلية وسير مجموعه من التوكيل عملو 1000 جنية وركبتهم برة عند عادل محمد صقر قريش ب 150 جنية .