الموضوع: منصات الالعاب ....تجربتى مع الXBOX one

المشاركة الأصلية كتبت بواسطة ahmed_selmy

شوف دول يا باشا
https://www.yashry.com/product/23685...sensor-edition
https://www.yashry.com/product/10862...ay-one-edition

اتصلت بيهم من يومين
سألتهم عن مكانه قالولي كل منتجاتنا من امازون يعني كهربا 110 بتاعه امريكا

السلام عليكم
بما انى عايز الموضوع كما ذكرت سلفا انه يبقى مرجع فانا حقول عن بعض التجارب الجديده اللى عملتها:

1-توصيل هارد خارجى
الموضوع فعلا سهل وبسيط جدا.

س: ليه اوصل هارد خارجى مع ان المساحه الداخليه 500 جيجا؟
ج: علشان الجهاز بيجى تقريبا فيه مساحه 380 جيجا والباقى بيكون راح فى نظام التشغيل وخلافه, طبعا المساحه بردوا تبان كبيرة ولكن لما تبدا تجيب العاب حتلاقى ان الالعاب مساحتها خرافيه يعنى فيه بعضهم بيوصل لحوالى 50 الى 60 جيجا, فلو حضرتك اشتريت كذا لعبه من دول حتلاقى المساحه طارت هوا.

س: طيب ايه اللى المفروض يكون متوافر فى الهارد علشان اقدر استخدمه كمساحه اضافيه؟
ج: مش مطلوب اكتر من انه يكون هارد USB 3 ومساحته 250 جيجا فما فوق.

س: لو انا جيبت الهارد , ايه اللى اعمله بقى؟
ج: حتجيب الهارد وتوصله فى الUSB سواء الجانبى او الخلفى, بس كدا , هو حيسحس بيه وبيطلعلك اختيار انك تخليه الاساسى او الثانوى, بالنسبالى انا خليته الاساسى لانى جبت هارد 1تيرا , بس خلى بالك لو الهارد انت كنت مستخدمه قبل كدا او حاطط عليه حاجه مهمه حاول تشيلها لانه بيفرمت الهارد خالص.

ثانيا: اجمل الالعاب اللى لعبتها لحد دلوقتى

س: جبت الالعاب منين؟
ج: زى ما زكرت فى اول الموضوع ان فيه اماكن مختلفه لشراء الالعاب ولكن انا استخدمت منهم 3:
1- محل Play n trade ودا انا رحتلوا فرع سيتى استارز الدور الرابع , بصارحه المجموعه اللى عنده ممتازه
2-Yashry , لقيت عندهم الالعاب اسعارها حلوة جدا
3- Amazon عن طريق ادفعلى, ودا لانى وجدت هناك العاب مش موجوده فى Play n trade ولا Yashry والاسعار تحفه يعنى لقيت لعب ب12 دولار

س:هل فيه لعب Kinect ؟

ج: ايوا فيه, انا الى الان عندى :

1- Kinect sport rivals
ودى جميله جدا الصراحه بتتكون من 6 العاب منهم كوره و نشان و سباق جيت اسكى و بولينج و تينس وتسلق
جميله وممتعه للاطفال والكبار, وممكن تلعبوا كذا واحد فى نفس الجيم

2- Zumba
ودى متعتبرش لعبه قد ما هى Fitness, هى عباره عن اغانى وفى واحد قدامك على الشاشه بيرقصلها رقصه معينه , مش رقص رقص, وانما هو زى الايروبيكس على الاغانى , وكل اما تؤدى الحركات زيه بالظبط بتاخد نقط, الموضوع تحس انه سهل ولكن فعلا مرهق وبيقطع نفسك خصوصا لو ليقتك عاليه زى حلاتى.

3-Shape up
ودى انا لسه طالبها بس تشبه ال Kinect sport ولكن مع اختلافات, فى منها نسخه DEMO على الxbox store.

س: طيب ايه الالعاب اللى عجبتك؟
ج: اقولك يا سيدى
1- Tomb raider
ودى بتتميز بانها مزيج من الحركه والقتال والتفاعل, يعنى مش كل حاجه قتل وحرب ولكن هى على هية قصه وتدور على حاجات وتستخبى وكلام من دا
2-Assisan creed unity
بردوا زى tomb raider على هية فصه مع اختلاف الجو المحيط
3-the witcher
زى الاتنين اللى قبلهم
4-NFS rivals
وطبعا دى غنيه عن التعريف
5- Forrza
بردوا سباق سيارات ولكن تختلف عن NFS , انا عن نفسى عجبانى NFS اكتر

اللى معجبنيش بقى
1- Transformers
ملهاش اى لزمه
2- Amazing spider man
يعنى مش اوى, بعد ما تلعب tomb raider , assisan creed مش حتحسلها بمعنى

اللى لسه مجربتوش
1- Titan fall
ودا لانها online play ولازم تكون مشترك XBOX live gold,ودا انا لسه مجربتوش
2-Ryse the son of god
3-Halo the master chief
4-call of duty ghost
ودول لسه بينزلهم ابديت فمش عارف العبهم لسه
ولسه فى مجموعة العاب انا طالبها من امازون بس لسه مجاتش حبقى اضيفهم فى الموضوع.
وياريت اللى جرب لعبه و عجبته يبقى يقولنا عليها.

المشاركة الأصلية كتبت بواسطة lonedoctor

انا اشتريته للاولاد عندى فى السعودية بالفين ريال من فترة وروحت لمحل ركب له جهاز عمل هاكينج وخلاه مفتوح وعبى لى هارد بالعاب كتير جدا ب 500 ريال وعلم الاولاد ازاى يحملوا العاب شبيهة من النت طبعا التحميل عندنا سهل هل لانه السرعة 40 ميجا
لكن بيقفل كل الاونلاين كونيكشن تماما علشان السيرفر بتاع الجهاز مايعرفش انه اتفتح
ومن ضمن الاشياء ركب جهاز تانى يفتح الدي فيدى كمان علشان الالعاب المنسوخة تشتغل

دا غالبا اكس بوكس 360 .....علشان الاكس بوكس وان لسه محدش عرف يفتحه ولا ps4
الحمايه بتاعتهم عاليه

المشاركة الأصلية كتبت بواسطة astra lover

ايه ياشباب الموضوع جميل ليه مفيش تحديث اول بأول وخصوصا ان قسم منصات الألعاب نايم خالص.

والله انا عملت الموضوع دا علشان كدا....بس غالبا محدش عنده اكس بوكس على المنتدى

انا من عشاق الالعاب وخصوصا العاب الر عب والاكشن والحروب